¹ Djésu amaburulu ô divulu di Béthlem ô musiéngi Judée, mutemu adji kaga Hérode amaruminanghe. muapésu tému Djésus anoburu, mua batu abama tsana ô wuisi et palili, abamabe nadudjabu mubambuélili, bamarughe ô divule di Jérusalem. ² Bamawivule batu:" omaburu ake ogube kaga bajuifs? tutsilabe mbuieliliandi ô wuisi épalili na djoni djitsitulontse mbure duburu duandi, kabogu tutsirughe muyi muyitse. ³ Ave kaga Hérode ama didjabile, amabe mumbulighe na bisi Jérusalem djotsu ⁴ Hérode, amagukighe bivunde bi bavagulitsi bapagu na ama bawivule agunyi Christ mbe ô burulu nane babiyitsi bama biyile. ⁵ Bama mutsingule, ô divule di Béthlem ô Judée, mu mbari mubiyitsi Michée ama sone rie: ⁶ Nde Béthlem, ô bulongu bu Judé, gugha uviolile ughéyi va gari misiéngi miotsu mijudé mu mbari ombu gagu agupalile yivunde ayiuwéndisanghe mukutami Israël. ⁷ Mudioni, Hérode amanéngile ô musueghe batu béni abamabe na dudjabu du bambuélili. Amabawivule temu adji mbuélili dji malabinine. ⁸ "Na ama batsingule rié "wéndanu ô Béthlem, yéwivulanu ave mwane avu. Pa dumamulabe, gabuganu muyi-tsingule, yiri mewandi nyuwènda muyémutse." ⁹ Va djulu vane, bamawénde ô divule di Béthlem. Sundile mbuélili adji bama labe ô bulongu abu wisi épalili jimawènda va gusu ogu tena dji masikeme va muatse ndagu adji mwane amabe. Mbuélili adji bamala mubu- longu, ô wuisi épalili, djimaru vagusugu téna djima sikeme ô djilu muanza ndagu adji mwane amabe. ¹⁰ Bano labe mbuéliliéni, bama bama base na nsangu djineni. ¹¹ Bamalabe ndagu, ù kote no rasune mwane na ngudjani Marie. Bama Kutema no muyitse. Mbana bama dibule bigare biogu na bamamuveghe miénsili: l'or, bime bi mbugue djiboti na myrre . ¹² Va djulu vane Nzambi ama balubuse mundosi yiri bayamuégabughe ombu Hérode. Kabogu Bama gabuga ô bulongu buogu, tumbe basa mamuégabuyilel mutsile adji bama ruyile bake viole ike mutsile susu. ¹³ Bano gusughe, yianza yi Fumu yima murule ô ndosi. Yimamu tsingule rié: "relème, bonghe-mwane kali na ngudjiandi, na rine ô Egypte. Lébe gune téna tému adji nuigu tsingulile yiri tsié rambuyi mumba kage Hérode étsotsimi mutinde bagore muboke mwane." ¹⁴ Mukoluégni, Joseph ama réleme, ake boghe mwane na ngudjiandi, no véngueme ô Egypte. ¹⁵ Bama tsane gune tena kage Hérode amafu mbana, bamamuégusughe ô Egypte. Diogni dima labene, mudugusu pangini adji fumu ama tsingule mubiyitsi osée, "nimanéngile mwane ami yiri opale ô Egypte." ¹⁶ Ne kage Hérode akefu, ama djabe yiri ama diongu na batu béni na amagangu na-kabu dji néni. mumba amatasa yiri Djésu aki ô Béthlem, Hérode ama sindige bagore muyé boke bane botsu bababale gubongile yilumbu yitéga yiduburu téna bilime bibedji. Hérode ama tale bilime bi mwane, nane bango dièle, bamayi mutsingulile mudiambu dimbuélili adji malabane kumbu tèghe. ¹⁷ Ave Hérode ama divayile, dimalabene nane dima sonunu vane kale na mubiyitsi Jéremie ave ama sonine mudiambu di Béthlem bébéli na divule di Rama: ¹⁸ "Baghetu ô Rama, bamalilanghe na migamu. Rachel, mugulu bagétu bégni, élili mudufu du bane bandi. Batu bama wéliga umu bémbighe tumbe basamarungule, mu mbari bane bandi botsu bamafu." ¹⁹ Na Hérode éfu, tému adji Joseph na yifumbu yiandi, bamaba gune Egypte, yianza yifumu yima labene mu ndosi ombu Joseph ô Egypte. ²⁰ No mutsingule riè, réleme bo mwane na ngudjiandi, gabuganu muyé tsane ô divule di Israèl, mumba boba maromba guboke mwane bamafu. ²¹ Joseph ama réleme nobo mwane na ngudjiandi, na bama-gabuge ô Israèl. ²² tumbe anodjabe yiri Archelaos ake yivinse yi tadji andi Kaghe Hérode murumise musiengi Judée, amabe na kéri muwende. Amalubusu mu ndosi na Fumu nane ovayile va djuiu vane joseph, Mari na mwane bamawende ô musiengi di galilée. ²³ Bama wende ô yétsane ô divule di nazareth dimavagu mudugusu adimabigu na babiyitsi rie: batu bomunéngilanghe muisi Nazareth.