¹ A pharisiens akugui ka mpana o Jésus bila ankumu bà anguiri bawi Jérusalem. ² Bo amoni ndi utsa aluoni a ndè akè badja bïla è bô bila djiala ba nkiri ma kaduga ndi bo akini katsuka djo ni ³ (Kabila kama adjandji a djô Ndziami na Juifs asso ba kadja eli bo akini katsuka djiala ové-ové ni; ma mami a bari abo a kala. ⁴ Ntini yé adjandji a djô Ndziami asso, bo ki bana ka dja eli bo abizi ka yogo andza ni. Na mami akima akala ma kessè yemini na kitsuga ba efà, na abaga, na epelè ba a kozo bila ambara ma tsa katini ka ba dja). ⁵ Adjandjia a djô Ndziami bila ankumu ba anguiri ba piza Jesus: «Ka bila kama a luoni a we ba kassa lemigui lé mami a kala ni, kabila kaba kaba dja mpèmbe èli bo a kini katsuka djiala ni?» ⁶ Na ndè dugui bo: «Bè assissielè kali, Esaie kigui odugui mami mà bè: "Bari ba bayalaga mi m'ognua, ńa etuma ebo eli là là ña mi. ⁷ Ebuoni ebô ba bassa mi ekala-kali, na bo ba mpa angui a bari bà omuo và oti olo." ⁸ Bè lègnini anguiri a Ndziami ma kayalaga mami a bari.» ⁹ Na ndè a duga bo: «Bè letsuna anguiri a Ndziami kabila bè lè kiele mami akala! ¹⁰ Okorogo Moïse odugui ndi: "Ngnima tara wé bila nguga we "ńa" mpïni mburu wa wobo otso-tsa bila tara ndè sikali ngugu nde abina kakua. ¹¹ Na bè, bè leduga ni: "Yugu mburu omo kaduga ńa tara sikali ńa ngugu: ka sunga ka we kassa ka laga kamaka ovezigui o Ndziami. ¹² Ńa bua, bèlè kamaya katuma ndè ka kayamana tara sikali ngugu ni. ¹³ Bè lemi tsieze nguiri è Ndziami m'oti wa gnagui bè. Na bè lèssa mbegue lé mami ava bua.» ¹⁴ Ndè mvuru ntsuoli begue lè bari ńa bo ndi: leyuzuga mi, bè asso le yuga. ¹⁵ Bimbi ka bè wa ndzi e kibuna kabiza mburu ni. Bà bétsuga tsa ndè. ¹⁶ [Evé ba apiri mà mabimińa oluo. "A ka mburu na atsu ma kayuga, ndé yugui"]. ¹⁷ Ntini yé Jésus ya yéka tsugu ntsa bari ńa o gnunigui ntsa ndjo, a luoni a ndè a apizi ndè lèmpini li ma kaduga ndi è ma. ¹⁸ Jesus ndi: «Bè lekini oyeni ognaga? Be lekamono ni esso ba bè gnunga tsa mburu ki buna ka biza ndé ńi, ¹⁹ Ka bila djo ki buna ka gnuniga ndè ntsa otuma ńi, okorogo ntsa mwon ndè amana djo etsugni tsa ossogo.» Ma kaduga bu, Jésus kigui aduga bo mbibi bèvè esso. ²⁰ Ndè digui bô «ba bè tsuga ma mburu bè biza ndè. ²¹ Mami mabi matsuga ntsa otuma mburu, etimigui, odumba, ossara, mbumi. ²² Ntsuma, djala kabaga, nkálà, lekura ndjala mbibi, lè kata là amani, kamba. ²³ Mami m'asso m'abi kawa ntsa otuma ńa mo ma biza mburu.» ²⁴ Ka ña ndé ka ntsiegue, ndé yeni ntsa kagudu ka tyr bila Sidon. Ndè gnunigui ntsa djô me ndè ki djia ndi mburu kiya ndi nde li ka ntsa ńa, okorogo ndè kigui buna kaputa ni. ²⁵ Mparabu, okazi omon kigui ńa muana wo okazi na eduduma bèbi adugui ndè ndi ndè li ńa, ńa oyi va ntsina gnili é ndè. ²⁶ Okazi yua kigui grecque, ndè kigui syro-phenicienne-ndè pizi ndè akolo-kolo ma ka tsura oduduma ntsa gnura muana ndè wokazi. ²⁷ Ndè ndugui ndi:«ma bana gnina bana a dja, ka bila ki buna kaya ga mpembè bana ma ka mpà a mvà ni.» ²⁸ Ńa ndè okali ndè, ndè aduga ndi:«yé, nkumu, sè amva beli ntina bissa badja atiga a bana". ²⁹ Nde dugui ńa okazi: kabila kama wè mi duga, djè katsa kadussu, oduduma wobi mi tsuga tsa muana wè okazi.» ³⁰ Ndé yeni djô ndè na ndè moni muana oka ma tolo ka yila ntari, ma oduduma wobi kigui matsuga ka tsa ndè. ³¹ Nde ntsiegui kassi ka tyr, oyiri ma lé Sidon, telè mà okeri oh ña oyi tsa Gallilée ata nde tu ntsa kangudu ka décapole. ³² Bô ayi bila ndè nkina eli kigui ńa mpassi maka wobo, ńa bô adugui maka legue nde kuoro. ³³ Ndè oyagui ndè ma katsu ka kima, làlà ńa bari tsa biri e ndè otu, ndè olengui ndé eliemi m'atsu, ńa otsili ndè le mpelè bila atayi. ³⁴ Ndè kessi katsu kayulu, ossuzi mfiemi ńa nde dugui ndi: Ephphatha» ma kaduga ndi«we nańa» ³⁵ Ka ninà, atsu a ndé anagni, kila ka kaki koura ndè le mpèle ka tiegui, na nde bani kawobo tà-tà. ³⁶ Ndè na bo ndi mbè lebizi kaduga mburu, na okorogo sè ndè aduga bô ma kaka pi, bô ba wobo. ³⁷ Bô aki ntsa akimi ña nde: «Ndè assa mami asso mavè. Ndè assa bà babiza yuga kayuga ña bà babiza monon kamonon.»