¹ Ba pangi bama, lukwikilu lwena mu pfumuetu yesu khidisitu, pfumu wa lukumu lukadiku lwa kuswasikisa batu. ² Mongenu ni mutu mosi koti mu kimvuka kienu wa vwati lupeta lwa wolu ti miledimia thalu ye tsukami koti pi wa vwati miledi mia mvindu. ³ Yuka wu tadi mutu wuna wa vwati kitoku ye zonzi: "yuka wu zodi, zakala haka ha kisika kia kitoku," Kasi wu samwani tsukami: "ngeyi, mu tsia malu ma meni." ⁴ Keti lweku mu kuswasikisa mukati dia benwenu? mu kuzwasikisa mukati dia benwenu? Keti lu kumiku ba zuzi ti mabanza ma mbi? ⁵ Yukenu, papangi ba zola, keti Nzambi ka soloku tsukami wa thotu mukuma ka kala mvwama mu lukwikilu ye mwana ki pfumu kina ka sila kwena baba bi muzola? ⁶ Kasi benu vwenzaka tsukami! Keti ka bamvwama ku bi luniokulaka benu? Keti bawuku ba lunataka ku nzwa lufundisu? ⁷ Keti bisiku twa kana zina dia kitoku dina lwena diawu? ⁸ Kasi, yuka wa lungisa tsiku ya nzambi bwosu ba sonika: "wu zola pangiaku bwosu ngeyeni? wu sala mboti. ⁹ Kasi yuka wu swasikisa batu bahika, wu sala disumu, ye wu zayana mutwa mbi kwena tsiku bwosu mukuludia tsiku. ¹⁰ Khiawu kosu wuna wu lemvuka ku tsiku zoosu, kasi wu sumuki mu tsiku mosi, kikuma wa mbi ku thwala tsiku zoosu! ¹¹ Khiawu wuna wa zonzi: "wa salaku bizumba" kazonzi pi wa hondoku. Yuka sadiku bizumba, kasi wu hondi mutu, wu kuma mukuludia tsiku. ¹² Hakana zonzenu ye salenu bwosu bana ba sambisa mu nzila tsiku ya ki pwanza. ¹³ Khiawu lusambisu lwa kaloku lwa mawa kwena wuna ka songiku mawa. mawa ma nungaka lusambisu. ¹⁴ Ba pangi bama, khi bia mboti yuka mutu mosi zonzi ni kena ti lukwikilu, kasi lwa konda bisalu? Lukwikilu lwalu fwani wa mu hulusa? ¹⁵ Yuka pangi wa yakala to wa mu khetu bavwati mbi ye keku ti madia ma kilumbu kina. ¹⁶ Mongenu ni mutu mosi mukati dia benu ka mu samwana: " wenda mu ngemba, kwena ku mbawu ye yukuta." Kasi lu muhekiku bima bia pfunu mukuma kia lutu, khia pfunu bwena? ¹⁷ Pila mosi lukwikilu, yakalweku ti bisalu, lwena lwa kufwa. ¹⁸ Kasi mutu mosi ka zonzi diaka: "ngeyi wena ti lukwikilu ye meni ti bisalu." ¹⁹ Tsonga lukwikilu lwaku lwa khonda bisalu ye ya kusongila lukwikilu lwama mu nzila bisalu. Wu kwikila ni nzambi kena mosi zi kwikila ye zi tekita. ²⁰ Zodi wa zaya zoba, ni lukwikilu lwa khonda bisalu lwena lwa pamba? ²¹ QAbrayami lkhaketu ba mukumisiku wa mboti mu nzila bisalu tangwa katambiki mwanandi Izaki ha mesa ma kimenga? ²² Wu mona ni lukwikilu lwendiki ti bisalu ye mu nzila bisalu, lukwikilu lwandi lwa yedi kimakulu. ²³ Hakana malungisi ma kisamuna ndinga: "Abrayami ka kwikidi mu Nzambi ye mamana ba mutangidima ma mboti" Hakana Abrayami ba muteleka ndukwa Nzambi. ²⁴ Wu mona ni kwena mu nzila bisalu mutu bi mutambwasa wa mboti, ye loni mu lukwikilu nana. ²⁵ Mu pila mosi pi, Rahabi ndumba ba mutambwasiku ni kena wa mboti mu nzila bisalu tangwa ka yambi ba mwangi tsangu ye wu ba tinisi mu nzila ya hika? ²⁶ Khiawu bwosu nitu ya konda moyu ya kufwa, lukwikiolu mpi lwa konda bisalu lwena lwa kufwa.