¹ dad zamas tənayam təsasmit əs tərtəyt-nawan d Ǝlməsix,tənayam allam fəl man wa du-tətaway tara-net,tənayam tassaq ta ihakku infas wa ² zəddigan,tənayam deɣ təhanint d əlluɣ n Ǝlməsix,daɣ adi səkməlat təfalawist-in s ad tagim təməddurt daɣ tənimannakam,tənimaram,tərtəyam s əwəl iyyanda,tagim ənnəyat iyyada. ³ ad wər tagim arat waliyyan a daɣ wər təgəmməyam ar tənfa ən man-nawan ɣas,wala təzzəzwəram iman-nawan id wər infa awen wala.kalar akkiyan daɤ-wan isəmmədrəyet iman-net i win ⁴ hadatnen,tagim fawda i midawan-nawan iduf n as ogaran-kawan.akkiyan daɣ-wan igməyet tənfa ən midawan-net,wərgəɣ ta-net ɣas. ⁵ agiwat tiddawt təgât s alxal wa n Ǝlməsix ɣaysa.Ǝnta di da a daɣ du-təxsal tišit ən məššina ⁶ ketnet.mišan tugdat əd məššina ta igraw den wər igmay d a tat-ittəf fəl ⁷ man-net.kalar oyya awen ketnet s igi wa iga iman-net akli,iga-du təhəwt ta du-taggin aytedan.awa imos kul issikna tulat-net d ⁸ aytedan.isammadray iman-net s əbərdəg wa iga har təmattant.tamattant en daɣ ta təgat fəl təgəttawt. ⁹ adi a fəl t-ikfa məššina edag wa ogaran adkul,ikf-ay deɣ s arraxmat-net esəm əs tu-wər-illa esəm wər ¹⁰ oger,fəl ad issəjəd i t-illan kul gər za daɣ jənnawan wala fəl amadal wala deɣ daw amadal,fəl saɣmar n esəm ən ɣaysa ; ¹¹ aggayyat deɣ i t-illan kul as ɣaysa Ǝlməsix a imosan Ǝməli.imos awen arat izzizwaran məšsina di n abba. ¹² daɣ adi imaran-in zund əmmək as faw da təbbirdagam y Ǝməli agliwat təsinəfililam əs mazalan-nawan efsan win kawan-ikfa təgâm awen daɣ təksəda-net.awen daɣ a təgam harwa a ɣur-wan əlle.daɣ adi ad wər tammazzayam d igi n adi,wəllen əmərədda ad wər əlle ¹³ ɣur-wan.təfrâgam igi n adi fəlas məššina iman-net a išɣâlan daɣ wallan-nawan,ihakk-iwan ənnəyat əd fərregat n igi n arat kul,ilkâm awen i tara-net. ¹⁴ arat kul wa tətaggim,agat-tu da wala agatanten wala tamazaq fəl ad təqqəlam aytedan wər iwer lahan ¹⁵ waliyyan,zaddognen,əmosan bararan əkmâlnen ən məššina,əhanen ammas n ark aytedan,əxraknen ən nəllubas.təgâm daɣ-san əmələwləw wa iga ənnur daɣ ¹⁶ šiyyay,təzizawem daɣ salan win hakkinen təməddurt ta təɣlalat.as təgam adi,ad əfləsaɣ iman-nin əzəl wa du-z-asu Ǝlməsix,fəlas ad assaknu adi âs əššəɣəl-in d arkanay wa ənaya wər əbbənnanan. ¹⁷ mišan mijas a daɤ-i təwəkkəsan man,əqqəlašilat ən təkutay tətiwanɤalat a du-təssindat əššəɣəl wa kawan-isassagan ¹⁸ əzəgzan-nawan.kud iga adi da ad fəliwəsa nak,fəliwəsa deɣ nak dər-wan.kawanay da fəliwəsat,təfəwəsam deɣ nak dər-wan. ¹⁹ Ǝgeɣ attama daɣ Ǝməli ɣaysa n a kawan-in-əssuka timotay.as kawan-d-ifal ad əgrəwaɣ isalan-nawan tansu ²⁰ tayttay-nin.fəlas timotay ɣas a ifarrayan y awas farraya,tewây-as talɣa-nawan əd ²¹ man.amaran aytedan kul win hadatnen tənfa ta n man-nasan ɣas a gammayan,wərgəɣ talɣa ta n ɣaysa Ǝlməsix. ²² amaran təssânam daɣ təməwit tas isitadda timotay tišit-net awedan ilan almaɣna,fəlas ənəməšɣal wa itaggu barar d abba-net a dər-i ²³ inamagga,iddew dər-i daɣ əššəɤəl wa n amel n Ǝlinjil.daɣ adi ənta as əgəɣ attama n a dawan-t-in-əssuka.wər əqqelaɣ ar y ad əssənaɣ awa daɣ-i ²⁴ z'agin.amaran əkkasaɣ aššak ɣur Ǝməli,as a kawan-in-asa nak iman-in daɣ alwaq ihozan. ²⁵ Ǝnâyaɣ as olâɣ as kawan-in-əssoɣala Ebafroditəs,imosan amadray-nin imos deɣ əmidi-nin daɤ əššəɣəl əd təbəllant ta əgeɣ təmosat amel n Ǝlinjil s ²⁶ ənta a sər-i du-təzammazalam ewây tadhəlt tas əddərara.isidaran wəllen anay-nawan ketnawan,fəlas tədgâz-tu tasalay ta təgam ²⁷ tafrəyt-net.awalla tədâs-tu təfrəyt zəwwərat har zama as t-aba.mišan ihanattat-as məššina.amaran wərge ənta ɣas as ihannattat,kalar nak da ihinattat-i,igdal-i aɣšud ən man ogaran wa di-igrawan. ²⁸ adi fəl ədgaza daɣ a t-in-zəmmizəla sər-wan fəl a tu-tələsam anay təfəliwəsam,isəssikəy-i adi aɣšud ən man nak ²⁹ da.agiwat-as əlqəbulat təgât əs təfalawist tagget id amadray-nawan a imos daɣ əzəgzan s Ǝməli ɣaysa,təssəɣməram aytedan win ³⁰ šilat-net.fəlas har iga iman-net daɣ alɣarar ən təmattant fəl əšsəɣəl y Ǝlməsix.awen kul ig-ay fəl a di-agu tilalt tas wər təfregam a di-tat-tagim kawanay fəlas igəg a di-təgam.