¹ Djésu anolabe binombu biéni, amamate vamukongu; anotsana, badukitsi bandi bamarughe ombughandi. ² Amadibule munu na àmaveghe dilongi diédidi, ubuédji abavu bijaghe mu yiniunyi, ³ mumbari bufumu bujulu abuoghu. ⁴ Ubuédji abélili, mumbari bodile duwarusu. ⁵ Ubuédji abasigheme, mumbari bobialile butamba. ⁶ Ubuédji abavu na nsale na piule dusungughu,mumbari boghukuru. ⁷ Ubuédji abavu na yingèbe, mumbari botandu. ⁸ Ubuédji abavu na mirima miliome, mumbari bolabe Nzambi. ⁹ Ubuédji bobésalisi polu, mumbari bonéngulu bàna ba Nzambi. ¹⁰ Ubuédji abo békuanu mu diambu di dusungughu, mumbari bufumu bujulu abuoghu. ¹¹ Ubuédji uvu nénu, ta batu bodusiènge no dukuane, vo bovose mfurulu tsiminongu mibi mu djiénu dibandu ménu. ¹² Sanguilanu na banu na ubuédji unéni, mumbari futénu djinéni o julu. Mumbari anane batu bamakuanine babiyitsi abamadurèle. ¹³ Adi musayi avu mu bighuidji, anane dùbe ombu bulongu; Tumba musayi ike witsiémusi mughanguandi, tsiéni tu rungulile umughabusile woni? Wisane tsongu, wibuaghu o dulombili uke diarulu na batu. ¹⁴ Adi yijalala esalisi va ghari batu mu pisame adine dusalise mubulongu. Divule dirungu va julu mukongu dighorungulu usuéghu. ¹⁵ Mudioni, batu bébansi lambi mudjisuèghe otsi mulumbu? bédjisunsi va djulu isaku mu monitse botsu mu daghu. ¹⁶ Munongu umosi, yidjalale yiénu yilulingui va ghusu batu yiri bolabe maboti amaduivayi na boyinsange tadjiénu ajivu o djivu o djulu. ¹⁷ Duyiatase yiri nyimarughe mu tsindule mughaghe vo babiyitsi; nyi sa marugha mu tsindule, tumba mu midughusu. ¹⁸ Dingense, nyi dutsinguli; tému djiotsu adji djiulu na butambe biutsingile, vagha nési dìtodi nési ighuma yimosi yighéyi yiutsidulu mu mughagha, téna mambu motsu mdughusulu. ¹⁹ La dibandu wotsu oyi wenguli dirume adivioghulile ughéyi na élonsi ombu basusu ùsalise munongu éni, obe mugheyi o bufumu bu djulu. Tumbe oyighughobisi, na élonsi ombubasusu usalise munongu éni obe yivunde obufumu bu julu. ²⁰ Nyi dutsinguli ta dusungughu duénu dughovioghulile dusungughu du basonitsi na ba Farisi, dughorungule ukote né pésu o bufumu bu djulu. ²¹ Dùmaghulu adimatsingulu bisi tému ajikale, ugho boke mutu; na uotsu éboki umòsi obéghu vaghusu mighaghe. ²² Tumba ménu nyidutsinguli riè wotsu oyinioyili mwane tanjiandi orungule ufundusu; na oyitsinguli muane tadji andi " ndé idjoli" orungule ubéghu vaghusu dibuli dibivunde bibajuife. Na wotsu oyi tsinguli mwane tadjiandi "ndè iduke!" orungule ubuaghu o ditsoghe dimudji! ²³ Munongu umosi, pa wibéyi muénsili aghu upaghu va yivaghulu y paghe na wirangimini yiri mwane tadjiaghu ane ndunga jiughu nioyile, ²⁴ sile muensili aghu va ghusu yvaghulu y paghu na tètèghe ghabughe mu ghabuse dinonge na mwane tadjiaghu na ughabusile mu vèghe muénsiliaghu. ²⁵ Ghulusunu mbangu na o winuani, vo duiwendili oghusosusu; mumbari o winuani orungule ughuwakise mu mioghu mi nsonsi, na djiandi oghuvèghe ombu baghore na ubuaghu o tsughu. ²⁶ Djabe didi, yike wiwendi o tsughu ughopale mumbari ughorungule uvane dinuane diotsu nane nsonsi o tabulile. Ba na polu na bana batadjibaghu. ²⁷ Dumaghulu adivosu, "dughotube bukali". ²⁸ Tumbe nyi du tsinguli riè uotsu oyighénguili mughétu no munyiungile, Nsambi élabi iriè amatube kale bukali nandi oghari murime andi. ²⁹ Na pa disudiaghu dimabale dighubeyi uvaghe disumu, dirubuli na dibuayi vala naghu; mumbari divu diwelimine ombughaghu yiri yiasi ymosi yidunyuru duaghu ybungane, tsiri dunyiuru diotsu duke buaghu o mbengi maghughe. ³⁰ Ta yi dìkake diaghu dimabale dighubeyi uvagha disumu, ditabuli na dibuayi vale naghu; mumbari divu diwélimine ombughaghu yiri yiasi y mosi yi dunyiunu duaghu du bungane tsiri dunyuru duaghu duotsu du buaghu ombengi moghugha. ³¹ Dimamué vosu riè, "wotsu oyi boki diwèle na mughatsi andi omuveghe mughande. ³² Tumba nyi dutsinguli wotsu oyikakini na mughatsiandi vengu yike mu diambu di buvasi, émuvayi ube mutubitsi ubukali; na yotsu oyi mughuéli étubi bukali nandi. ³³ Dimòsi, dumanghulu adimatsingulu baghulu bétu. "vodui ghanyini kake no leve pési mu dina difumu, djidughusuanu. ³⁴ Tumba, nyidutsinguli duyalève pési népésu, nési mu julu mu mbari yitsighe yibukaghe bu Nsambi; ³⁵ Nesi mubutambe mumbari buvu yitsiãrulu otsi matambi ma Nsambi; nési mu Jérusalem mumbari divule dikaghe adji néni". ³⁶ Na vana, duya lève pesi novose tabulanu muruénu ta dugho djidughusu mumbari dughorungule ukaluse kémbu nange tsiénu. ³⁷ Vo duivosili, mbembuénu djibi yike ine, ine, vo nési, nési motsu amébuésu meruyili ombu muvinitsi odjivu diabu. ³⁸ Dùmaghulu adimavosu disu mu disu, na dinu mu dinu. ³⁹ Tumbe ménu nyidutsinguli, duyaghaghane na odjivu mubi; mu duviakunu du monyi, wotsu oghu du dimbe mbate mu dibange di mabàle, muliyili adi ma ghétu wandi. ⁴⁰ Na, ta mùtu érondi ughusosise mu upatule idjunge yiaghu, musili ubonge ayinéni wandi. ⁴¹ Ike ghore éghughomi uvaghe tosini take nandi, vaghe tosini bedji tsi take nandi. ⁴² Vèghe oyi uvondi, uyiabuse unuanise oyirondi unuane ombu ghaghu. ⁴³ Dùmaghulu dimavosu rié: uronde oghubambene naghu na uvine mbenyi aghu. ⁴⁴ Tumbe m è nyidutsinguli rié: rondanu mbenyi tsiénu na sambilanu mubotsu abédukuani, dūbe nane tadjiénu adjivu o julu; ⁴⁵ mumbari ébatsi nyangu mu àbavu babive na àbavu baboti, na énoyisi mfule va djulu bobawelimine na abaghabawelimine. ⁴⁶ Tumbe ta duirondi yike abédurondi, fùteyi dudile mu dioni? Babolitsi ba lèpu bédisalisi wandi. ⁴⁷ Véngu du salise uvioghulile djioghu. ⁴⁸ Ta duisimbi yike bane batadji bénu, yi duisalisi uvioghulile bambatsi? Ne bapayi bedisalisi wandi. Bãnu abawélemine nane tate Nsambi abile awélemine.