¹ Ma etsugu bia, bègue lè bari lèkugui, ǹa bô kigui nkila maka dja kali. Jesus ntsuoli a luoni a ndè ńa ndi. ² «Mi ǹa ngnia bari ba, kabila ka bô ka ka bumbu bila sabè etsugu etari, bila mi ńa bo akibaga ña bo kila kaka dja kali. ³ Ńa mè vuta bô ntsa a djô a bô eli bo akini dja ńi, bua bo ba vá ewuo ma djila. Ña ba bamon làlà bawa.» ⁴ A luoni a ndè a kali na ndè: «ka ntsa ntsègue ǹa bizi lè baga mpèmbè ye kuna-kuna ka kunu maka bunuga bari ba asso?» ⁵ Ndè a mpíza bô: «Biza bè ǹa mpèmbè kuè? Bo a kali ndè ndi: «Ntsami?» ⁶ Ndè ǹa bari asso ndi le kama ntsina ma ntsiè. Nde yagui mpèmbè ye ntsami ndé ka mana ka buono, ndé tsagui ña mpi n'aluoni a ndè ma kasuza kovusu bà leburu, bô asuzi kovusu bà le buru. ⁷ Bô sè ki ǹa etsu-ntsu bekiegui kamana buono, ndè na aluoni ma kakaba bari. ⁸ Bo adji ǹa bo kigui yiga ntsa kassè ǹa bô atoli etini besilí: ekubu bâ angûlu ntsami. ⁹ Ǹa bari ba kigui ka ǹa kigui a mili ana. Ña, ̃Jésus ovutu bô. ¹⁰ Parabu, ndè gnunigui mbugu bila aluoni a ndè, ǹa bô ayeni ntsa kassi ka Dalmanutha. ¹¹ A amana andjandji a djô Ndziami ayi bô abani kawobo bila ndè. Bô ǹa ndè ndi muese bizi ndimi ya yéwa yulu mà kamiga ndè. ¹² Jésus suzi owumi ka ntsa oduduma ndè ǹa nde ndi: «kabila ka letsa li ka lessaga ndjimi léma? ¹³ Amana, ndè tsiegui ovuri ngnunigui bô, ntsa mbungu ǹa yini ngulu yemon. ¹⁴ Aluoni kigui a ma pimina mpèmbè kayaga. Kigui ema sila lè mpembè lemon ka ntsa mbungu. ¹⁵ Ndè oyiezi bô ndi: «lè kapi, ǹa lessa oyeri ma aganga ba mà adjandji a djô Ndziami ba ña aganga bà Herode.» ¹⁶ Aluoni a yiga ba wobo mpanana bô: «kabila biza bè mpembè ognaǹa.» ¹⁷ Jesus amoni bua, ǹa bô ndi: «Bè mèma lewolo ni bè mpembè kali? Bè lekini baga ǹi? Bè le kini yuga ńi? Bè etuma emisa onono? ¹⁸ Be ǹa mizi, be lè kamono ni? Be ńa atsu, be ki yuga ni be léka baraga ni? ¹⁹ Ntini yemi ye ntsagui mpembè tani ma bari ámili atani, bè angulua toto mà etini epembè kuè le biri?» Bo ǹa ndè ndi: «kumu ǹa muelè.» ²⁰ «Ntini yémi é ntsagui mpembe ntsami ma amili a bari ana, bè angûlu kuè le yagui?» Bô akali ǹa ndi: «ntsami.» ²¹ Ndè ndi: «Ña bu belè kayuga ǹi? ²² Bô ato Bethsaïda. Bari ba ǹa ayi bila ndè mburu eli mizi a ma buluga ǹa ndi Jesus abuoni mà katila ndè. ²³ Jésus yagui mburu o mizi mabu luga buluga ma kuogo ǹa ndè biri ndè ngula ntsègue. Ndè kamana tuta ndè atayi ntsa mizi a ndè ǹa ndè legui djiala kayila ndè, ndè apiza ndè ndi: «wamonon kila?» ²⁴ Ndè tessi mizi ǹa ndi: «mè monon bari ama wana èti beyira.» ²⁵ Ǹa ndè mvuru legui ndè nkuogo kayila mizi, mburu wua ona ni mizi, ńa nde mizi anaǹi, ndè yiga amonon yemigui, ²⁶ Jesus ovutu ndè mpila nde ndi «biza ka ngnuniga ntsa kagundu.» ²⁷ Jésus bila aluoni a ndè ma kadjé a mpugu ma cesarée oh Philippe. Ma ndjila, nde mpizi ǹa aluoni a ndè: «Mi ǹa?» ²⁸ Bô akali ǹa ndè: «Jean-Baptiste.» Bamon ndi: «Elie» ǹa bamon, «antuma a Ndziami.» ²⁹ Ndè pizi bô: «Ǹa bè, mi ǹa?» Pierre dugui nde «wè Christ.» ³⁰ Jésus odugui bô ndi be le bizi kadugu ǹa mburu. ³¹ Ǹa ndè bani ma kaduga bô ndi muana mburu a mono mpassi ma mami a kuna-kuna, ǹa bari atsomi ba bèle ndè, ǹa akâni ba djo Ndziami ǹa ankumu ba aguiri bâ buma ndè, ǹa amana etsugu etari nde kagnuziga. ³² Ndè dugui tà-tàǹa, Pièrre oyagui ndè mà lebayi ossi ndè nkala. ³³ Ǹa Jésus okaligui ña okessi aluono ndè. Amana ndé sé ossi Pierre nkala ǹa ndè ndi: «oloyui ntsiegue ka biza mi! Wè aka fuba ma mami a Ndziami. Ni, wa kassa abari.» ³⁴ Amana ndè okusigui bari bila aluoni a ndè, ǹa nde ndi: «yugu mburu na ndja kaluono mi, ndè ǹini amami a ndè, ndè biri le mandji le ndakulu ǹa nde luoni mi. ³⁵ Ǹa mpini mburu wassaga ka vuzuga omuo o ndè akama bo, ǹa mpini mburu wo akama mà mi bila mbari a vuzuga. ³⁶ Kabila kama mburu assaga kabaga okiri ña okami omuo» ³⁷ Kila ke buna mpa mburuomuo ma kakala omuo o ndè kama? ³⁸ Mpini mburu wa mono okuru mami bila mbari é mi ntsa lètsa lè odumba ǹa assumu, muana mburu a baga okuru ma ndè ntini yéya ndè ntsa lekuma lè tara ndè bila abandji a tsè-tsè.»