¹ Amana tsungu le ba buono, Marie o Magdala bila Marie a ngü a Jacques na Salomé assumi eyombo éh tsulu ové ma ka legue yila kabima ka Jésus. ² Na etsierè tsugu letsomi, bo ayeni atsuo na ebali emuyi. ³ Bo amono ba wobo panigui bo: «Wa tsiezè biza wè kelè le ka le vusu le muma li na?» ⁴ Ntini ebo ka sati mizi ka yulu, bo amoni mburu kigui ma tsiezè kelè le ki lenini. ⁵ Bô agnunigui ntsa muma na amoni muána balaga ma laza kariga ka kubugu, matsie ma kuogo ka kalumu bo abagui akimi. ⁶ Ndè na bo ndi: «Le gnina buogo kamono. Bè le saga Jésus o Nazaréen, wa kami ka yila lemandji. Ndè ma gnusa nga! Ndè kunu kali. Lekessè biri eli bô y'alegui ndè. ⁷ Okorogo, le yè, dunga aluoni a ndè bila Pierre ndè mi tsuomo Gallilée ka kua be le mono ndè uvah ke dungui ndè bè.» ⁸ Bô atsugui ntsa mûma matsini. bo amono ba terengue na ekoli bo. Sè̀ mburu omo o bo ka dungui ognaga mabila ka bo a kigui na buogo. ⁹ Na ké etsierè ba tsugu le tsomi eli ndè ki mi gnuziga, ndè bani katsuga letsomi mpila Marie Madeleine oli ndè asuri eduduma bebi tsami. ¹⁰ Ndè yeni ka dunga ma ba ki bila ndè, ntini ebo a ki kayà bila kali. ¹¹ Bo ayugui ndi ndè oli muo na ndé ki ma mono ndè bo aki yalaga ni. ¹² Amana mami ma, ndè tsugui mpila bari akima buelè ma okorogp ka kima ntini ebo a ki djè ma katsu ka mpungu. ¹³ Bo ayeni adungui na abunga ba aluoni ba mo, ña bo aki yalaga ni. ¹⁴ Letsina atari avusu, Jésus tsugui mpila aluoni a ndè ba kumu na omo, ma ntini eki a ma ku bo ki a ma fumiga yila mbissa, na ndè wobi bo ma lila bila etuma bo beli na onono ma bo kabizi kayalaga bari b'amoni ndè kegnusigui panigui ebima. ¹⁵ Ndè ma bo ndi: Le yè mpini biri ntsa okiri na le wobo ma dzui le Ndziami na bari asso. ¹⁶ Mburu w'ayalaga ayaga atêmi avuga na wa biza kayalaga a bira a pani wè. ¹⁷ Lemono adjimi maka yila bari ba mi yalaga: Bo ba tsura eduduma bebi ma kumu emi. Bo ba wobo adzui magnarigui. ¹⁸ Bo ba kuara atari ma djiala ebo na yugu bo ba gnua kila ka ke buma, tso ki buna ka sa bo djalebi ni. Bo ba legue djiala ka yila bari kali na angâ ebo ba wuma.» ¹⁹ Na ntini nkumu kamana ka wobo bila bo, atsiezi ndè ka yulu ña ndè ka ki matsie ma kuogo ka alumu ka Ndziami. ²⁰ Aluoni ayeni ka pa mbari a Ndziami ebiri esso, ntini nkumu ka ki djadja bila bo na ma ka sila dzui adjini maki ya maki buono bo.