¹ Tinda lé Ndziami ya lepimbè letsètsè éki tsa etsugu duelè. Akumu m'ékuga m'adjo a Ndziami bila akielè ba enguiri akuru tsumu maka kuara Jésus male buma lé ndè. ² Bo ndi: "Kama tini é tinda ni, tsaki bari assi kala.» ³ Ntini é Jesus kaki o Bethanie ntsa djõ Simon nga obila bo aki olila bissa maka dja, okassi omo ognunigui bila alangu ananasse antali oyombo a tsétsé, ndè obuli olangu oyombo maka yira olila otsu a ndè. ⁴ Bari ba amo amoni obi. Bo awobi panigui ébo ndi: «ndja lébo kama bissa anasse buléma? ⁵ Oyombo ba mabuna ka léguè nde m'akama atari, na api na bari ka yeli ossolo.» Bo abi nde kala. ⁶ Okorogo Jesus dugui: «Lenina ndé mpi. Bè léssa ndè kerigui bu makama? Ndè éyu missa kila kamakattu kèvè omissi ami. ⁷ Be tsiri ka yugu bila na bè, na atini asso abè ka lé djia bè lebuna kassa bo ovè, korogo bèka lemono mi atini asso kapana bèni. ⁸ Ndè ossi dja lékugu ka ndè, ndè okili nguru émí maka buo djila émi ya antsuo. (Sepulture.) ⁹ Assissielè, mi édura bè; ebiri esso kamata kakumu kévè ki otsa kassi kassisso, dja l'okassi yu kassi ba tindè lô makabaraga ndè.» ¹⁰ Na, Judas Iscariote, kaki bila aluoni a ndè a kumu buelè oyeni pila ankumu adjo Ndziami ndè eki assaga ka kaba Jésus. ¹¹ Ankumu banini andjô Ndziami ayura bua, bo assueri bo na ndè ndi bizi le pawè adoro. Ndè ossagui mfuaza yaka kaba ndè na bo. ¹² Ntsugu yalé pimbè letsomi letsètsè, ntini ébô ma mbila é tsinda lé Ndziami, aluoni ba ndè apizi: «Wè assaga bissi leyè na lama wè mbila é tsinda kunu wè yíka dja?» ¹³ Ndé tumi aluoni a ndè buelè ndè na bo ndi: «Leyé tsa kagudu bè lemono balaga lémo.» ¹⁴ Ntini é ndè ka gnunuga otsa ndjô motu, léluono ndè bè léduga ka nga ndĵo, nkumu apiza: «Ndi elõ ke dja mi mbila é tsinda lé ndziami bila aluoni bami?» ¹⁵ Nde amozi bè katini ka ndjô, kali ka yulu kamamana kalèguè bibi éssisso lesselègue. Léssa mbila kua. ¹⁶ Aluoni ba ndé atsigni ayéni ka kagudu. Bo amoni mami m'ossubu a ndè ka dugu bo na bo alami mbila é tsinda lé Ndziami. ¹⁷ Ntini ékikolo ndè yi bila aluoni a ndè kumu na buelè. ¹⁸ Bo akuma bissa maka dja Jésus dugui bo: «Assissiéle me duga bè mpanigngui buru omon ka dja bila mi assosso mi.» ¹⁹ Bo assisso amoni obi, mburu na mburu apisa ndè: "Kami ni kabua ni? ²⁰ Jesus duri bo ndi: «omon otsa kumu na buele nali atuba lepimbè bila na mi tsa nkobo. ²¹ Makama mwana buru atsiègui kassi ki mossubu na tindè. Okorogo gnurobi na buru na sosso mwana buru. Eki tuga na buru wua ki ndè bissi kamono tsugu. ²² Ntini ka dja Jésus oyagui le pimbì, opi lévè, na nde otsagui. Ndè pi bo ndè na bo di: «léyaga lõ, ngnuru'emi.» ²³ Ndè yagui kombô, opi lévè na ndè pi bo, agnui bo assisso. ²⁴ Ndè na bo ndi, «Lo togui lémi lalé assa ondigui, togui ka lémakelè ma bari kuna. ²⁵ Assissèlè mi édura bè, mi ekamavuga ka gnua mali ma ti-bo tsugu lémi ni évuruga gnu tsa pugu é Ndziami.» ²⁶ Bo amana kayima lumu limo, bô ayeni lila kakuru ka ma tsulo ma de oliviers ²⁷ Jésus na bo ndi: «Be assisso leduma mi, mvâ ka tindè: mi ebuma buru ka kielè édombo na édombo é tsalaga. ²⁸ Amana, etsugu émi ntsa léku, mi étsumo Galilée.» ²⁹ Pierre na ndè: «se abuga aduma wè mi eka duma ni.» ³⁰ Jesus okali ndè: «Assissièlè me duga wè malé pimbi lômaku lúlia ekugu etsuzu adja djuelè wè mina ka ntuna mi dja tara.» ³¹ Pièrre na ndè ndi: «sè mi ekwa bila wè mè kassa bua ni.» Bô asso adugu ossu bu omo. ³² Ka ña bo atô bini mo yé ba tsuolo Gethsémané é Jesus odugui nâ oluoni a ndè. "Le ka mati kana midje kabuono." ³³ Nde yagui bila ka ndè Pierre, Jacques bila Jean, nde gnunigui tsa obuoro, ndè moni obi. ³⁴ Ndè na bo ndi: "Oduduma mi oli tsa mpassi ti le ku. Leka kana é le monro." ³⁵ Jésus oyeni ovussu tseti, ovi ma tsiè yiga buono. Yugu atari li eki mabuna ka yé lala ka nde. ³⁶ Ndè dugui: «Abba, tara wè abuna kassa mami assisso. Ntina kombo li lá na mi. Okorogo ka ma edjyi émini na va wè akulu na djiyi. ³⁷ Nde yi na vuruga moni bô a ma tsa tôlo? Wè ki mi b'una ka mogô ma tari lemon ni? ³⁸ Mogô na wè buonon ma bu ndi wè a ma vah tsa mami mabi ni. Oduduma ma lula ma mami m'avè okorogo akabi pari kali. ³⁹ Na ndè vurugui ma ka buonon ma ka dunga mami makulu ma. ⁴⁰ Ndè yi vuruga omoni bo ma tolo, mizi a bô ki na olemi tolo na bo kigui ki ya ossubu obo ka ba wobo ni. ⁴¹ Ndè yi ka vuruga ma lotari ndè dungui: «Bé lekini otolo na bè le wuma? Bè lemi vula bua! Tari le mito. Mwana mburu aya ma yè ka ba na anga assumu. ⁴² Lekemegue, letsuè. Lemonon, mburu ka kaba mi eyu eya tuga.» ⁴³ Ntini eki wobo ndè, monon Judas tsa aluoni a ndè akumu na buelè, aya bila djimi ebari bila ayuo na kumuga ma epere, akumu maguiri n'atumi bo. ⁴⁴ Mburu okabi ndè ki mi mana ka pa bo ndjimi, ma dunga: «Bè lemonon mburu omi wè poro, oli mburu yua. Bè lekuari ndè na bè lebiri ndè yemigui. ⁴⁵ Ntini Judas kaga yi, ndè oyeni telè pila Jésus, na ndè dungui, «Nkumu», na ndè opori ndè. ⁴⁶ Bo djiala kayila ndè m'akuara ndè. ⁴⁷ Parabu, omon tsa bo otsusigui mbieri ya pelè muelè, na ndè beri odjadji akumu a djo Ndjiami enini ndè tsagui ndè tsu. ⁴⁸ Jésus dungui bo: «bè leya pila mi vah ossara, bila na a mbieri ma pelè muelè na kumuga ma ka kuara mi? ⁴⁹ Ntini emi eki bila bè ma ka yisiga mami a Ndziami etsugu esso, bè lekaya ma ka kuari mini. Okorogo dja li le yi a ka mami assielè.» ⁵⁰ Bari asso ba kigui bila Jésus a kubu ndè kali adumi. ⁵¹ Okerè balaga eki aluonon ndè, ndè eki ma wuga mfah etali o gnuru. Ntini bari ka kwari ndè. ⁵² Ndè odumu otaba ognini mfah. ⁵³ Bo abiri Jésus pila nkumu a ndjô Ndziami onini, kabiri okuga abo ka ba vumuga bila na ndè akumu ba epere, bari akala bila akieli ba aguiri. ⁵⁴ Pierre amonon atura ndè ka lala na ndè gnunigui tsa lebugu le nkumu y'onini a ndjô Ndziami. Ndè ki o tsie bila aworo ba ki pana mba ma ka yoro. ⁵⁵ Akumu ba epêre bila okuga bari ka ba mpa ndzuï assagui atsia a gnuru ndè ma ka buma ndè. Okorogo bo a kabaga atsia mabi kayila ndè ni. ⁵⁶ Kuma eki malô atsia m'ala ma gnuru ndè, okorogo atsia a bô aka vunuga ni. ⁵⁷ Bari akè atemigui ma ka duga atsia mabi ma gnuru ndè. Bô ndi: ⁵⁸ «Bizi le yugu ndè adunga nde: "Mi etsala djõ Ndziami yi kassa ma djila é bari na m'étsua m'etsugu étari, mè vuruga tsua kima keli kama djila ni. ⁵⁹ Sè ma dja li, bô aka yuga abuga ni. ⁶⁰ Nkumu a ndjô Ndziami tèmigui paningui é bo ma ka leguè édugu na Jesus: «wè dja na duga kali? Bari ba bô makara wè? ⁶¹ Okorogo ndè ki mpi, ndè ka yalaga ni. Amana nkumu é dnjô Ndziami ovungu, oligui ndè edugu ma ka duga: «Wè Christ mwana nga lékumu?» ⁶² Jésus kalé: «mí li ndè: «Na wé amonon muana buru ntini a ndè ka ka otsie maka lumu ka pani é tara na kíya olila lébugu». ⁶³ Nkumu o ndjô Ndziami pazi ndè a mfa ndè odugu: «bisa bè likini na kama oburu na leguè atsia? ⁶⁴ Bè lémi yuga ka tûgu ka ndè. Na opami a bè oma?» Na bo asso apami ndè mva buru ki na djala. ⁶⁵ Akè atsutu antayi oyila ndè na abindi ndè kalia, aberi nde ampali bo ka ndè ndi: «yila onga!» Aworo abiri ndè maka buma ndè odji. ⁶⁶ Mosubu a Pièrre kaki otsa lebugu odjandji nkumu a ndjô Ndziami yo kazi omon oyi pila ndè. ⁶⁷ Ndè omoni ossubu a Pièrre kaki opana mba maka yoro. Nde oku ndè kapaga. Amana ndè dugu ndè ndi: «we sè aki bila Jésus wo Nazareth» ⁶⁸ Okorogo ndè ntunu, maka duga: «Mi yani mi sè miyuga ewè ka wobo ni.» Amana ndè atsugu m'omuo lebugu (tsussu kuogui). ⁶⁹ Okorogo okua odjandja yo kazi ovurugu otali ndè, na ka ma duga na bari naki obiri lia: «Buru yu a bila bo!» ⁷⁰ Ma lia suba ndè wurugu ntunu. Amana ntini mon bari na ki na apizi Pièrre: «Bissi lébaraga biri wè buru a bila bo; maka ma wé sè ossi Galilée.» ⁷¹ Na ndè obani maka baga yuru obi maka tuga: «Mi ya buru a balaga a bè na léwobo o ndè yuni.» ⁷² Ka na tsazu vurugu kuogui dja yo yuelè. Na Pièrre obari qui ndzuï lé Jésus ka wobi na ndè: «tsuzu kini ka kuogo sè dja yuelè, wè atuna mi dza tari.» Ndè jusigui ma kalili.