¹ Ajooleh tintih ch'arak'oh, wah kaani isaanini bareesa suniini namseh himid'aasinah. Amoh yoh anamah namse mid'afaateh waamatuh k'amnah Gurbah Waak'ah ah Yeesuh Kristoh abah d'ugah. ² Iniileh ni wilk'apsiisu namse teena, yoh namse teena k'ofaamuh, amoh namse d'uniah t'uut'umah. ³ Amaleh tanaafih, habaraneh aki nutiini isa beenyuh, wah nutiini seera isah k'awanuh. ⁴ Isa kah dubateh, ''Hah isa barad'eh'' yed'u, amoh seera isa hink'awaane iniini d'ara, amaleh d'ugah isa kesa hinjirtuh. ⁵ Amoh iniini kah dubih isa k'auh, d'ugumah fed'ih Waak'a akumadaah k'itooche. Tanaafih himbeenyeh aka isa kesa jira. ⁶ Abah aniini wiliini jira yed'e isah maalteh aki Yeesuh Kristoh ideemu akumsuni iniinileh ideemuh. ⁷ Jaaloni, seerah hareesa isaanti hinbareesu, suniifi seera dura kah d'egengedah kah isaani dura kabdani amaleh seera deenged'ah suni dubih isani d'egeechani suni. ⁸ D'ewiah seera hareesa isaanini bareesa, dubih dugah kah Kristoh kesa jirtuh amaleh isaaleh kesa jirtuh, malyenani d'ukaatih had'awarteh amoh ibsa d'ugah baiyah ebisiteh. ⁹ Kah ani ebisah kesa jiru yed'u amoh iniinileh ebeleesa isa hinfeene, d'ukaani kesa jira teemtaleh. ¹⁰ Kah ebeleesa isah fed'uh ibsah kesa taah amaleh hamtuh isa kesa hinjirtu. ¹¹ Amoh kah ebeleesa isaantih d'alanu, d'ukaani kesa jira, amaleh d'ukani kesa ideemah yoh gara iniini ideemuleh himbeek'uh malyenani dukaantih hah ila isah balasiteh. ¹² Isani bareesa, ajooleh d'id'ikoh malyenani namse teesani hah isani lik'imsani aki mak'ah Kristoh atiini. Isani bareesa, isaani aabah fah, malyenani isani isa bechaanih mala dursah. Isani bareesa isa ajooleh makala malyenani hadasatani abah hameena. ¹³ Wah kane isani bareesah, ajooleh d'id'ikoh, malyenani isani Abah beechanuh. ¹⁴ Isani bareesa isani abah faah malyenani habaratanih isa kah wogah durah. Isani bareesa isani makala, malyenani d'end'eecha kabdani, amaleh dubih Waak'a isani kesa jjirtih, isani abah hameena d'asaatani. ¹⁵ D'uniah hinfed'inah yoh wunih d'uniah kesa jirtu. Anamah wah iniini d'uniah fed'eh Aabah isa kesa hinjirtuh. ¹⁶ Amaleh wunih t'uut'umah tah d'uniah kesa jirtuh, yoh k'ajeelah naafa atih k'ajeelah ila atih yoh k'ook'a faayah gara Aabah ati hind'umneh amoh d'uniah kesah d'upteh. ¹⁷ Akumsuleh d'uniah hind'awartih k'ajeelah ishiatini wiliini, amoh kah fed'i Waak'a mid'aasuh duridurih taa. ¹⁸ Ajooleh ch'aarakoh, wogah tunih tah mumeh atih. Suniifih aki isah d'egeechani kah dega Kristoh hinfeene hind'uptih, amaleh tentah dega Kristoh hinfeene hah dupteh, suniifi himbeenyah aka ishiini wogah muumeh ah. ¹⁹ Hah nuh lakisani, amoh kah gara keena timuh. Silaateh wah isah keena itateh wulumaani tetenyah. Amoh mala isaani kasa yaani, tanaani hah nuh d'ergesiteh aka isaani keenamuh. ²⁰ Amoh isaani baiyah d'ad'a isah isaani d'iwaani kah K'uk'uuloh ani suni, amaleh isani t'uut'umah hinb'echanih d'ugah suni. ²¹ Ana isaatini hinbareesine, malyenani d'ugah suni himbeechanu, malyenani isani himbeechani amaleh malyenani faalk'ah aki t'uut'umah d'ugah suh kesa hinjirtuh. ²² Onini kah faalk'ah isa kah Yeesuh Kristoh ah yed'u muh? Abah nkuni dega Kristoh hinfeene, suniifi iniini Aabah d'ide amaleh Gurbaleh. ²³ Anamah t'uut'umah kah Gurbah d'ide Aabah hink'au, kah Gurbah beek'uh nama suni Aabah leh hink'awah. ²⁴ Isani luukah, tah isani mala dursah d'egechani suh wah isani kesa jiraatuh. Odoh oduh isani d'egechane suh mala durah isani kesa jirtu, isaaleh Gurbah kesa jirtani amaleh Aabah leh kesa jirtaanih. ²⁵ Amaleh tunih d'aamsa iniini nutih d'ame. Jireeni duriduri atih. ²⁶ Wah kana isanini bareesa aka dega dendeeche isa durbuh isani arah gorsituh. ²⁷ Amaleh isaaleh, d'ad'a isani d'akabdani suni isani kesa jira. Suniifi bareesisa anamah d'iwiah hinbarbaadanuh amoh aka d'ad'a isa isani barisiisu oduh wah t'uut'umah amaleh d'ugumah falk'aamu, yoh aki iniini isani barsiisuh isaaleh isa kesa jiraatuh. ²⁸ Amaleh tentah ajooleh ch'arakoh isa kesa jiraad'ah, suniifi yoh isa d'igaane, jaweeni d'ak'amnah amaleh gaala isah cheera hind'akawinih dura isah. ²⁹ Mala isani isah kah anamah d'ugah beechanu, barad'ah aka anamah t'uut'umah kah d'ugah mid'aasuh iniini d'aaleni.