¹ Bu thwiena, benu ba mvwama, dilenu pi bokutenu mukuma ba phasi bi kwisa kwena benu. ² Bimuwana ma benu mena ya kubola pi ba tselele ba bebisamiledi mia benu. Wolo ye mbongu die kuma mbaku. ³ Mboku ye na kimbangi mukuma kia benu. Ka yoka misunu mia benu bwosu mbawu. lwo sweki bimvwama bia benu mukuma bilumbu bia tsuka. ⁴ Talenu, lufutu lwa ba tsadi di boka (lufutu lwo lumongi kwena ba bikatula mbuma mu bilanga bia benu) bidilu bia basadi bilanga mi kumi muna matu ma pfumu wa makesa. ⁵ Lwo zingiki mu kati kia kiesi a tsi thotu pi lwo diki ye lwo nuiki mu phila mbiki, lwoo diki ye lwo yukutiki bwingi mu kilumbu ba hondaka ba mbisi. ⁶ Lwo zengiki khanu ye lwo hondiki mutu wa mboti khatu kima. ⁷ Kasenu mbundu, ba phangi, tii kilumbu ka kwisa pfumu. talenu, mutu ki sala bilanga ka hingilaka mbuma kitoku dia thotu. Ka kasaka mbundu ti kuna kwa noka mvula theti pi kuna kwa noka mvula tsuka. ⁸ Kitesu ki mosi kwena benu, kasenu mbundu. yidikenu ba mbundu zeno mudiambu kukwisa kwa pfumu diena mu bela bela. ⁹ Lubokutiku ba phangi, benu ye benu, mukuma ni tala, zusi kena ya kutelamma ku thwala kielo. ¹⁰ Ba phangi, mongenu bwosu mbandu phasi ye kukasa kwa mbundu bakadi ye yawu ba mbikudi ba basamwanaki mu zina dia pfumu. ¹¹ Tala, bena ba kusampula ba bimona pasi. Lwo yuki bunabazonzi mukuma kia kukasa kwa mbu kia yobi pi luzaya luzolo lwa pfumu, mu khie pila kena ye mawa ye mamboti. ¹³ Mosi mu kati kia benu ki mona phasi? Ka samba mosi mu kati kia benu kena mu kiesi? ka yimba mikunga ma kukumisa nzambi. ¹⁴ Mosi mu kati dibundu pi ba mbuta ba samba mukuma kia yandi. Ba mu sha mashi mu zina dia pfumu. ¹⁵ Kisambu kia lukwikilu di belulaka mbefu pi pfumu ka mu he kaka mavimbi ma mboti. yuka ni ka sala masumu, Nzambi ka mu lolula. ¹⁶ Lufunguna masumu meno beno ye beno pi lusamba ba hika mukuma dia ba hika, phila ni lwo beluka. kisambu kia ngolu lwa mutu ya masonga lwa kalaka ye ngolu yingi. ¹⁷ Eliya ka kadi mutu hanga betu. Ka sambiki ye kikesa mukuma ni mvula ya nokiku dihika pi monokiku ha tsi thotu mu kitesu ya ba mvula tatu ye ba ngonda sambanu. ¹⁸ Pi Eliya ka sambi dihika. mwula yandiki mu kunoka ye thotu lubudi mbuma. ¹⁹ Ba phangi bama, yuka ni mosi mu kati kia benu ka zimbani nzila ya masonga, mutu wa hika ka mu vutula, ²⁰ ka zaya ni mutu woosu wuna ki katula musumuki mu nzila wa mbi, ka gulusa moyandi pi nzambi ka lolula masumu mandi yoosu.