¹ Mu tému a dji Djésu amabile o diviule di Nazareth, Jean aji nengulu mubatisitsi ama wende ô mbure adji gambu batu o musiengi Judée. ama samunanghe ombu batu aba ma rugange vane. ² Ama buese u vose rie: " vengu du dunde u vage masumu mu mbari Nsambi o lase yiri aji kage, na o du buaghe pa dugodunde uvaghe masumu. ³ Ave Jean amasamuninanghe, mbigulu dji biyitsi Esaie dji madugusu adji vose rie: Tutsigulu diufi di mutu digamuyile botsu aba vu mu mambure amagambu batu: Kunsemanu mu dile Fumu ave o ruyile! mutsotsiyilianu biotsu." ⁴ Jean ama duarange ikutu yi myonyi mi yi bulu ayinéngulu (chameau).Nane mubiyitsi Elie ama di vayilanghe, ama duaranghe beleti ji mukate mu dilungu. Biguji biandi bi ma banganga ma kokoku na budji bu musiru, ama bidililangha mutsi ji gumuga. ⁵ Aba ma tsananga o Jérusalem na ba puela abamabe ô Judée, na bamosi abamabe bebeli na mujambe Jourdain bama ruganghe ombu Jean mu yi gulu musamu. ⁶ Ba no mu gulu, ba ma fungulanghe mabi mogu va gusu batu na jandi ama babatise mu mudjambe Jourdain. ⁷ Jean ama labanga ba Farisi na ba sadusi uruge mu yi batusu. Amabatsingule rie: "Dibure pili duvu! a nyi ama du lubuse urine kabu Nsambi aji ruyi? du ya tasa yi durungule gu djirine. ⁸ Pa yiri nguensa duma dunde uva masumu, kabogu buranu milunda miwelimine mu dilase. ⁹ Ni jdabi yiri Nsambi a vangene mube na bategule ba Abraham. Tumbe duyakedodise rie: Tubila bategule ba Abraham Nsambi a go tu kilise ne tutsivanghe masumu." Nesi! nyi du tsinguli rie: jandi orungule ukaluse mamanyi me mame bategule ba Abraham." ¹⁰ Nsambi ama kunseme mu dukilise, tindi nane mutu ô yibandi utabulu ngansi tsi muiri agughé buri milunde. Munongu mosi otabule muiri wotsu no ubuaghe ô muji. ¹¹ "Menu nyi dubatisi ike na mambe . Ni di salisi ave batu be fungulili masumu mogu.Tumbe vorughe na mapape mutu ô gu dugusu bisalu bi néni. Jandi apiogulile buneni, Ne menu nga niwelimine gusurule mikundu mi pondu tsiandi . Jandi o du batise na yinyunyi yi siema na muji. ¹² Ana yansule va dikake, o wanzule milunde amiboti na bipupu. A kunseme mu kakesene milunde amiboti na bipupu. O bega aba sungeme, o ndagu nane muvaritsi esutsili a bi a tsi dile ô yisuegule yiandi , tumbe o nienze mimbini nane benienzili bipupu o muji agugetsimi via. ¹³ Mu temu eni, Djésu a ma rambuga o Galilée, no wenda o Jourdain ombu Jean, mu ye batusu mu mambe nandi. ¹⁴ Ave Djésu ama wivulile Jean mu mubatise, Jean ama gaghene na amavose nandi: ¹⁵ "menu nivu na nsale ubatusu nagu! Tumbe n gu ga muvayitsi masumu ka mu mbayi wiruli ombu gami?" ¹⁶ Tumba Jésus ama wagula:" Tsiè mbatisi, anane tudugusulu jetu bo babédji a di welimina na Fumu." Va djulu vane Jean ama singue umubatise mu mambe. A nobatusu, Djésu amapale otsi mambe na bisuasu. Djulu dji ma dibughe ama labe yinyunyi yi Nsambi a yi ma sunduge mu jandi mu yi bagunu yi dibembi. ¹⁷ Sundile Nsambi ama vose o tindi julu rie: agugu mwane ami udurondu nyilabi nsangu djineni mu djandi".