^{2 1} Du ya sosise mba ba ke du sosise. ² mba bo du sosise nane dumasosisile; na yetsu yo du tsi wetsiyile; yetsu yine yi mosi yu salusulu mu jenu. ³ Dibandu yi géngilili iriri ô disu di mbatsi, na gugélabi dupadju o diagu disu? ⁴ Tsie gurungulile utsingule mwane taji agu yiri," nsili gu u rambuse yiriri ô disu diagu, " yotsu yine une dupadju o diagu ? ⁵ Ka mune pende dji! le gusule dupadju aduvu o disu diagu mbana gulabe kengili mugusule iriri ô disu di mwane tadji agu. ⁶ Du ya vega bime bi siema ombu bamondi, duyabuaghe misanghe va gusu bangulu yiri bagomitsiarile na baké ghélughe ombu génu mu duvopule. ⁷ Vondanu na bô du veghe; rombanu, na du la ba; dukisanu, bô du dibulile mune ndagu. ⁸ Mba oyi vondi,edilli; oyi rombi elabi; na bedibulili o yi dukisi. ⁹ Anyi va garienu pa mwane e mu vondi dipe, emuveyi dimanyi? ¹⁰ Vo pa ewivuli niame mamba, na emuveyi nyioghe? ¹¹ Babi nane djenu, duidjabi uveghe bane benu abi boti tambuse na tadji énu adjivu ô djulu agorungule uveghe bime abi boti ombu djogu abé muvondi? ¹² Kabogu, vaganu ombu basusu, mo dwi rondi yiri bo duvayile; mba anane mabuku ma migaga na babiyitsi belontsili. ¹³ Kotanu mu mune ndagu agubandene, mbari mune ndagu agu djege la nsile a dji beyi o dubungu, ba puela bedji vioyili. ¹⁴ Mumbari mune dagu agubandene, na nzila adji fuekeme, adjibeyi ô monyu, mwa pesu batu bebibaguli. ^{17 15} Kebenanu na ba biyitsi ba nfurulu, Beruyi ombu genu, na idetsi yi bidombu tumbe bavu bamitsi ba basa na bukanyi. ¹⁶ Duba djabile mu milunde miogu.Dje be dokuli mi rayise mu yifundi? Vo mi fighe mu mungongetogu? v17 Munongu mosi, muiri agu boti wiburi milunde a miboti, tumbe muiri aguvu ubiva, wiburi milunde mibive. ¹⁸ Mbari vagha muiri uboti wiburi milunde mi bola, na vaga mwiri ubola wi buri milunde mi boti. ¹⁹ Muiri wotsu agu geburi milunde wi tabulu na wi buagu ô mudji. ²⁰ Munongu mosi duba djabile,, mu milunde muogu. ²¹ Tsiri botsu abéndéngili," Fumu, Fumu," bo kote ô bufumu bu djulu, tumba muvingu abevayi durondu du Tadji ami a djivu ô djulu. ²² Batu bapuele botsingule mu yilumbu yiènyi" Fumu, Fumu, tu sa ma bighe mudine diagu, vo usianse binyunyi bibibive, na mu dina diagu tusamavaghe mambu mapuele ma muvingu?" ²³ Mbana nyu ba tsingule kengili," nge dudjabi! kakenanu nami , djenu aduivayi mabi. ²⁴ Kabogu, mutu wotsu oyi gulu mambu mami no masalie, obe nane mutu mu ngo diele o ma runghe ndagu andi va djulu dugunghe. ²⁵ Nfule dji ma noghe, nyidu dji mabe, na mipunghe mi ma gumbemu ndaguenyi; tumbe dji sa mavongumughe, mbari djimabe dji rungu va djulu dugunghe. ²⁶ Mutu wotsu o yigulu mambu mami na aghe masalisi e bagunu na mutu aguvu iduke o marunghe ndagu andi vo djulu yisieyi. ²⁷ Nfule dji ma noghe, nyidu dji ma be, mipunghe mi magumbe djimavongumughe na mudutsu unéni. ²⁸ Djésu anomane uvose mambu meni, mugungi uma sutu na munongu ndotsuluandi. ²⁹ Mbari amabalotsanghe nane mutu ovu na durumu, tsiri nane basonyitsi ba migage.