DCS-Mirror-parfait-ayanou_teg_mrk_text

Kassagumu ka Marc 1

¹ Bi ebani ba mbari Jésus-Christ muana Ndziami. ² Mva ossumbu wa tinde katsa buku l'Esaïe «Kessè, m'etuma ntuma mi mpila wè, ndè mburu w'asseleguè ndjila wè. ³ Dzuï le mburu letsuolo ntsa msteguè: "Lesselèguè ndjila Ndziami, lekozo andjila andé ka télè."» ⁴ Jean oyi, opi âtemi kantsa ntsègue nbila mbari é ndziami, ndè opi mbari yé́ m'a kala bila kapiza a kolo-kolo m'assumu. ⁵ Kassi kasso ka Judée ña bari asso ba kagúndu ka Jérusalem a yeni mpila ndè. Nde mburu w'opi bo atêmi ntsa okeri (Jourdain) bo atsiézi assumu a bo. ⁶ Jean kigui m'alaza mfâ y'ekua é gnama ndè sè kigui m'a kura ondi wonono ma leguè, ndè kigui kadja eñëyè bila Mariabûgu. ⁷ Ndè mpi mbari ma kaduga ndi: «Mburu wa ya amana mi, o vuli mi mpari bila onkumu mi kibuna sè̀ kakumuǹa ma ka nana endi ba akorogo a ndè ñi. ⁸ Mi mpi bè atemi mà Andza ña ndè a pa bè atêmi ma owuru omatsiémè. ⁹ L'éto ntsugu lé Jesus le kawi Nazareth ma kayira Gallilée ña Jean opi nde atêmi katsa okeri wo Jourdain.» ¹⁰ Ntini etsugu Jesus ntsa Andza, ndè moni yulu kigui o manañ̃a ñà owuru. Omatsièmè ossurigui yila ndé mva gnoyi obinga. ¹¹ Ña ndzuï le wè vulu surigui yila ndé ma kaduga ndi: "We mwana mi a dia, we a sa kassé kami kasso.» ¹² A mana owuru o matsiémè otumi ndè ntsa ntseguè. ¹³ Nde si ntsa ntseguè ekumu bètsugu ena, ofu omigui ndè. Ndè kigui bila a gnama asuaga, bila abandji éki ba djadja ma ndè, ¹⁴ Anama ka kuara Jean, Jesus oyi Gallilée ma kapa dzuï lé Ndziami. ¹⁵ Ndè aduga ndi: "Ntini émi-tô kassi ka Ndziami yiga ntuga. Le kala etuma é bè léyaga mbari è Ndziami." ¹⁶ Ndè ka yiri mpani okeri. Ô Gallilée, ndè moni Simon bila André buga morigui Simon, ntsuni okia ka ntsa okeri, bokigui a bï ba antsu. ¹⁷ Jesus owobi nà bo ndi: "Le ya, léluonon mi me sà bè bè lika a bï a bari." ¹⁸ Parabu bagnini akia ba antsu bo oluoni ndè. ¹⁹ Ntini é Jesus ya kigui yiè làlà, ndé moni Jacques muana Zebedée bila Jean muarigui ndè; bo kigui ali ntsa mbugu, maka seleguè Akia. ²⁰ Ndè tsuoli bo. Ña agnini tara bo Zebedée ntsa mbugu bila adjadjina ña bo aluoni ndé. ²¹ Bo ayi Capernaum, ma ntsugu lé ba buono Ndziami (Nstono) Jesus oyeni tsa ndjo Ndziami ma ka yissiga. ²² Bo akimi Eyissigui é ndè, kabila kamà ndè ki ayiziga bila okani ña ka mva akumu ba aguiri ni. ²³ Ntini yia ekigui ná buru omon kantsa ndjo bo é Ndziami okigui ña owuru wobi, woki tâ gnia a duga ndi: ²⁴ «Lè bizi bila wé lema; Jesus o Nazareth? We' ya ma ka tsala lebizi? Mi yayi we. Wè o tsètsè o Ndziami.» ²⁵ Jesus okali nà owuru wobi odugui: «Kapi ntsuga ntsa ndè!» ²⁶ Owuru wobi obali ndé ma ntsie ndè tsugui ntsa ndè ma kata gnia. ²⁷ Mbari asso amoni kassè, na bo apizi abuga mpanigui a bo: «Lidja le ma? Eyizigni nkima yè Gnarigui bila mpari? Ma mpari ndè atura ewuru bebi nà djo bé gnima ndè!» ²⁸ Tsia ndé eyeni tsa kagudu ka Gallilée kasso. ²⁹ Bo kamana katsuga tsandjo Ndziami no ayi ntsa ndjo Simon bila Andre bo asso bila Jacques ña Jean. ³⁰ Ña nguaga okari á Simon eki ma ka matolo, bila kaba na awobi ma ndè ña Jesus. ³¹ Ndè oyi, oyagui ndè ma kuogo ndé Sati ndé mo télè, kaba kawiña ndé obani ma kassa djadja lébo. ³² Ekikolo bia tari le mana ka và ayi bila ndè abieri bila bari asso ba kigui bila eduduma bebi. ³³ Kagudu kasso ka kugni k'ognua ndjô. ³⁴ Ndè saligui abieri ba aki bila aga kuna ndè katsura éduduma bebi, okorogo ndè eki nina eduduma bebi maka wobo ni kabila ka ma ndjo kigui eyayi ndè. ³⁵ Ndè sarigui ka kara etsiere, ntini yia ki lepimbi lekini, ndè yeni ka tsa biri yé ndè otu maka buono. ³⁶ Simon bila abuga a nde ba kassaga ndè. ³⁷ Bo amoni ndè na bo adugui ndè: «Bari asso ba saga wè». ³⁸ Ndè dugui «Letsuè katsu kakima ka dji ka ntsa egudu ba pani, mini mi sè mpa mbari e Ndziami.. Kia kabila keya mi kunu». ³⁹ Nde yeni tsa kagudu ka Gallilée esso, maka npa bari ntsa a djô a bô a Ndziami ña ndè katura eduduma bebi. ⁴⁰ Nga ebila oyi mpila ndè. Ndè buoni ndé; ndé mvi ma buo na ndé odugui: «Wa djia, wa buna kassa mi kirigui tse tse.» ⁴¹ Oduduma agnia, Jesus ossati djiala ña ndè ntsili ndè, ndè dugui ndè: «Mi na djala. Ka tsetse». ⁴² Parabu na ebila etsiegui, ndè na ndé ekirigui tsetse. ⁴³ Jesus oyiezi ndè ña ndé vutu ndé. ⁴⁴ Nde na ndé ndi: «Ovè oyani ndja li okiduga lo ña mburu ñi, ña dje monon kumu a djô Ndziami na mpa m'atsètsè awè mami a Moïse ka kadugui, mva antsia a bô». ⁴⁵ Ńa nde ntsugui yiga abana kaduga ña bara asso, ña dja lia lekunigui ebiri esso Jesus kigui yiga ki bina gniñiga sé ntsa kagundu kamon ñi. Ña ndé ki yiga kaka ka ndjî ma biri lé ndé otu ña bari ba kawa ebiri esso ma kaya mpila ndè.