¹ Amana etsugu ekè, Jésus ovurigui kangundu ka Carpernaum. Bari ayugui ntsia ndi ndè kigui imaya vuruga ndjô. ² Kuna akúgu ki yiga sè biri kali, si m'ognua ndjo. Na Jésus ompi bô mbari. ³ Abalaga akè ayi na Jésus balaga leli ki kabuka, abalaga ana a ma bira. ⁴ Eki kibuna kabira balaga lia mpila Jésus ni maleburu la lekina. Nâ bô akumi yila ndjô atubi ndjila leyulu le Jésus. Bô assi kabuka kassuruga matolo yila tari éh ndè kovusu ô Jésus. ⁵ Nâ Jésus tali ndi balaga lia ki n'odjimi maka wuma. Nde dugui na kabuka: "Muana mi, amibologo assumu awè!" ⁶ Okorogo ankumu baguiri akè baki mati kana yiga bawobo tsa etuma ebo. ⁷ "Balaga li lewobo bu makama? Ndè atuga! Atuga! Wabuna ka bologo assumu na kayila Ndziami?" ⁸ Na Jésus oyayi kanina tsa oduduma ndè ndi bô kiba wobo bua mpanigui eh bô. Ndè na bô ndi, "Bè makama lebalaga mamima tsa etuma ebè? ⁹ Keli ña mi mpassi kali makaduga, ami bologo assumu awè sikali temegue! yaga tari éwè, na djé? ¹⁰ Okorogo ovè be leyayi ni muana Ndziami na okani maka bologo assumu yila tsié, ndè dugui na balaga le kabuka : ¹¹ "Temegue! yaga tari ewè na dje mpila wè" ¹² Balaga letemigui assissari, leyagui kakala ka ndè na oyeni kovusu omisi abari asso. Bô asso amoni ovè yiga baluma Ndziami ndi: "Bisi lekini kamonon bu n'okala ni." ¹³ Jésus otsiegui Capernaum na yiga luono odumba. Leburu lesso leyi mpila ndè na ndè mpi bô mbari. ¹⁴ Ndè kayira, ndè moni balaga lemon nkuma ndè Lévi, mwana alphée. Ndè kimanti mabiri le ndjandja lebayaga adoro ma lepô. Jésus dugui ndè ndi: "Luonon mi." ndè temigui oluoni Jésus. ¹⁵ Amana kwa Jesus odji bila tsa ndjo Lévi. anga assumu akunakuna bila babayaga adoro ma lepô adji bila ndè na aluoni a ndè, boki nakuna luonon ndè. ¹⁶ Ankumu baguiri bila adjandji adjô Ndziami amoni ndi Jésus ki adja bila anga ossumu na bâ bayaga adoro ma lepô, apisi n'aluoni a ndè : "Ndè makama kadja na kagnua bila anga assumu na bâ bayaga adoro ma lepô? " ¹⁷ Na Jésus kayuga bua dugui bô ndi: "Bari beli angayi kali kama na ngaha kali; béli nangâ atu na kama. Mi kiya katsuolo bari atélè ni, okorogo anga assumu." ¹⁸ Aluoni a Jean bila adjadji adjô Ndziami akigui ndjala. Na bari akè ayeni duga ndè ndi : "Kabila kama aluoni a Jean bila aluoni bâ adjadji adjô Ndziami aka ndjala, awè makama abisa ka djala?" ¹⁹ Jésus dugui bô ndi : "Bari bâ baya m'abomon baka ndjala aka olumu okini bila bô? Le mbigui leka olumu bila bô, bô kibuna kaka ndjala ni. ²⁰ Okorogo etsugu béto tini yéba tsiesè bô olumu, na etsugu bia, bô aka ndjala. ²¹ Buru aka tsua katini ka mfâ yégnarigui kayila mfâ ekali ni, bua mfâ ekala yebaga ma yegnarigui nâ yégnarigui m'ekala, nâ ebagui bévula. ²² MBuru akalegue mali magnarigui tsa olangui okala ni, bua mali mabula elangui, na mali na elangui ébï edjuelè. ovè alegui mali magnagui tsa elangui begnarigui." ²³ Tsugu lemon le ndziami, Jésus ki ayira tsa angunu yalumu nâ aluoni a ndè abani kabla mburu kè. ²⁴ Nâ adjadji adjô Ndziami adugui ndè : "Kessè! bô makama bassa mami méli katèle matsugu le Ndziami ni ?" ²⁵ Ndè na bô ndi : " Bè lekini kalira djâ lessi David kaki ndè tsa kama na djala, (Ndè, abalaga baki bila ndè) ²⁶ Ossubu ndè woka nunigui tsa ndjo Ndziami ma ntini y'abiathar yégaki nkumu o djô Ndziami, ndji lepimbè leguiri (leli mpini mburu kidja ni kayila ankumu a djô Ndziami), na ndè mpi na bari baki bila ndè ?" ²⁷ Jésus ndi : "Tsugu lé ndziami assi m'okiri obari ka okiri obari mâ tsugu le dziami ni. ²⁸ Ma bua, muana dziami Nkumu, sè otsugu le dziami."