¹ Jésus tsiegui biri lía na oyeni ntsa kagudu ka le Judée nti legulu lokeri o Joudain, ña leburu le vuri yi mpila ndè. Ndè amono avura yiziga bo, mvah ekissa ndè. ² A pharisiens ayi mpila ndè ma ka yelegue bila ma ka piza: «Eli yemigui ma olumu ma ka biza okari?» ³ Ndè yaligui: «Moïse bunu ka dungui bè?» ⁴ Bô ndi: «Moïse odungui balaga lemo ma ka tindè kassagumu ka ba buna biza bila vuta ndè.» ⁵ «Kigui ma etuma bè ba onono ndè ka tindè guiri yia,» Jésus ka dungui bo bua. ⁶ "Okorogo me bani é ndè ka subu eh bari, "Ndziami ossi balaga bila okasi." ⁷ "Ma bua, balaga avè letsiegui Tara bila ngü ma ka bila okari a ndè, ⁸ Ña abuelé ka maka mburu omo." Bo yiga ka buelè ni, okorogo mburu omo tú. ⁹ Ma bua yu ka vusa a Ndziami mburu ki tsala ni." ¹⁰ Ntini ebo a ki ntsa ndja, aluoni a vuru pizi ndè dja lo ma kulu lía. ¹¹ Ndè ma bo: «Mburu wa biza okari na ndè bali okima ndè mi sa tsuma ma gnuru ndè. ¹² Na ndè w'okari ka biza olumu ndè bali balaga lekima, ndè mi sa tsuma. ¹³ Amana bari ayi bila bana ba buzi, ma bu ndi ndè katsila bo, okorogo aluoni abiri kala bila bo. ¹⁴ Na Jésus kamono bua, ndè biri kala na dungui ndi: «Legnina bana ba ya mpila mi, le biza bo kaliga kabila mpungu a ndziami ka ma ka mvah bo. ¹⁵ Assissiélè, me dunga bè, mpungu a Ndziami mvah muana mwana okerè. Bamon kali baka gnuniga ¹⁶ Na ndè yagui bana ntsa djiala na ndè pi Ndziami levè na ndè legui djiala yila bo. ¹⁷ Ntini eh ndè ka bani ma kayè opinga, balaga lemo odumi matsini mpila ndè, ovi ma buo ka levusu le ndè na ndè pizi: «Kumu ovè: «Mi bunu essa ma kabaga omuo ba obu-obu na?» ¹⁸ Na Jésus ndi «mema wé atsuolo mi ovè? mburu ovè kali, ka ngula ndziami otú. ¹⁹ We ya aguiri: "Wè ki buma ni, wè ki sa tsumo ni, wè ki yuba ni, ki dunga dji ni oki kura ni, ové gnima Tara bila ngü"» ²⁰ Balaga ndi «Kumu mi ma gnima mami m'asso ke sa wa mi obusu.» ²¹ Jésus kessi ndè na ndè dji ndè. Ndè na ndè ndi emi sila kila mon. Avé otengui bibi esso bila wè õnî bari ba li ofuga, na wè baga le buga ka yulu. ²² Na, ndè ka si gnia ma dja lía na ndè moni obi, ndè yeni, ma ndè oki na le buga le kuna kuma. ²³ Jésus okessi ma panigui bô na ndè dungui ñ'aluoni a ndè: Elie na passi ma bari beli na ka baga ma ka gnukuga ntsa mpungu a ndziami. ²⁴ Aluoni a ndè eki emi kolo ma mami ma dungui bo. Jésus vuri bungui bo: «Bana, ma mpassi ma ka gnunuga ntsa mpungu a Ndziami. ²⁵ Elíe evulu ovè kali ma kabla ma ka kagnuga ma bulu le sori, ña okorogo nga obagui ki buna kagnuga ntsa mpungu a Ndziami. ²⁶ Ekoli bo na bo. Bo ba dunga ma bunga: «Wa buna ka vuga na?» ²⁷ Jésus okessi bo é ka dungui: «Na mpassi ma bari, na mpassi okorogo ka na Ndziami oguaña. Mami asso ki kuono mpila Ndziami ni.» ²⁸ Pierre yiga abana ma ka wobo bila ndè: «Monon, bizi le ma gnina esso kaligui na lema luono wè.» ²⁹ Jésus ndi: «Assissielè me dunga bè, mburu ki buna ka temegue ndjô, si kali adumu; akeri, ngü, tara, bana, lepagui le ndè ma mi ni, bila mbari ni, ³⁰ Eli ki buna ka baga okama ono tsa okiri yu kali: adjô, a dumu bila akeri, a ngü, bana bila a pagui, n'a pmassi, ntsa okiri waya, obubu. ³¹ Okorogo, kuna ba li letsomi, ba ka le biza ña ba li lebiza ba ka letsomi.» ³² Bo ki ma djila ma kuma kagudu ka Jérusalem, ña Jésus ki djè levusu le bo. Aluoni na ba ki nama ndè kigui na lekoli, buogo. Na Jésus kavuri tsieguè bila aluoni a ndè ba kumu buelè, na ndè bani ma ka dunga bo mami ma dila ka ya ma ndè. ³³ Leyuga! Biza bè le kuma Jérusalem, na muana mburu Ndziami ba kaba m'akumu a djô ndziami bila n'akumu ba guiri. Bo ba tuma ndé leku amana bo a pa ndè na bari ba biza akini ka yalaga ndziami ni. ³⁴ Bo ba sebè ndè, atsuta atayi yila ndè, bo aberè ndè, na buma ndè. Okorogo amana etsungu etari, ndè kagnusiga.» ³⁵ Jacues bila Jean bana a Zebedée, ayi mpila ndè na a dungui ndi: «Kumu, sa bizi esso ka le piza wè» ³⁶ Ndè na bo ndi: «misa bè?» ³⁷ Bo ndi: «Yalaga mini bizi le ka matsie bila wè ntsa lekuma le wè, omo ma kuogo ka lumu, ña w'omo ma k'abogo.» ³⁸ Okorogo, Jésus yaligui bo: «bè ki ya kila ke piza bè ni. Bè le buna ka gnua ntsa baza mi ke gnua si kali atêmi eli ovi me yaga?» ³⁹ Bo ayali ndi: «Bizi le buna.» Jésus na bo ndi: «Baza mi ke gnua, bè le gnua. Na bè le buua atemi a mi ke yaga? ⁴⁰ Okorogo ma le kessi wa ka matsie ma kuogo kalumu si kali ma kuogo ka anogo ka mi epani, okorogo ma bo ba ma suolo. ⁴¹ Ntini y'aluoni ba kumu kayugui ndè, bo abani ka bira kala yomini ka yila Jacques bila Jean. ⁴² Jésus katsuoli bo mpila ndè na ka dungui: «Bè le ya mini ba na yaga mvah ba atuma ba kini kayalaga ndziami ni a vulu bo, é akuru panigui bo ba djogo okumu yila bo. ⁴³ Okorogo, kari ki ma ka bua ka muo bè. Mburu wa saga ka letsomi avé ndé ki oluoni; ⁴⁴ Mburu wa saga ka letsomi ntsanè avé ndè ki oyiga o bari asso. ⁴⁵ Ma bua muana ndziami ki ya ndi a djadja ma ndè ni, okorogo ma ka djadja, bila ma ka pa omuo ndè mvah adoro ma bari kuna.» ⁴⁶ Bô a to kagudu ka Jéricho. Na ndè kigui atsiegue Jéricho bila aluoni na leburu, muana Timée, Bartimée mburu oyelè mizi oli ka pana djila. ⁴⁷ Ntini ndè ka ya ndi Jésus o Nazaréen o ki ma djila, ndè ka nti gnia na ka dungui: «Jésus, muana David, mono kerigui mi!» ⁴⁸ Bari kuna atsuti obuliga mizi, bo a pizi ndè ma ka pi. Okorogo ndè ka seligui ta gnia: «Muana David, mono kerigui mi!» ⁴⁹ Jésus k'assugu ña dungui ma ka tsuolo ndè. Bo atsuoli obuliga mizi, bo adungui: «Sa pari! Temeguè! Ndè atsuolo wè.» ⁵⁰ Ndè ka tunu mfâh ma temeguè, ka sarigui, na kayi mpila Jésus. ⁵¹ Na Jésus ka yaligui ndè ndi: «wè ema assaga ndi mi sa wè?» Obuliga mizi ndi: Kumu mini ovuta mi mizi. ⁵² Jésus na ndè ndi: «djè. Lila liewè mi sa wè ka wuma.» Parabu, ndè ki a buna vura amono, ña ndè ka nami ndè yila djila.