¹ kebenanu ulase dusunguwu duenu vo gusu batu, mukelase, pananane dugoba na kabusulu ombu tadji enu adjivu o julu. ² Vana pa wivegi bidjaga uyasige mumbade nane bango pende bevayili mu mandagu ma bibengunu na mu mimbambe mumbari bakedodusu na batu.Diguetse nyidutsinguli bamadile fute ogu. ³ Tumbe djenu, duyavage nane djogu ave duiveyili bidjage, duyasile bambatsi udidjabe. ⁴ Mu dioni duvege bidjaghe o ntsuemimine. MBA Tadji eni adjivu o julu adjilabi o tsueminine odugabusile. ⁵ Pa dwisambili, duyaba nane bango pende, aberondi usambilanga mateli mu mandagu ma bibengunu, na mukodu tsi nsile mukelase va gusu: ngetse nyidutsinguli bamadile futa ogu. ⁶ Tumbe ndedju pa wisambili, kota o gari yibuku yiagu yindagu, dibige diguyi na sambile Tadji agu adjivu o musuege. Tadji agu adjilabi o tsueminine ogusake. ⁷ Mu dusambu, duyafunise mambe amaga nzume nane Batu abebage diabu Nzambi mba betasi yiri boguagulu na masuasu mumbari bevosi puele. ⁸ Mu dioni duyababagunu mumbari tadji enu edjabi abi duvu na nsale ne dukemuwivule. ⁹ Kabogu sambile nganu nana rie: tate étu a jivu ô julu dina diagu dibi ingitsi. ¹⁰ Durumu duagu duruyi na durondu duagu duvagu mu mubutamba nana o julu. ¹¹ Tuveyi na munyi bigudji bi yilumbu na yilumbu. ¹² Tutandi masumu metu nane tuitandili wandi abe tuvayili mabi. ¹³ Guyatusile mu dumongu, tumba tu gobuli mu mabi. ¹⁴ Tandanu djogu abeduvayi mabi na pa duidivayi, tajdji enu adjivu o julu o dutande masumu menu wandi. ¹⁵ Tumba pa djenu dugetandi bambatsi tadji enu wandi ago dutande. ¹⁶ ave duiwarili nsale ; duyabe fubiri nane bango pende, bekapi dusisi mumbari batu bakebalaba yiri nsale bewarili. Dingene nyidutsinguli, bamadile kala fute ogu. ¹⁷ Tumbe djenu, aveduiwarili nsale susanu byinsi bienu na otsanu myiuru mienu matsi, ¹⁸ Mba batu bakedjabe yiri wiwarili nsala, vengu Tadji agu pinsa adjivu o musuege. Na Tadiji enu adjivu dulabi o mosuege o duvege fute. ¹⁹ Duyagukige busine vave tsi vo misobe na maali bebibungi, vo badayi borugule ukote nodage. ²⁰ Tumbe gukiganu busina o julu vo misobe vo maali bago bibunge na badayi bagorungule ukote mudage. ²¹ Ave busine buagu buvu, ave murima uvu. ²² Disu la lambi dunyuru. Pa disu diboti, dunyuru duagu dube mu yidjalala. ²³ Tumbe pa disu dibiva, dunyuru duotsu dubase na pisme. ²⁴ Vaga mutu o rungule usalile fumu bedji, mumbari ovina gune na o ronde umosi, vo odedile guna no lensa umosi. Dugorungule usalile Nsambi no salile busine. ²⁵ La dibandu nyidutsingulili rie, duyalabe kéri mu monyiu enu, mu biodudji Na biodunu, vo mu dunyiuri duenu abi duduare. Mba monyiu ageviogulili bigudji, na dunyuru uviogulile bikutu? ²⁶ labatianu batsoli ba julu, bagevari no ugune, bagesueyi bigudji mu bitale, tumbe na Tadji enu ajivu o julu ebabunguli. Duga duga dubaviogulile? ²⁷ Anyi va gari enu, orungule ubuese yitsingu mu monyiu andi na manyionyi mandi ? ²⁸ kabogu yi dubile na manyionyi mu diambu digu duare? Tsunetianu kembu tsi mungi, nane tsibendili; bagesali, na bagebuangi ba ngombu. ²⁹ Tumbe nyidutsinguli rie ne kage Salomon mu bundumbe buandi buotsu asama duara nane umosi va gari ogu. ³⁰ Pa Nsambi, edwisi biriri bi manungi abivu vave namunyi na mugesa biunyiensu o muji, tumbe tsieni ago rungule ududuisele, batu ba pesu yitu; ³¹ Duyabe na kéri no vose rie: yi tudji? Yi tunu, vo yi tuduare? ³² Bime bie biotsu bine birombu na bagerondi Nzambi ; Tadji enu adjivu o julu, edjabi nsale tsienu tsiotsu. ³³ Rombanu tetega bufumu buandi na dusungughu duandi, na bima biotsu biuduvegu. ³⁴ Duyala keri mu munemosi, mumbari munemosi okekunse; kadi yilumbu ane diandi ditsoge.