¹ Lémono, ntini wa ndè ka tini kapana kagudu ka Jérusalem, bo aki pana mpugu é Bethphagé bila bethanie, m'ekuru m'éti ba olivier, Jésus otumu adjandji a ndè buèlè. ² Na ndè odugni bo: «Leyé tsa mpugu ya eli kapana sabè. Be lénunuga tsa mpugu be lemono muana ka dombô ka ma kura, buru okini kuma lilako ni. Denann ndi bè leya bilaka pila mi. ³ Buru ka piza bè "makama bè lessabu: be le dugui ka ndè biri kumu ka kama na ndi agnina ko kaya kunu.» ⁴ Bo ayeni amoni muana kadombo kama kura ka yura ka dubugu kapana djila egnini na bo akulu andi ma kï. ⁵ Bari akè kaki ma panigui yia adugui bo: «Bè̀ léma lessa kapanigui yia maka kula nde ondi okï ⁶ akali ndè mossu mossubu ka: e wobi Jésus bari ba anini bo ayéni. ⁷ Adjandji a ndè abuelè ayi bila kadonbo pila Jesus bo ayali a mfa abo olila kadombo makassa Jésus kakuma. ⁸ Bari kuna ayali oyila djila a mfa abo, ma'mom ayali etoro m'eba ébo na tsagui o tsa agunu. ⁹ Bari na yini levussu bila bari na luoni bo éki ma wula akima Hosana lekumu leli na buru wa ya ma nkumu é kumu. ¹⁰ Lekumu na mpugu tara bisabè David ya yeya Hozana otsa mpanigni na eli oyulu. ¹¹ Amana Jesus ognunugu Jerusalem, ndè oyeni bila adjandji a ndè kumu na buelè Bethanie. ¹² Ngula mbari ntini ya ndè kawu Bethanie djala ekuari ndè. ¹³ Na ndè na mono oti bila tsuzu, ndé oyeni ka mono yugu ndè abaga buru. Okorogo ndè ka mono buru ni ogula Tsuzu, makama ka sibi ka ndè na mpa buru ékí ka kini katô ni. ¹⁴ Ndé odugui na oti: «Buru sé omo ka maya ka dja léburu lewè kali.» Adjandji a ndé ayugui. ¹⁵ Bo aya Jérusalem ndé ognunugu otsa ndjô Ndziami oturu anga obugu asso bila biri kayi ka sumu bibi tsa ndjo Ndziami. Ndè otsali etala bila ebuga m'ategui m'abinga. ¹⁶ Ndé ka nina sé buru omon ka nunura tsa ndjô Ndziami bila kila kamon ka ma buna ka térè ni. ¹⁷ Nde yissigni bo di: "Akini ka tindè ni: "Ndjô mi maya ka tsuolo yo o ndjô ka ma buonon Ndziami essi Essisso?" Okoloro be, lémasa yo biri l'épira." ¹⁸ Akumu a ndjo Ndziami bila bari na ma kiélè a a guiri a Ndziami a yuru mami a ndé ka duru é na bo assagui ossubu abo kama buma ndè. Na bo aki na buogo ma ndè makama leburu lébari kaki na lékini eyissigui é ndè. ¹⁹ Ekikolo etõ, ba atsigui kagudu. ²⁰ Bo ayira ka na k'etsierè, bo amoni oti ma kaya tsigo ékana é nde. ²¹ Pièrre kabaraga oduri: "Kumu késsè oti a figuier a wé na logui ma kaya." ²² Jésus kalibô: «Lébaga odjimi na Ndziami» ²³ Assissielè mi e'dura bè pati buru ka duga ka kuru: "Saraga ova tsa okéri, yugu ndè ékémi tsa otima ndé kal, okorogo ndè kayalaga mami ma ndé kaduga ndé amono mon, Ndziami assa. ²⁴ Na m'eduga bè, bibi esso ebè ka lebuonon wo ndjô bila ka piza leyalaga biri bè lebaga na djo meka ébè ²⁵ Ntini ka élibè motelè maka buonon, ovè bè léssi kolo-kolo kabuga assabè ka lessa obi makama tara bè kali oyulu oboligui mami mabi abissa bè na lessa gè. ²⁶ Okorogo yugu bè leka bologo abuga ni tara abi ka li oyulu aka bologo bè assumu ni. ²⁷ Bo ayi vura Jerusalem tinlia Jesus ka yiri o tsa ndjo Ndziami bari a Ndziami bila a seribus na a kumu ayi pila ndé ²⁸ Bo a duri ndè "Wé assa mami ma oyini po pari? Na pa we pari makasa mami ma na?" ²⁹ Jésus kali na bo: «Mi elégué bé odugu amo. Bè leyalaga mi, mi sè duga bè bila yini pari mi éssa mami ma. ³⁰ Atême ba Jean awu yulu kali pila bari m'omuo? Leyalaga mi.» ³¹ Bo awabi opangui ébo maka dura: «Bissa bè lédura, "Ndè awa yulu," ndé kaduga marama bè leka yalaga ndè ni?" ³² Okororo bisabè lédura, "Ndè awa pila mbari" Bo amoni buro ma léburu, obila mbari asso eki aya di Jean tuma Ndziami. ³³ Bo akali ka Jésus ndi: "Bissi lémiya ni." Jesus okali bo: «Mi sè éka duga bé pari emi na essa mami ma ni."