Salamo nataon'i Davida. 1 An'i Yaveh ny tany, sy izay mameno azy, izao tontolo izao, sy izay rehetra monina ao. 2 Fa efa hitany teo ambonin'ireo ranomasina izany ary naoriny teo amin'ireo renirano. 3 Iza no hiakatra amin'ny tendrombohitr'i Yaveh? Iza no hijoro ao amin'ny toerany masina? 4 Izy izay manana tanana madio sy fo madio; izay tsy nanandratra lainga, ary tsy nianiana fianianana mba hamitahana. 5 Handray fitahiana avy amin'i Yaveh izy ary fahamarinana avy amin'Andriamanitry ny famonjena azy. 6 Tahaka izany no taranak'ireo izay mitady Azy, ireo izay mitady ny endrik'Andriamanitr'i Jakoba. Sela 7 Asandrato ny lohanareo, ianareo ry vavahady; misandrata, ry vavarana mandrakizay, mba hidiran'ny Mpanjakan'ny voninahitra! 8 Iza izany Mpanjakan'ny voninahitra izany? Yaveh, matanjaka sy mahery; Yaveh, mahery amin'ny ady. 9 Asandrato ny lohanareo, ianareo ry vavahady; misandrata, ry vavarana mandrakizay, mba hidiran'ny Mpanjakan'ny voninahitra! 10 Iza izany Mpanjakan'ny voninahitra izany? Yaveh tompon'ny maro, Izy no Mpanjakan'ny voninahitra. Sela