¹ Ba pangi, ku kadiku thalu ya yingi ya ba longi mu kati dia benu. Tu zayinu ni twa kala ba kusambisama bwinggi kibeni. Mu buna, tu bwa bosu mbala zoingi mu pila mosi. ² Omona mutu ka bwiku mu pila mambu m'andi, kena mutu hu lungisi kimbuta, fwani kusikimisa lutu lwandi lwosu. ³ Omona tu shia lufwa mu munnwa tsiku sambu za tu lemvukila, fwani twa twadisa lutu lwa bawu lwa mvimba. ⁴ Talenu pi masuwa, ata kutoka, kaka bi pusa ma kaka ku pfundji ya ngolu, bena ba kutambudisina kwena mu tambwasi ka khunda mu luzolo lwa munnati. ⁵ Pila mosi lulumia lwena ndambu ya fioti ya nnitu, kasi ka lukumisaka mu bima bbia ngolu. Tala, ka mbawu ka khunda ka fwani yoka mmishitu wa mvimba. ⁶ Lulumia lwena pi mbawu, thotu mmosi ya masumu, ba shhia mukati dia bbi buku bia nitu. Lu sumwasa lutu lwosu ye kuyoka kibannzala kia luzingu. Lwenna lwaneni lwa kulema mu bbilungi. ⁷ Mbalu za mbisi za mu tseki, ye nuni, nioka, bgangwa bia mamba biena ye bakadi kkwena mutu. ⁸ Kweku mutu ka fwani longa lulumia. Mena mambi ba fwa niku zakidisa, lwana lwa kubasa ye ndikila za lufwa. ⁹ Mu lulumia twa kumisaka pfumuetu tata. ¹⁰ kaka mu munwa wu lubula lusakumunu ye tsingulu. Ba pangi, bu kaloku bwabuna! ¹¹ Tho mosi, fwani ya lubula mu mbala mosi mamba ma mboti ye mamba ma khadi? ¹² Miti wa figi, ba pangi, fwani buta bba olivi to vinu dia buta ba figi? Mamba ma mvinndu ma lubuloku mamba ma bukheti. ¹³ Nani mukati dia benu wena, ngangu ye mayela? Ka songa luzingu lwa mbanndu mu bisalu mu kudikulumusa ku tuka mu mayela. ¹⁴ Omona lwena mu mbundu ye kipala kia mbi ye ngindu za mbi, lu di tombudiku ye luhuniku mu kuma kia ma songa. ¹⁵ Mayela mama misiku kuka kuzilu, kasi mena ma tsia thoto, meku ma kipefi ye masatana. ¹⁶ Sambu hana hena kipala ya mabanza ma mbi, hakana hena dihika luswaswana ye pila bisadilu bia mbi. ¹⁷ Kasi mayela ma kuzilu mena thetia theti ma mboti, ye ma kutoma, ma kutilama, ma kusasumuka, ma kubasa ye khenda, ma mbuma za mboti, konda ye masonga. ¹⁸ Mbuma za masonga ba kunaza mu ngemba mukati dia bana bi dinga ngemba.