¹ amaran,imədrayan-in,təsəffəliwəset-kawan tassaq ta təgam d Ǝməli ɣaysa.wər fall-i imos əzuk a dawan-in-ələsaɣ akatab n aratan win as kala dawan-tan-in-əktaba,fəlas təha tənfa awen daɣ ² aggaz-nawan.Ǝnkədat y aytedan win wər nəzlay əd dan,taggin əššur,sisahen əmənkəd əttəfan as ənta a itaggin daɣ tamattay en ³ məššina.Ǝnkədat-asan wəllen.nakkanay a igan əmənkəd wa n tidət,fəlas əlɣibada a nəga məššina s infas wa zəddigan.ɣaysa Ǝlməsix a imosan abarag-nana.wər nəga attama waliyyan daɣ arat iga aggadəm. ⁴ amaran nak iman-nin əleɣ əddəlilan s igi n attama-nin daɣ aratan əgân aytedan.kud ill-ay awedan ilân əddəlil s igi n attama-net daɣ arat iga aggadəm,awedan wədi ogaraq-qu təla n əddəlil s ⁵ awen,fəlas nak a itiwasammankadan əzəl wa n əttam dəffər təhəwt-in.Ǝgmâda-du kəl-israyil,təl-i tawšet ta n benyamin,əmosaɣ aw ɣibri wa n ələsəl,əssinda-du əššərədan ketnasan win əššəriɣa wa n Ǝttawret id farisay as kala ad t-əmosa. ⁶ awa əgeɣ daɣ gəlleyat daɣ tarrayt ten,iyyəwanaɣ əzəɣɣəzzəb n əlməsixitan.daɣ batu ta təqqalat aqqad daɣ əššəriɣa,wədi wər əleɣ lahan ⁷ waliyyan.aratan kul win di,kala daɣ-san əgeɣ iduf n as əmosan-i təttəyt,mišan əmərədda əge daɣ-san iduf n as afanaz a di-əmosan,fəl əddəlil n awa iga Ǝlməsix. ⁸ fadda wərge aratan win di ɣas,kalar arat kul əge daɣ-as asawad n as afanaz a di-imos fəl əddəlil n ədkul a dənnəg wər illa iyyan a təga masnat n Ǝlməsix ⁹ ɣaysa,Ǝməli-nin.Ǝddəlil-net fəl əqbalaɣ a di-igməd arat kul,amaran arat kul əgeɣ-as iduf n as tajjargant a imos,fəl ad əttəya daɣ tarrayt n Ǝlməsix,almaɣna tassaq dər-əs.wərgeɣ ləkkum y əššəriɣa wa n Ǝttawret a di-ikfan taqqat dat məššina,kalar əzəgzan-in s ¹⁰ Ǝlməsix.məššina a ihakkin taqqat,amaran ihakk-et s əzəgzan s Ǝlməsix.arat wa areɣ masnat n Ǝlməsix,almaɣna ad əssəna tarna ən tanakra-net daɣ təmattant,əd tərtəyt dər-əs daɣ alɣazab wa iga,ala dər-əs deɣ daɣ təməttant ta ¹¹ iga.adi a di-z-issəfrəgan igi n attama n a di-issənkər məššina daɤ təmattant. ¹² wər ənneɣ əgrâwaɣ masnat tədi,ənta wala tišit n awedan ikmâlan,kalar azzal a əgeɣ daɣ agamay n a tanat-əgrəwa,fəlas əddəlil n awen da a fəl di-d-obaz Ǝlməsix ɣaysa əs man-net.imədrayan-in,wər ənneɣ əgrâwa aratan win di ; ¹³ mišan ya arat iyyanda a tagga a t-imosan as : wər din-səggəda daɣ awa okayan,kalar arat wa əfragaɣ a tagga fəl ad awədaɣ awa illan dat-i.azzal a əgeɣ s ¹⁴ əsərkən,fəl ad əgrəwa tefert təmosat teɣaray ta danaɣ-iga məššina əs jənnawan əs tərtəyt d Ǝlməsix ɣaysa. ¹⁵ daɣ adi nakkanay ketnana win as ikna əzəgzan-nana assahat immikkan ad nagu alxal wen,amaran wala ad təgâm alxal iyyan,məššina a dawan-z-isənnəfiləlan awas ihor a tu-təssənam daɣ batu ¹⁶ tədi.arat iyyanda s dawan-z-annaɣ as : dad zamas newad-du edag wa nəha da əmərədda,aglatana nəddew daɣ anamod wa da. ¹⁷ ya imədrayan-in,əqqəlat ketnawan imattalalan-in,tattalalam aytedan win əlkamnen y almasal wa ¹⁸ kawan-nəkfa.Ǝmmalaɤ-awan as əllan-tu aytedan aggotnen safraɣnen s alxalan-nasan almaɣna ən təmattant n Ǝlməsix fəl ¹⁹ təgəttawt.iyyəwanaɣ-awan igi ən batu ta,amaran əmərədda hâllaɣ as dawan-tat-əlasaɣ igi.tilkamat-nasan ahluk,fəlas šidusen-nasan a mosnen əməli-nasan,sinafasan arat was ihor a tan-isikarakad,wər təkka ənnəyat-nasan ar əddənet. ²⁰ nakkanay amaran akal-nanaɣ ijənnawan.amaran ijənnawan en da as nəqqal y a sər-na tan-d-igməd Ǝnəssefsi a t-imosan Ǝməli ɣaysa ²¹ Ǝlməsix.Ǝnta a z'isəmməttəyan əs tarna ta ila fəl arat kul šiɣəswen-nana ərkamnen,tamattatnat,iššəšil-enat əd ta-net təknât təla ən tanaya.