1 Tah malsuni dursah jirtu, tah nutih d'egenyeh, tah nutih ila tenani d'egere , tah nutih ilaale, amaleh harka kenani k'amne, tah Dubih jireenah. 2 Amaleh jireena barachisani, amaleh nutileni hah d'egereh, amaleh kawih itaane,amale jireena mume hik'amne isaanti waadina ,tah malsuni Aaba k'au tah nuh barachisane. 3 Tah nutih d'egereh amaleh degenye, suuleh isaantih waadine, suniini aka tokocha jachaaneh, amaleh Aabah ni wilini wutih jachaane , amaleh Gurbah isah Yeesuh Kristoh wiliini. 4 Amaleh nuuleni wunih tana isaantih bareesineh suniini gamada kenken k'itah. 5 Ishiintuni oduh nutih gara Isaatih d'egenye amale isaanti odeesina. Waak'a ini ibsah amaleh isa kesa duk'ana dik'iyoh leni hinjirtuh. 6 Wah nutih isa wuliini njirah yenu amoh duk'ana kesa yaanu, d'ara dubana amaleh tah dugah himid'aasinuh. 7 Amoh wah nutih ibsa kesa yaanu , akuma iniini ibsa kesa jiru, nutih aka tokochi jachaana amaleh d'iiga Gurba isah Yeesuh ah, namseh t'uut'umah nuh arah d'ik'eh. 8 Wah nutih namseh hik'amnuh yenu, ufa sosomna, amaleh d'ugah nuh kesa hinjirituh. 9 Wah nutih namseh teena ufa gaabineh iniini abdih yoh d'ugah k'awa, tah iniini namseh teena nutih lik'imsa amaleh hameena keena nuh arah d'ika. 10 Wah nuh takah namseh himid'aasini yenu, d'arah isa tochina, amaleh dubih isah nuh kesa hinjirtuh.