¹ Kabòghu djésu anobéghu na Yiniunyi yi Nsambi ô kumu adji ghumughe mu yié màngu na muvinitsi, ² àmawarile nsale na puile mu maghumimane ma bilumbu bi nyangu na maghumimana ma bi lumbu bi mukolu. ³ Mumangitsi ano bambane nandi àmamutsingule riè ngènsa ta udjimwane Nsambi vaaghe iri mamani mémama ma kaluyi dipe. ⁴ tumba djésu àmamuwagule riè ngodivaghe mumbari Nsambi évosi riè mutu aghobungugha ike mumussoni tùmbe o bungugh e na mbémbu Nsambi. ⁵ Kaboghu diabu ama mu bégha ô jerusalem, divula a di sième na ama mu sunsa odjulu muantse ndagu Nsambi, ⁶ No mutsingule rie pa ngense udji mwane Nsambi, ké buaghe o tsi ugo tsungughe mu mbari disonu riè ô rume biatse biandi mu gukelise. Boguwake kalale, bogukelisa na buranghe yiri dikulu diagu diké duku dibaku mu dimanyi." ⁷ Tumbe djésu àmamuwaghula riè nési ngodumughe mùmbari dìsonu wandi mu bisomu iri ughomange Nsambi Fumu aghu. ⁸ Vane ghusu, mu vinitsi àmamuémubèghe o djulu mukongu unéni ⁹ àmamulase misiéngui mi bulongu na kémbu tsioghuna àmamutsingule riè nyiu uvèghe biotsu bibi pa utsindémbihile na pa utsi kutemine. ¹⁰ Djésu àmamuwàghule riè rambughe Diabu! Disonu iri ùlémbihila Nsambi fumu aghu na umusalilanga wandi pinza. ¹¹ Kaboghu diabu àmamusile na biantsa bimamukutumine no mu salile. ¹² Djésu mbe aki ô musiengui û judée badukitsi ba jean mu batisitsi bama yi mutsingule riè kagha Hérode a ma kotise Jean o tsughu. Kabogu Djésu ama gabugha ô Nazareth ô musiengi Galilée. ¹³ Ama gusughe o Nazareth mu yié tsane ô Capernaum. Capernaum amabe o mugule mubu gu Galilée o musiengi agumabangange gu bifumba bi Zabulon na Nephtali. ¹⁴ Dioni dimalabine mu dugusu adi mubiyitsi Esaie, a ma vos, ¹⁵ yinanghe yi Zabulon na yi Nephtali,nsila mubu ô tandu o disimu dine di Jourdain, Galilée misiengi mi djogu abaga ba juif! ¹⁶ Mukuta agu tsane ô pisama û malabe yidjalale yi néni na djogu a ba maba batsane mu musiengi yibususu yi dufu, yidjalale yi mabamonitse. ¹⁷ Ubande mu temuéni, Djésu abila ô capernaum a mabande u samuna, nô vosa riè, "kalughanu diela dundanu guva masumu, mumbari bufumu bu djulu buke béli." ¹⁸ Nane awendilanga mu mughula mubu û Galilée a malaba bane batadji ba bedji ba babale Simon a djinengulu Pierre,na mwana nguandi André, ba ma buangha mbuse mu mubu mumbari bamabe bavubitsi. ¹⁹ Djésu ama ba tsingulae riè rughanu na ndukianu na nyu du vagha ba vubitsi bâ batu. ²⁰ Vana vana bama sila mbuse tsioghu no muduke. ²¹ Djésu a ma buela ukweke na amalabilile bana bangudji bamosi. Jacques mwane Zébédée na Jean mwane nguandi ô gari boatu na tadji-ô wu ba ma londanga mbuse tsioghu. ²² Mbana a ma ba nenguile. Vane vane bama sile tadji-ôwu na boatu na bama mu duka. ²³ Djésu a ma tsienguila mu siengi wotsu û Galilée na batu bé bana , nolotsangha mu mandagu ma bibéngune batu mu mabundu mowû, no tumbulanga musamu moniyu,no belusanga missongu miotsu na bubonfi bu minongu miotsu va ghari mukuta. ²⁴ Kungu Djésu dji no nyava musiengui Syrie baka mubéyilanga bibedu a bi maba bi kambulu na missongu na purulu tsi minonghu na mi minonghu. Djioghu a ba maba otsi durumu du biniyuni bibiva, ba ngô massièra na bimbolutu mba Djésu a kenè ba belusanga. ²⁵ Binombu na binombu bi ma dukaga ô Galilée, ô Décapole,ô Jérusalem na ô Judée mba na ô yari i mossi yi Jourdain.