Salamo faha 54

1 Vonjeo amin'ny Anaranao aho, ry Andriamanitra, ary tsarao amin'ny herinao. 2 Henoy ny fivavako, ry Andriamanitra; anongilano sofina ireo tenin'ny vavako. 3 Fa olona hafa firenena no mijoro hanohitra ahy, ary lehilahy tsy misy indrafo no nanenjika ny aiko; tsy nametraka an'Andriamanitra teo anoloany izy ireo. Fiatoana sy fiderana 4 Indro, Andriamanitra no mpanampy ahy; ny Tompo irery ihany no manohana ahy. 5 Hamaly ny ratsy nataon'ireo fahavaloko Izy; Aringano amin'ny fahatokianao izy ireny! 6 Amin'ny fanati-tsitrapo no hanaovako sorona ho Anao; fisaorana no atolotro ny anaranao, ry Yaveh, fa tsara izany. 7 Fa namonjy ahy tamin'ireo loza rehetra Izy; efa nahita fandresena tamin'ireo fahavaloko ny masoko.