¹ Ave Djésu àmasunduyile o mukongu, yinombu yinéni yimanudukange. ² Yi bédu yi ngambi yi marughe no kutume va ghusu andi no vos rié: "Fumu, pa utsi ronde urungule umbéluse." ³ Djésu àmasimbule dikake diandi na àmabèmbe ibédu. àmamutsingule : "nidironde, ba uliome. Vàne vàne àmasunge uliome." ⁴ Djésu amamutsingule: wende ukélase ombu bavaghulitsi bapaghu bake jabe iri umabélughe; mbanane vaghusu, botsingule bisi divule iri usane nyiàmbi. Avane, urungule umuésobene noghu. Ukèbene uvose ndébéni mudubélusu duaghu yike ombu bvaghulitsi bapaghu. Mbanane wende o ndaghu Nsambi o Jérusalème na muvaghulitsi paghu muénsili aghu Moïse amarume ombu djoghu àbamabélusu nyiàmbi nan e paghu ombu Nsambi. ⁵ Ave Djésu àmakotile o divule diCapernaüme, yivunde yibaghore imamubéngusune. ⁶ Àmamutatile no vose: "fumu, musalitsi ami asilime o ndanghu aghangu na bumbolutu na étsoyi puèle". ⁷ Djésu àmamukalile : "nyiu wend e o mbughaghu na nyiu mubéluse." ⁸ Tumbe yivunde yibaghore àmamuwaghuale : "Fumu, nganisungeme yiri ùkote o ndaghu ami. ⁹ Tumba vose diambu dimosi musalitsi ami o bélughe. Nyibila ghore nyidédili durumu du yivunde yiami na ménu wandi nine baghore abe nirumi. Ta nibatsinguli umosi wènde, éwéndi ni tsinguli umosi rughe, éruyi. ¹⁰ Anomugulu, Djésu àmakambulu na àmavose na àbàmamudunkange, nidutsingule dingènsa nési oIsraèle nikalabange yitu yi néni nana yiyi ayi nimatasange ulabe batu usunse yitu yioghu mu ménu, nisamalabe mutu usunse yitu yandi mu ménu. ¹¹ Nidutsinguli bapuèle borule omabale na omaghétu na botsane va tavule na Abrahame, Isaac na Jacobe, o bufumu du djulu. ¹² Tumbe bane babufumu bobuaghu o dulombili mupiseme aghune bolilange nobe na duwenti du minu. ¹³ Djésu àmavose na yivunde yibaghore, "wende nane yitu yiaghu yi utsingulili, dibi nane." Na vàne vàne mùsalitsi àmabélughe. ¹⁴ Àve Djésu àmatolile o ndaghu Pière, bodji bu mughétu bu Pière àmabe asileme na dibaghu. ¹⁵ Djésu àmamubèmbe dikake na àmabélughe àmarèleme mubasalile. ¹⁶ Tsisighe djinotole, bamabeghe, yinombu yinéni yibatu puele battu bàmakambusūngu na binyuni bibi, na mudivose dimosi, àmasanse binyiuni na ubeluse bibédu biotsu. ¹⁷ Mu dioni dimadughusu adimavosu na mubiyitsi Esaie, àmabonge mabélitsi métu na àmanangule bubonfi buétu buotsu. ¹⁸ Ave Djésu àmalabile yinombu yimamukutange, àmarume badukitsi bandi uwendi o disimu dimosi di mubu uGalile. ¹⁹ Mbanane vamarughe ombughandi musonitsi umosi umamutsingule, "Mulonsi, nyiu udukange mbure tsiotsu uwèndange." ²⁰ Djésu àmamuwaghule, bitsalale bane binsambembe na batsoli bane bane miuve, tumbe mwane mutu a ghane mbure adji uvumine. ²¹ Mudukitsi umosi àmamutsingule, "Fumu, tétèghe lénsili, uwende o utsighe tadji ami." ²² Tumbe Djésu àmamukalili, "nduki, sile abafu utsinghe abafu. ²³ Ave Djésu àmanangemine mu buatu badukitsi bandi bamamuduke. ²⁴ Sundile mungudi unéni umarèleme va djulu mùbu, avana minguibe mimabase buatu tumbe Djésu àmabe yilu. ²⁵ Badukitsi bàmarughe umbu ghandi no murembuse, No vose. "Tugobuli, Fumu, tūfu. ²⁶ Djésu àmabatsingule, dibanduyi dubile na ghome, batu bavu na yitu yi ghéyi? Mbanàne àmarèleme na àmaniangile mupunge na mubu, na vamàbe duvotsu du néni. ²⁷ Badukitsi botsu bàmasutu na bàmavosange, "munongu mutu yi avu, yiri mùbu na mupunge biumudédile? ²⁸ Ave Djésu àmatolile o disimu dimosi o yiari yi baGadaréni, batu babédji bamarumungu na binyiuni bibi barūghe oyimu bengusune; bamarughesenange o yiari yi mambine na bamabe na bukanyi bunéni né mùtu usamamuéviolange vane. ²⁹ Bamaghamughange : yi wirondi mudjétu, mwane Nsambi? Utsirughe ghunu muyitu tsoyise né tému djika tole? ³⁰ Vamabe boti makulu na vane, mughambe unéni ubangulu bamarombange bighudji. ³¹ Binyiuni bibive bimalènde Djésu no vosange, "ta wirondi utùsanse tutindi mu gambéghughu ubangulu." ³² Kabògu Jésus àmabarume, wéndanu! Binyiuni bìbive bimapale nokote oghari bangulu, mbangu mbangu, mu gambe wotsu umaghude mu mubu. ³³ Babàle àbamakélisange bangulu bamarìne, bamaghabughe odivule na bàmatsingule adimalàbene mudiambu dibatu àbamarumungu na binyiuni bi bive. ³⁴ kaboghu, batu botsu badivule bamapàle muyiébéngusene Djésu. Bano mulabe, bàmamulende akerambughe musiéngi oghu.