DCS-Mirror-parfait-ayanou_teg_mrk_text

Kassagumu ka Marc 15

¹ Kara etsierè, akumu ba djô Ndziami na akumu ba aguiri, bila a Juifs asso abagui akuga. Amana bo akuru Jésus é bo abiri ndè. Bo api ndè na Pilate. ² Pilate pizi ndè: «Wè nkumu a juif?» Ndè kali we mi duga. ³ Akumu m'aguiri akati Jésus mami a kuna kuna. ⁴ Pilate ka vuri pisa ndè «Wè aka yalaga ni? monon mami a bô asso kaba kata ka yila wè ⁵ Okorogo Jésus ki ma yalaga Pilate ni ña lessi ndè akimi. ⁶ Ntini bô a kissa tsida, Pilate kigui na ossubu ma katsusiga pini mburu ka tsa ogueneguè m'ossubu ba kaba piza. ⁷ Ka tsa djô ogueneguè bila bari ba bi ki akima abumi bari baki biza, ekigui na balaga lemon nkumu ndè Barabas. ⁸ Okuga bari a yi pila Pilate ña bô apisi ndè vah ke kissa ndè ntini kala. ⁹ Pilate kali bô ndi: «Bè lessaga mini mi pissa nkani a Juifs?» ¹⁰ Ña ndè ki ya ndi akumu a djo Ndziami assi bua ma kapa ndè Jésus. ¹¹ Okorogo akumu a djô Ndziami atsomi leburu ma ka ta gnia mabu ndi eli atsusiga Barnabas ma ogueneguè. ¹² Pilate ovuri kali ndi missa bunu ma nkani w'a Juifs?» ¹³ Bo avuri tï gnia «komo ndè antserè!» ¹⁴ Pilate na bo ndi: «Ndè éma kassa bebi?» Okorogo bo asseligui ka ta gnia «Komo ndè antserè!» ¹⁵ Pilate ki na djala kassa bo ovè, ndè pissi Barabas. Ndè beri Jésus ma okassi ña okabi ndè maka komo ndè. ¹⁶ Aworo alegui ndè levusu la le bugu le tsa kari mpugu é nkani, ña bo atsuoli aworo asso. ¹⁷ Bo alazi Jésus karinga ka kubugu ña bo atsui ka fugu katsienè é bo alegui yila otsu oh ndè. ¹⁸ Bô abani ka biga ndè ña adungui: «Ambulu, nkani a Juifs» ¹⁹ Bô aberi ndè kotsu bila oti ña atsuti atayi yila ndè. Bo aboligui abuo ka levusu le ndè ma kassa ekâ ma kabuono ndè. ²⁰ Bo amana kassebè, bô ndè atsiesi ndè nfâh ña bô alazi ndè afâh a ndè makulu, amana bo abiri ndè ma ka komo ndè antserè. ²¹ Bo atumu mburu wo ki wa agunu ma kabira le mandji le Jésus, balaga le nkumu Simon wo Cyrène tara Alexandre bila Rufus. ²² Aworo abiri Jésus kabiri kaba tsuolo Golgotha (ma ka dunga ndi biri re mpassi») ²³ Bo api ndè mali ma vusa eli na tsulu okorogo ndè bizi kagnua. ²⁴ Bo akomi ndè antserè yila lemandji ña bo akabi afâh a ndè atimi makaya katini kebaga oworo. ²⁵ Ma ntini m'atari atari ma ékikolo. ²⁶ Yila ka padza, bo atindi mami abo ma kati ndè «Nkani a Juifs» ²⁷ Bo akomi ebingnè djielè bila ndè omon ma kuogo ka olumu omo mo ka bongu ka ndè. ²⁸ Ma bua lemoni mami ma tindi ma ndè, ²⁹ Bari ba ki yira ma biri lia amono ba tunga ndè, agnisigui etsu ndi: «Aha! Wè katsala djô Ndziami ña wè vuri yo ma etsungu etari, ³⁰ Ma vusuga w'akulu ña suruga ma lemandji!» ³¹ Ma ossubu, wua akumu a djô Ndziami ki ba sébè ndè panigui bo ña bo ndi: «Ndè ma vusuga a bunga okorogo ndè ki buna ka vusuga ndè ankulu ni.» ³² Christ, nkani O Israël suruga ma lemandji parabu, na bizi lemonon ña le yalaga ma ndè.» Ba komi antserè bila ndè bakatuga ndè sè. ³³ M'atari lé osiami lepibi le dumbi kassi k'asso nti ngo tari lé oua. ³⁴ M'atari ma wua, Jésus tïgnia ma dzui le kanla: «Eloï, Eloï, lama samachthani?» Ma ka dunga ndi «Ndziami a mi, Ndziami a mi wè me ma agnina mi kali?» ³⁵ Bari akè ba ki na ayugu ña bo ndi: «Lemonon ndè atsuolo Elie.» ³⁶ Mburu omo odumi tsini otumbi katini ka atila tsa mali a ñayi, ndè legui yila oti w'osulu, ña ndè pi ndè maka gnua. Balaga ndi «Lekessè aka Elie aya kapissa ndè.» ³⁷ Amana bua Jésus nti gnia ña okwi. ³⁸ Mfah le djô Ndziami ebagui etini djielè yulu tï letsi. ³⁹ Ntini oworo yeka ki telè na Jésus ndè moni ndi ndè mikua, ndè ndi: «Assissielè, balaga li eki muana Ndziami.» ⁴⁰ Ekigui n'akasi baki kessè ndè ka làlà. Katsa bô, eki na Marie Madeleine, Marie (Ngü Jacques w'okerè bila José) na Salomé. ⁴¹ Ntini ndè ka ki kagudu ka Galilée, bô aluoni ndè bo sè adjadji ma ndè. Akasi akima kuna ayeni sè adjadji ma ndè. Akasi akima kuna ayeni sè kagudu ka Jérusalem bila ndè. ⁴² Tsugu okolo, ekissè tsugu le vusu ka ba koso tsugu le Ndziami, ⁴³ Joseph y'Arimathée oyi kua. Ndè a ki mburu o bagnima wokuga ki dila eyi é mpungu e Ndziami. Ndè yeni bila okini pila Pilate ña o piza ka bima ka Jésus. ⁴⁴ Pilate okimi leku le Jésus; ndè tsuoli oworo ña o pizi aka Jésus o makua. ⁴⁵ Ntini ndè ka yugu ma oworo léku lé Jésus, ndè mpi ka bima na Joseph. ⁴⁶ Joseph kimasuma nfah etali. Ndè si ndè kasuruga yila le mandji, ndè kuru ndè bila mfah etali na ndè o dzigui ndè tsa mbila leki a ma tsuma tsa akelè. Amana ndè djimi kelè ma ka mbinda muma. ⁴⁷ Marie Madeleine bila Marie o ngü José ayi biri la dzigui Jésus.