1 Nde vurigui gnunigui tsa djô Ndziami, kaña eki na balaga lemon leli kuogo kamakâ. 2 Bari akè ki bakessè ndè ovè-ovè makamonon aka ndè assalaga ndè mâ tsugu le Ndziami. Mâ kakata ndè. 3 Jésus dugui na nga kuogo ke kayakaya : "Témegue suga kakari ña. " 4 Nâ Jésus dugui na bari: "Tiri bassa mavè sikali mabi ma tsugu le Ndziami, makavusuga omuo sikali makabuma bô ?" Okorogo bô aki pi. 5 Nde kessi bô bila nkala, omoni obi mâ ononon bâ etuma eh bô,nâ ndè dugui na balaga : "Laba kuogo ka wè." ndè labi na Jésus saligui ndè kuogo. 6 Parabu, adjadji adjô Ndziami atsugui nâ assi okuga bila Hérodiens magnuru éh ndè makabuma ndè. 7 Amana Jésus bila aluoni a ndè ayéni mpana okeri, nâ leburu lekukuna awui kangundu ka Galilée na judée, 8 Bila Jérusalem, égundu é judée, na Idumée na ngula tsulu okéri (jourdain) na éssi éh mpana Tir na Sidon; leburu lenini, leyugui asso a ndè makakissa, ayi mpila ndè. 9 Ndè dugui na aluoni a ndè makayessè ndè bungu yékièguè, mâ leburu, mabundi bôki djata ndè ni. 10 Ndè ki asalaga bari akukuna baki nangâ asso ki bassaga ka tsina mpana ndè makatila ndè. 11 Ntini yéduduma bébi yamoni ndè, bô avuni abuo kovusu ô ndè yiga bata-gnia: "Wè mwana Ndziami." 12 Ndè wòbi na bô mankala, tsaki ayayi ndé. 13 Nde kumi yila kakuru, ndè tsuoli a ndè baga djiyi nâ bô ayi mpana ndè. 14 Ndè suoli kumu na buelè (ndè tsuoli bô mâ babatsua djô Ndziami) mabundi bô aka bila ndè na ndè katuma bô kampa mbari é Ndziami. 15 Bila onkumu maka tsura éduduma bebi. 16 Ndè suoli kumu na buelè: Simon, ôh ndè woka mpi nkumu éh Pierre; 17 Jacques muana Zébédée, Jean morigui ôh Jacques a ndè baka mpi nkumu Boanergès, maka duga ndi (muana ngari); 18 nâ André, Philippe, Barthélémy, Matthieu, Thomas, Jacques muana alphée, Thadée, Simon ôh zélote, 19 na Judas Iscariot wéli ki akaba ndè. 20 Amana, bô ayeni ndjô, nâ leburu levurigui kugui, bô kigui buna bila kamadja bô ni. 21 Ntini yékuonon ndè yéyugui bua, bô ayi makakuara ndè makama bô ndi: "Nde ka djiri". 22 Ankumu baguiri bawui Jérusalem ndi: " Nkumu wéduduma bébi li tsa ndè. Nâ ndè atsura wéduduma bébi mâ nkumu wéduduma bébi." 23 Jésus tsuoli bô mpana ndè na bô mâ lempini ndi: "Kadju bunu ketsura kadju? 24 Aka kassi kamon baga ombayi mâ gnura ko ankulu, kassi kia kékaka ni. 25 Aka ndjô montu émibaga ombayi mâ yô ankulu yoyékaka ni. 26 Aka kadju ka matèmegue magnuru nde ankulu, kami baga ombayi ndè ki buna kaka ni, ndè awa. 27 Okorogo mburu ki buna gnunuga ntsa ndjô balaga le mpari nâ oyibi nde le buga keli ndè kibana assa kura balaga le mpari lia, nâ ndè yibi ndjô ndè. 28 M'eduga bè assissiélè: Babologo assumu a bari asso sè etugui be duga bo; 29 Nâ ka tugui m'oduduma suntu bakabologo ni nâ mburu wua missa sumu l'obobu." 30 Jésus dugui ndi mabô baki duga ndi: "Ndè ña oduduma wobi." 31 Ngü ndè, na barigui a ndè ayi, ña bô aki kadji, bô atumi mburu katsuolo ndè. 32 Leburu leki manti mpana ndè na ndè ndi: "Ngü wè bila barigui ah wè ali kadjiyi bassaga wè" . 33 Jésus kali bô ndi: "Beli ngü mi bila barigui a mi bana?" 34 Ndè kamana kessè baki mpana ndè, ndè ndi: "Lekèssè! lémonon ngü mi bila barigui ah mi. 35 Mpini mburu wassa mami a Ndziami, mburu yua morigui omi, nkéri omi na ngü mi."