¹ Ndé ô tsugui ka ña ntsa bugu le akuli ndé, aluoni a ndé, anami ndé. ² Tini eh ndjandja le Ndziami ètô, ndé ki yisiga mbari èh Ndziami, bari akunakuna ba kayuzuga ndé, bo amoni ovè. Bo ba ka dunga ndi ndé yi mbari kakunu kabaga? Nde yitsimi na pa? «Ma ampiri ama? A ndé makassa ma djiala éh ndé?» ³ Ndé kâ onkomo a ndjô, muana a Marie, okula le Jacques, José, Jude na Simon? Ankeri a ndé ka bali bila bizabé ka ña oganaga?» Mami a Jesus maka dugui assi obi ⁴ Jésus na bondi, «Ntuma Ndziami ki buna ka yelè lekumu, ka ngula kagudu ka kulu ndè, ma panigui abungo ndè ka ntsa ndjô nda nkulu.» ⁵ Ndè kigui ki buna kassa djadja lenini ka ngula kaleguè djiala ndè yila abieri. ⁶ Ekemi ebo ekimi ndè. Ña ndè yeni ntsa a mpungu apani ma kayiziga. ⁷ Na ndé otsuoli bo ekumu djuelè maka tuma bo buelé buelé ña ndé mpibo mpari maka tsura eduduma bébi. ⁸ Bè lenini sè kila kamo kabira ke yè bè opinga. Ka ngula katini k'oti, lempembè kali, mpié, bila adoro ka ntsa endi elegue kali, ⁹ okorogo bè le lazi akorogo ma endi, ña bè kiyaga afâ muelè ñi. ¹⁰ Na ndè dungui bo: «A ntini asso a bè kalegnuniga ntsa ndjô, leka ntsa yo nti-ngo ka bè kalé tsieguè bè biri yía. ¹¹ Bugu lemon lebiza yamba bè, lebiza kayuga bè, bè letsiegui biri yia, bè le tiezi ntsié ema ebonon ebè maka muezè bo mami mabi abo.» ¹² Bo atsugui maka pa mbari ndi bari ovè aki lala ña assumu abo. ¹³ Bo atsuri eduduma bebi ekuna-kuna, na bo akili abieri kuna mari ña asaligui bo. ¹⁴ Nkani okumu Herode oyugu atsia, ma bu ndi ma nkumu eh Jésus emi kunuña ya djelè-djele. Bari akè adungui: «Jean-Baptiste mi gnuzuga ma leku, ña essa bua, mpari ampiri eli ma ndè». ¹⁵ Ba mo ndi: «ndè Elie», ba mo avuru dungui ndi: «Ndè ntuma Ndziami, vah atuma a Ndziami a kala.» ¹⁶ Ntini y' Herode ya kayugui mami ma ndé ndi Jean womi ô tsébi otsû mi gnusuga? ¹⁷ Na Herode eki massa kakuara Jean na ndè si ndè ka kura ntsa ogueneguè ma dja le Herodias (okari morigui ndè Philippe), ka bila kama ndè obali ndè. ¹⁸ Kabila kama Jean dugui na Herode ndi ovè ognaña maka yaga okari wo buga lewé.» ¹⁹ Okorogo Herodias kigui na nguegui na ndè, ndè sagui kabuma ndè, okorogo ndè kibuna ni, ²⁰ okorogo Herode eki na obuogo ô Jean; ndè eki ya ndi Jean mburu otelè bila tsè-tsè, ña ndè kielí ndé yemigui. Ntini ndè kayuga ndè yessa ndè obi okorogo ndè yugui ndé bila kassè. ²¹ Na mono fuaza ka yessa ma tsugu lé Herode la kavussa ovu na ndè atsuoli na nkumu b'aworo, bila a commada na nkumu a Galilée. ²² Muana Herodias w'okazi ognunugui nda kulu ma kina m'abo, na Herode bila bari bayi ma tsida adji ndè. Nkani odungui na muana ndè: «piza mi pini kila ka dia wè mi epa wè.» ²³ Ndè labi na ndè ndi: esso e wè ka piza mi epa wè, nti kabari kassi ka mi.» ²⁴ Ndè tsugui dungui ma ngü ndè: «Mi ema ela ña ndè?» ndè dugui: «Otsû o Jean-Baptiste.» ²⁵ Parabu, ndè kagnugui assissari pila nkani ma ka piza ndè, ndè kadungui: «mi essaga mini opami otsû o Jean-Baptiste parabu.» ²⁶ Nkumu moni gnia, okorogo ndè kigui ki ma buna ka biza kila kayaligui ndè ni. ²⁷ na nkani otumi oworo ndè ma kaya bila ndè otsû o Jean. Oworo oyeni ka tsaga ndè ntsa ogueneguè. ²⁸ Ndè yi bila otsû ntsa kapelè kenini opi muana ndè okasi, muana oyeni ka pa mpila ngü. ²⁹ Na aluoni a ndè, a ma yuga ndi, ayi yaga gnuru ndè ayi leguè ka ntsa muma. ³⁰ Na aluoni a ndè a kugu panigui eh Jésus, alegui ndè kassié ma mami a ndè ka si bila a ndè kayisigui. ³¹ Na ndè dungui bo: «le djè ka biri eli ntseri kali bé le wuma ntini mò.» Ma ka ma kuna ayi ña ayeni, bo ki buna kadja ni.» ³² Na bo ayeni ntsa mbugu ka bíri le kayi-kayi. ³³ Okorogo bo amoni bo ba tsíegue ña kuna eki ayayi bo, bo ayeni kua ma okuga ma tsié ntsa kegudu kesso. Bo atu levuzu lé bo. ³⁴ Ntini yé surigui bo yila ka kulu k'okeri, ndé moni beguè le bari na ndè moni kerigui éh bo kabila ka ma bo ki vah edombo bè yelè okieli. Na ndè bani kayisiga bo mami kuna. ³⁵ Ma tari le ntsa pibi, aluoni a ndè ayi pila ndè ka dunga: «yi biri le kayi-kayi ña tsugu le mi labaga. ³⁶ Vuta bo adjè ntsa mpungu ma kassuma kila ka dja.» ³⁷ Ndè yaligui ǹa ndè duguí ndi: «Bè, lèmpa bo ke kila eli lo ba buna ma kadja.» Bo nà ndè ndi: «Bizi le buna maka djiè süma mpèmbè y'adoro ekumu ena bila lè mpa bo bilá?» ³⁸ Nde ńa bo ndi: «Bè etini kwè b'eli ńa bè? Le djè ǹa lè kessè.» Bo ama djè piza, lo ndi: «Etini etani ńa antsu buelè.» ³⁹ Ndé ǹa bari asso ndi lè ka matsi ma apanga ka yila ntseri epi. ⁴⁰ Bo aki m'atsi m'apanga; ńa panga lèkumu djíèlé, na lé okumu etani. ⁴¹ Na ndè yagui a bugu atani a mpèmbè ǹa antsu a buèlè ndè, kessi yulu, ndè Ndzíami le vè ńa nde tsagui a bugu ǹa ndè mpi ńaluoní a ndè maka kaba bari. Nà ndè ni bari asso antsu a buelè. ⁴² Bo asso adji tï bari asso ayurígui. ⁴³ Bo atoli etini empembè bé m'atsuga, abelè kumu ǹa muelè tô, ǹa etini ba antsu. ⁴⁴ Bo kígui ekumu ba a mili ètani eh bari ba dji ekezigui. ⁴⁵ Parabu ńa ndè lègui aluoni a ndè ntsa mbugu maka tsuama levuzu lè ndè ma katsu kemon ka Bethsaïda, ntini e kigui tuma ndè bari. ⁴⁶ Bo a djè, bo ayeni yila ka kuru ma ka buono. ⁴⁷ Ekikolo eto mbugu kigui ekini ka kabakari ba la mer, ǹa ndè kíguí nde otu ossili ma ntsiè. ⁴⁸ Ńa nde kamono ndi nde kigui ǹa mparigui ma ka bira mbugu kabila mpièbi kigui ma gnura bo. Kuna kigui lè mpimbi onâ, ndè kayira yila la mer, nde ǹani yira mpana bo. ⁴⁹ Ǹa bo amono ndè ayira kayila andza, bo amono ndi diabiri ǹa bo atí essarígui. ⁵⁰ Ka bila bo amono ndè ǹa bo yiga ba tereguè. Parabu na ndè wobi bila bo ńa nde dugu ndi: «Lessa okini, ndè ni mi! Lè biza obuogo ka monon!» ⁵¹ Nde gnuníǹi ntsa mbugu bíla bo, ńa mpiebi le wùmi. Ekoli bo. ⁵² Ńa bo kigui a ki yuga a bugu m'a atani ma kaduga ndi ema. Bô kigui etuma emissa ononon. ⁵³ Bo amana ka tsuga, agnuniñi ntsa kassi ka Genesareth ńa bô akuri mbugu. ⁵⁴ Bô ama ma mbugu bo yíga ayayi ndè. ⁵⁵ Na bo abírí ntsíni ntsa kassi kasso na a bani makaya bila ndè abieri ka yíla atila, mpiní bírí ye yuga bo ndí ndè djè. ⁵⁶ Mpini bírí ye gnunińa ndè ntsa ampungu, si kali ntsa bugu, sikali ntsa kassi, bo baka lègue abieri a bo kantsa ebiri b'adjandi, na bô abuoni ndè makassa katila ndè ma okabi amfâ ndè. Ńa asso ba atili mfà ndè a wumi.