¹ Va Jésus ka tsugu tsa djô Ndziami, oluoni o ndè omon na ndè ndi: "Nkumu kessè béwali bakélè bila a djô!" ndè na ndè ndi: ² wè amonon a djô? sè kélè lemon lekassila yila buga léli baka buna ni." ³ Ntini eki ndè matsi yila kakuru kéti bâ olivier, télè na djô Ndziami, Pierre, Jacques, Jean, bila André apisi ndè m'ayisigui : ⁴ " Duga bisi mami mâ maya ntini mâ? adjimi mamaka ma ntini eh mami mâ kamaya ama?" ⁵ Nâ Jésus obani maka duga bô ndi : " Lessa oyeri mburu ki tassa bè ni ⁶ bari kuna baya mâ Nkumu é mi aduga ndi : " Mi Christ." Na bô batassa bari kuna. ⁷ Ntini bè ya léyuga étâ na mami métâ, lebisa kamonon buogo. Mami mâ maya, okologo ntini ekini ekinitô ni. ⁸ Kabila kama kangundu kamon kétemègue yila kangundu kemon na kassi kamon yila buga womon. tsiè yéniga mébiri ekukuna, nâ adjala maya. kébana ebani bakakula. ⁹ Lessa oyéri. bô bampa bè nâ nkumu nâ aberè bè tsa a djô Ndziami. babira kovusu bâ ankani bila ankumu bessi kabila mâ kumu é mi, mabua mâ antsia a bô. ¹⁰ Okorogo ovè ossi mpa djui le Ndziami mâ essi esso. ¹¹ Ntini é bô yéba kuara bè bila na bampa bè, béki kibaraga l'ami a bè maleduga ni. mâ ntini yia mami a bè maleduga bampa bè, kabè lewobo ni okologo oduduma sante. ¹² Okulu akaba morigui maleku, na tara akaba mwana. ¹³ bâ belè asso mâ kumu é mi. mpini mburu adje levusu tï kewa mami, mburu wua avuga. ¹⁴ Ntini é bè yélemonon mami mâ kalogo maya ma bire leli monki makaya ni (na mburu wa lira oyugui), na bari bali ka kangudu ka Gidée adumi yila ekuru, ¹⁵ na mburu woli yila djô ki suruga tsa djô ni sikali kiyaga kila mâ mpanigui yia ni. ¹⁶ nâ mburu oli tsa angunu kiya kavuruga kayaga fâh ndè ni. ¹⁷ Nâ ndogo na bari béli nâ bana bila bâ bampa bana abielè mâ etsugu bia. ¹⁸ Le buono mabundi mami mâ kiya ma ntini yémvula ni. ¹⁹ makama yaka nâ opami wonini, woli kini kassaya kalessabana ni, ntini é ndziami yékassa sumba okiri tï lubu kali levura monon mami mawana ma ni. ²⁰ Aka Ndziami kavuta etsugu via bisa sè mburu omon aka vuga ni, okorogo mâ bari a ndè baga suolo; ndé vuti okiri bisa m'etsugu. ²¹ mburu kaduga bè ndi : "Lekessè Christ!" Sikali "Lekessè, ndè eyu!" Bè kiyagra ndè ni. ²² Makama a Christ bâ otsodja,na atuma a Ndziami bâ otsodja baya nâ bô bassa ampiri manini bô babuna kakura bari bamasuolo. ²³ Lessa oyéri! mi maduga bè mami mâ asso levusu. ²⁴ Nâ amana opami métsugu via ,mwui akiriga lempibi, ngodo kama mpa muori ni, ²⁵ Agnari bawa yulu na ampari mali kayulu yéwa. ²⁶ Nâ bô bamonon mwana Ndziami aya tsa lebungu,bila mpari na lekumu. ²⁷ Nâ ndè atuma abandji a ndè na ndè akusuga a ndèbagasuolo tsa essugu mâ ena, atsuwo a tsiè tï atsuwo ayulu. ²⁸ Lebaraga djâ lé oti ôh fugier. ntini yéli ataga a ndè ami labaga,na omeni tsusu bêta ni anvula yiga tuga. ²⁹ mâ ossubu wua, ntini é bè yélemonon mami maya, bè leyani ndè yiga tuga, mpana edubigui. ³⁰ Assissielè, mi eduga bè bari ntini yia bakayira ni tï na keya mami mâ. ³¹ Yulu bila tsiè bayira, okorogo dwui lemi lekayira ni. ³² Okorogo madja lé lubu sikali lé ma ntini yi, mburu waya ognana. si abandji kayulu, si mwana, Okorogo tara. ³³ Lessa oyeri! lémogo, bè kiya ntini yéleli mayo ni ³⁴ Kari vâh mburu wadjé opinga (Ndè tsiegui djô ndè onini nâ adjandji a ndè, mburu na djandja lé ndè. ndè dugui nâ akieli ndi lémogo.) ³⁵ Nâ lémogo. makama bè kiya tsugu lé nkumu oh djô kaya vuruga ni, lekè tsa mpibi, omuo mpibi, ntini tsusu yegakwuogo sikali etsierè. ³⁶ Ndè kaya turugu, ndè ki monon bè matolo ni. ³⁷ Lémi leduga bè, méduga lo nâ mburu na mburu!"