¹ Nkwemi tuka mgwima ti paka muka kati kia beno? Keti mu nzila, zenokku ze nitu zilu nwanisa mu ndambu zenu za nitu. ² Kusiamesu mi ma bia ngani kasi lweku biawu lu honda pi lu zia mesu mubima bia nga kasi lwisikuka ku mu kuzwa, benu ya benu lwi hondana pi benu ya benu lu nuana. ³ lwisiku monga mama twisi lomba mudiambu lwisiku lomba. Lwisi lomba kasi lwiziku monga mudiambu lwisi lomba mbi, mu kikuma kiaku sepidisa nzalenu ya lutu. ⁴ Kakwa bizumba lwena! lu zayiku ni wuna wakala nduku wa tsi ntotu kena mbeni wa nzambi? wuna wena nduku wa tsia ntotu kikuma mbeni. ⁵ Keti lwisi yindula ni masonama mi zonza mupamba? ha misamuna: "pefu yi kasia mu kati kia betu yena ya kipala kingi? ⁶ "Kasi Nzambi ki tuheka betu lusakumulua meni, ibwabuna masonama mizonza: nzambi kazolaku ba kwa lulendu, kasi kasalaka mamboti kubaba dikulumusaka." ⁷ Tu ditambikenu kwa nzambi, tinenu satana pi katina kiana kwa beno. ⁸ Lwisa kwa Nzambi pi yandi ka Kwisa kwa benu, yo bisenu moku menu batu ba ma sumu, ye sukulenu mbundu zenu, batu ba kingumba. ⁹ Kalenu ya kiadi, dilenu! Kasi ku seya kwenu kwa kitu kiadi! pi kiesi kia kuma kiadi. ¹⁰ Dikulumusenu ku ntwala pfumu pi kalutombula. ¹¹ Pangi luzonziku benu ya benu. Wuna wisi zonza mbi kwa mu kwenu bwena lo zona mbi bwena lo ku sambisa mukwenu, ki zonza mbi tsiku pi ki sambisa tsiku, kasi wena zusi. ¹² Yandi mosi wena musadia tsiku pi zusi. kena yandi mosi fwani kabikisa mutu to kamu honda. Na wena, nge wi si sambisa mu kwenu. ¹³ Yukenu, benu luzonza: "lelu to mbasi twa kwenda kumbanza yina. twa kalakwa mvula mosi, twa sala mumbungu kwakuna, twa monga muluta. ¹⁴ Na zayi mana makukwisila mbasi pi nki bia ku kwisila mu luzingu lwaku? Mudiambu wena pfunzi yi kwisa mu tangwa mosi pi vila mu tamgwa mosi. ¹⁵ Kasi, zonzenu bwabu: "ho pfumu kazola, twa zinga, pi twasala kiaki bwelo kina." ¹⁶ Kasi buntwena, benu lwisi disikisa mambu mama ma makasi lwisala lulendu lwosu. ¹⁷ Bwabuna, wuna wi zola kasala mamboti, kasi kisi moku sala kisala disumu.