¹ imədrayan-in əkneɣ tara,sinahala tara n anay-nawan ! təmosan-i təfalawist,təmosam deɣ əssəbab n ətəwəsəɣmar-in.imaran-in,zəzzəwətat daɤ əzəgzan s ² Ǝməli.Efodəya əd santik,onsayaq-qamat ad tənəmənnəkmat fəl əddəlil ən tassaq ta təgamat d ³ Ǝməli.amaran kay da,imosan əmidi-nin wa n tidət daɣ əššəɣəl,əgmâya daɣ-ak ad tilalaɣ i tədoden di əs maknan gar-essanat fəlas əllilnat-i əs təbəllant fəl Ǝlinjil,nak əd kəleman əd midawan-in win hadatnen daɣ əššəɣəl s əsmawan-nasan əktâban daɣ əlkəttab wa əhan əsmawan n aytedan win əgrawnen təməddurt ta təɣlalat. ⁴ fəliwəsat faw daɣ tassaq ta təgam d Ǝməli.Ǝlasa tənna n adi,fəliwəsat.issənet awedan kul daɣ ⁵ əlluɣ-nawan.Ǝməli ihôz.a kawan-wər-iššəwəš arat waliyyan.kalar a təqqal alxalat ta ⁶ təggazam,əgməyat daɣ məššina arat was təddəraram,ad tətattaram s əwəl iha ⁷ agoda.as iga adi,alxer wa ihakku məššina,imosan alxer illân dənnəg arat kul was ifrag awedan əgərri-net,ad agəz iwallan-nawan əd medranan-nawan daɤ arat kul id tartəyt a təgam d Ǝlməsix ɣaysa. ⁸ xasil imədrayan-in,aratan da win as ihor a tan-tagim faw da daɣ taytwen-nawan əd medranan-nawan : imazalan kul win əknanen əlluɣ,əhoran d i tan-imalan,əd mazalan win əmosnen tidət,əmosan ⁹ əzzəbun,oɣâdan,zaddogan,əssiran,tatamalan.Ǝlməxsud as tamazalat faw s arat wa fall-i təɣram,təqbalam-tu,təslam-as,tənayam-i tamazalaq-qu.Ǝddi a daɣ-wan issən məššina di n əməggi n alxer. ¹⁰ amaran əšəššinəy wa təgam masnat ta daɣ-i təgam,eway-du sər-i təfalawist tagget daɣ tassaq-in d Ǝməli,kuddeɣ as dat awa da,təssânam daɣ-i mišan wər təgrewam tarrayt n əsəkni n ¹¹ adi.wər ənneɣ adi fəl as əddərara s arat iyyan,kalar nak əlmâdaɣ əgəddi s alxalat kul ta ¹² əheɣ.Ǝssana təməddurt daɣ təmaɣatirt,əssana deɣ təməddurt daɣ tənafləyt.amaran daɣ alxalaten kul šin əggaza əlmâda tewant,əlmâda tənafləyt harkid ¹³ təmaɣatirt.alxalaten kul əfragaɣ-asnat əs tilalt ən wa di-ihakkin tarna. ¹⁴ dər iga awen da ya,təgâm a olaɣan as di-tədhalam daɣ ¹⁵ təməɣutar-in.amaran kawanay kəl-filib təssânam wəllen as,as əgmada akal wa n masedonəya,azzaman win daɣ əssəntaɣ emel n Ǝlinjil,wər tu-təlla Ǝlkənisat a di-tədhâlat ar ¹⁶ ta-nawan.fəlas wala awaq wad əheɣ aɣrəm ən tesalonik təsisawayam-in awas əddərara har wərgeɣ taklat ¹⁷ iyyada.wərgeɣ agamay a taggaɣ a əgrawa,kalar arozan-nawan as gammayaɣ ad əttəyan. ¹⁸ Ǝleɣ arat kul was əddərara,ənniflaya.wər din-odena wala id əgrâwaɤ təhəkkut-nawan ta di-d-eway Ebafroditəs,təmosat takutay iqbâl ¹⁹ məššina,təla ɣur-əs adu izodan,oggam-tat.amaran əgmâya daɣ Ǝməli-nin,ilân tanaya wər nəla əddukad,a ²⁰ kawan-ikfan awas təddəraram kul fəl udəm n Ǝlməsix ɣaysa.adkul i məššina abba-nana har faw.amin! ²¹ təhulam-in aytedan kul win əzzəgzannen s Ǝlməsix ɣaysa.Ǝhulan-kawan-in mədrayan-nana n əlməsixitan win ɣur-i ²² əllanen.iməzzəgzan əs ɣaysa Ǝlməsix kul win əllanen da,əhulan-kawan-in.wəllen win maššaɣalan n aɣaywan n əmənokal ²³ qaysara.Ǝttâra s Ǝməli ɣaysa Ǝlməsix a kawan-ikfan arraxmat ketnawan.