¹ Ava Jesus amanina uvosa, amatsingula badukitsibandi rie :" ² Duidjabi rie paques mu bilumbu bibeji, na muana mutu owakusu nogomunu va kurusu. " ³ Mbana, bivunda bibavagulitsi bapagu na bivunda bisusu bidibundu d Israel bamagukema va dulombili duCaiphe ; ⁴ bamakuntsa muguganga Jesus mumuboka. Bamavosa rie : " ⁵ diyaba va temu mumengu mumbari bulongu bukekunga. ⁶ Jesus amaba o Bethanie o ndagu Simon omaba na nyiambi, ⁷ nana bamabila va tavula, mugetu mosi maruga ombu andi na yirura yimuyombu umaba na dufunu dunenyi na amaguwitila va djulu muru andi. ⁸ Ava badukitsi bamalabila nana bamabasa na kabu novasa rie :" Yi muna dibunga nana ? ⁹ Muyombu eguna mbe umasumbusu na dufunu dunenyi muvega bidjaga. ¹⁰ Jesus adjabila nana, amabatsingula rie : " Dibandi yi duisiembili mugetu egugu atsivaga diambu diboti mu menu. ¹¹ Duna bidjaga temu tsiotsu nenu, tumba tsiri menu. ¹² Awitililanga muyombu eguna mu dunyuru duami, atsidivagila mukielu dufu duami. ¹³ Digensa nyidutsinguli mbura tsiotsu atsi musamu eguna uboti usamunungu mu bulongu buotsu, bovosanga adi mugetu egugu atsipayila nana irangumunu. ¹⁴ Umosi va gari digumi na babedji, diina diandi Judas Iscariot, amawenda ombu bivunda bibavagutsili bapagu na avossa ¹⁵ rie"Yi du pega ga muwakisa ombu wenu" ? ¹⁶ baka pitsa magumi matatu ma mfura mumu wakisa. Avana amarombaga piogulu mumuwakisa ombu gogu ¹⁷ Yilumbu ayi tega ayi mapa- magambu-na-dufusu,badukitsi ba Jésus bama bambana na-andi no vosa rie:"Mbura yi wirondi tu ka gutsonsila mulambu ¹⁸ Paque"?Aka bakalila rie:"wendanu o divula ombu simbu,nabukadi na vosadi rie : 'Fumu atsi vosa rie "diweru di-ami dika bebeli ; nirondi uba na mulambu ombu wagu na badukitsi bani. " ¹⁹ Badukutsi bama vaga nana Jésus a ma barumisa na bake tsonsiga mulambu Paque. ²⁰ Tsisiga ji no tola, amatsana va tavula na digumi na badukitsi bandi babeji. ²¹ Ave bamajianguilaga, ake vosa rie : "Dinguensa nidutsiguli, umosi va gari-enu o kwakisa." ²² jo botsu baka sutu no kambulu mba muana muana aka banda umuvuivula : " Tumba menua Fumu ?" ²³ Ama wagula rie : "A guputiga dikaka di-andi va mosinami mu yipela laka jiandi o u kuakisa." ²⁴ Muana mutu ewendi nana disonunu mu ja-andi, tumba maguga ombu guna a tsi wakisa ! dibueji rie ne mutueni mbe a sa ma buru " ²⁵ Judas ama ronda mu wakisa aka vosa rie : " tumba menua Fumu " ²⁷ Ake bonga dimoyi na ake gabusila diboti mba ake bavega no vosa rie : " nuanu jeunu botsu". ²⁸ Mumba rie : mana malugu mami,ma yivigu yi gona amama witila mu dutandu du masumu. ²⁹ Tumba nidutsiguli rie : ngo mu-enu mulunda u vigne,tena yilumbu nu mue bonguila dimosi nenu mu durumu du taji-ami. ³⁰ Banomana uwimbila, bamawenda ojulu moukongu u Olive. ³¹ Kabogu ama vosa rie : "gnuba ombu-egnu jenubotsu temuji uberuga na tsisiga," nana di sonunu "Nudimba mu beyitsi by ndombu, mba mugamba ubindomba utsi-amuga " ³² Tumba av nyurambuyila odufu nyudureyila o Galilée. ³³ Pierre aka vosa rie :" Ave botsu bo gusilila menu ngousila via." ³⁴ Jésus aka mutsingula rie : "Dingensa ni gu tsinguli na mukolu-agugu ,ne koku aka vose u kala kumbu yi tatu. ³⁵ Mba Pierre aka mutsingula rie : "Ne payi gnufu nagu,ngo wugala "na mba badukitsi bana botsu bama vosa munogumosi. ³⁶ Mba Jésus aka wenda nogu o mbura bama néguilanga Géthsemané la aka tsigula badukitsi bandi rie : ³⁷ Tsananu vava nikakini nenu mu-ye sambila".Aka bonga nandi Pierre na bana ba beji baZébédée aka banda ugulu butsiana nama buku ngongu, A vana a ma nsugula rie : ³⁸ "Dyiguni-di-ami dikamanioni tena o dufu sialnu vava na moganu nami." ³⁹ Akawende boti muavala, akekebuaga vatsi,yinsi mubutamba amasambila novosa rie : "Tata pa diurungula uvagu kakesena dimoyi die didi nami, ne vana tsiri adi menu nyirondi, tumba;adi nde wirondi." ⁴⁰ Amamuegabuga ombu badukitsi bandi amabarasunu bilu bewendi, akebatsingula rie : " Dugarungula uviosa nesi digueru dimosi mugumoga nami". ⁴¹ Màganu na sambilanu mumbari dukota mudumangu.Yinyunyi gigwuara tumba mosonyi udeda. ⁴² Akemuekakena nogu nyongu adiji mubedji na amasambila rie : ⁴³ "Tata ami, pa diga diwelmina yiri dimoyi die didi dikekakesena nami pa nyiskadinu, durumu duagu duvagu! Amamuegabuga na amabarasunu bilu mumbari misu mogu mamaba timbila na yilu. ⁴⁴ Kabogu amabasila, umuekakena nogu nosambila munongu mosi kumbu adji murieru. ⁴⁵ Jesus amagabuga ombu badukitsi bandi na amabatsingula rie : "nyimatsira mumbari duvu bilu. Labanu digueru adi muana mutu owakusulu va makaka ma bavagitsili bamasumu dimabambena. ⁴⁶ Relemanu twendianu. Oyinkuakisi akabeli." ⁴⁷ Ava amavosilanga, Juda umosi va gari digumi na badukitsi babedji, amatola. Yinombu yinenyi yimarugesena ombu yivunda yibavagutsili bapagu na bivunda bimukute bimaruga nandi. ⁴⁸ Bamaruga na manguangu na madjenga. Dibala adi mbe diwakisa Jesus dimavega diruma nos vosa rie : " Onyubemba djandi magangianu." ⁴⁹ Vana vana, amaru o yari yiJesus no vosa rie : " Mbolu mulontsi ! Na amamufifa dibanga. Jesus amamutsingula rie : " ⁵⁰ Mbatsi ami lenga nosalisa adi utsirula." Kabogu bamaruga, usuntsa dikaka muJesus na bamamuganga. ⁵¹ Umosi mu bobamaba na Jesus amasimbula dikka diandi, amaduta didjenga diandi na amadimba musalitsi yivunda yibavagulitsi bapagu nomutabula ditudji. ⁵² Kabogu Jesus amamutsingula rie : " Gabusa didjenga diagu va mburandi , mumbari botsu abosalila didjenga, bofuila mudidjenga. ⁵³ Guitasi yiri menu ngorungula uvonda ombu Tadji ami, uviogulila digumi nabadji bibinombu bibiantsa. ⁵⁴ Tsi eni bisonu biudugusulu, nana bivosili yiri motsu mana maruyi? ⁵⁵ Jesus amatsingula yinombu rie : " Dutsiruga otsime mudayi na manguangu na madjenga ? Nyimabanganga bilumbu biotsu o ndagu yibengunu no lontsange, na dusamaganga. ⁵⁶ Motsu matsilabina mugudugusu ama babyitsi bama sona. "Kabogu badukitsi bandi bamamusila na bamarina. ⁵⁷ Abamaganga Jesus bamamubega ombu Caiphe yivunda yibavagutsili bapagu, o basonitsi na bivunda bamaba bagukema. ⁵⁸ Pierre amamuduganga te na va ngangela yivunda yibavagulitsi bapagu, amatola na amatsana va bangu mugulaba adiuvioga. ⁵⁹ Bivunda bibavagulitsi bapagu na dibuli dibarumitsi barombanga bumbedji bufunrulu mu Jesus yiri borungusile umubokile. ⁶⁰ Basamalaba diambu nesi mbedji tsi mfurulu tsi puela tsimayikelasa vana gusu, babedji bamaruga novasa rie : " ⁶¹ Mutu egugu , amavosa yiri nyurungula ubula ndagu edjidji yibengunu yiNzambi nodjirungulila mu bilumbu birieru." ⁶² Yinvunda yibavagulitsi bapagu amarelema na amamutsingula rie : "Ugewaguli ? Yi batu bebaba bevosi mu ndedju ? ⁶³ Jesus amavola. Yinvunda yibavagulisi bapagu amavosa rie : Oyigurumi tutsinguli mu diina diNzambi monyu yiri nde yibiatsu, muane Nzambi " ⁶⁴ Jesus amagugula rie : " Ndebenyi guidivosi; tumba nyigutsinguli , ulaba muane mutu atsana va mangolu mamabale maNzambi, na oruganga va djulu mamungi ma djulu. ⁶⁵ Kabogu yivunda yibavagulitsi bapagu amapas yikutu yandi na amabosa rie : " Mumba yi tumuebila na ntsala bumbedji ? Dutsigulu dipeji." ⁶⁶ Yi duitasi uvaga ? Bamawuagula : " Awelimina noboku." ⁶⁷ Bamamufuta matedji mu yintsi, bamamudimba na murima makaka mogu novosa rie : " ⁶⁸ Biga mu djetu yibiatsu. Anyi atsigudimba ? ⁶⁹ Pierre amaba atsana va dulombili va ngangela. Musatsi umosi umugetu umaruga ombu guandi na amatsingula rie : " Umaba ndewandi na Jesus muisi Galilée!" ⁷⁰ Tumba amamukala va misu ma botsu, novosange rie : " Nge djabi adio wivosi." ⁷¹ Amawenda o yari yimunendagu ayidipalulu, musalitsi umosi umugetu amamulaba na amavosa na djogu abamaba vana , " mutu egugu amaba djandi wandi na Jesus muisi Nazareth." ⁷² Amamuemugala na pesi, ngedjabi mutu egugu. ⁷³ Muapesu temu, abamaba basikema vana bamaruga na bamatsingula Pierre , diurungula uba yiri udji umosi mumbari mposuluagu djigudjabisi: ⁷⁴ Kabogu amatubulanga milogu no leva pesi, " Ngedjabi mutu eguna, vana vana koku djimavosa. ⁷⁵ Pierre amarangimina mambu ama Jesus amamutsingula, " Ne koku akevosa, ulenkala kumbu yirieru" Amapala na amalila na munyongu.