¹ Kabogu bundumbe bu julu bi bagunu na digumi di tsiemi a di ma bogue bamdi tsiogu ni di ma wenda mu ye bengusene mulumi. ² Baranu va gari o gu ba ma ba bipumbi na ba ranu ba ma ba bana diela (ba gnetsi). ³ Ave bipumbi ba ma bongile lambi tsiogu ba sa ma bongue matsi. ⁴ Tumba ba ngo diele (ba gnetsi) ba ma bongue bisangue bi matsi na na lambi tsiogu. ⁵ Nane mulumi ama tsingila no ruge, botsu ba ma timbe na ba wè bilu. ⁶ Tumbe va gari mukolu va maba mugamu, labanu mulumi, wendanu yie mu bengusenanu. ⁷ Avana ba tsiemi botsu ba ma rambuge na ba ma kunze lambi tsiogu. ⁸ Bipumbi ba ma vose na ba ngo diele (gnetsi). Tu beyi-anu matsi menu mu mba lambi tsietu utsime tsi tsimi. ⁹ Tumbe ba ngo diele ba ma ba wagule. Vane ma go dugu na mu jetu na jenu, wendanu ombu aba be ma sumbisi na sumbanu ama jenu beni. ¹⁰ Ave ba wendilanga o gu sumbe, mulumi ama ruga, na a bama ba kunzeme ba ma wende nandi o mumengu na mune ndagu gu ma dibugu. ¹¹ Va gusu, tsiemi a tsi na wende tsi ma ruge, na tsi ma vose rie: Fumu, tu dibulili mune ndagu. ¹² Tumbe ama wagule. Mu nguese nyi du tsinguli, ngue du jabi. ¹³ Moganu kabogu mu mba du ge jabi ne yilumbu, ne diweru. ¹⁴ Mba diube nane pa mutu amaba bebeli na wende o bulongu bu mosi. E nengile ba satsi abandi na e ba vega maboti mandi. ¹⁵ Ombu gu mosi va gari o gu a ma vega fure yranu, ombu gu mosi ama ega beji, a gu nzitu ama vege fure ama uwanguelene mwane na andi mba a ma wenda o mulingu andi. ¹⁶ Vane vane jandi o ma dile fure iranu ama tsi salisa na ama dile fure iranu tsi mosi. ¹⁷ Munongu mosi jandi o ma dile doli beji ama dile beji tsi mosi. ¹⁸ Tumbe musatsi o ma dile doli du mosi a wè time yidune mu butambe ama fundige mbogu tsi fumu andi. ¹⁹ Itsingu ineni fumu basalitsi begni ama gabuge na ama ba wyvule bikumbu. ²⁰ Musalitsi a gu ma dile fure iranu ama ruge na ama bege nandi fure iranu tsi mosi na ama vose. Fumugu ma pege fure iranu, la fure iranu va julu. ²¹ Fumu andi ama mu tsingule, diboti, musalitsi uboti na gu welimine, gu tsi be gu welimine mu mambu ma geyi, nyu gu vegangue bisalu bipuele. Kote mu nzangu fumu agu. ²² Musalitsi a gu ma dile fure beji a ma ruge na ama vose. Fumu gu ma pege fure beji, la nzi dile fure beji va julu. Fumu andi ama vose. ²³ Diboti, musalitsi uboti na gu welimine mu mambu ma geyi, nyu gu vegangue bisalu bipuele. Kota mu nzangu fumu agu. ²⁴ Mbana yisatsi a yi ma ghokusu doli du mosi aku ruge na ake vose: Fumu ami, nyi jabi iri ndéju mutu awu gale mambu; wui dokuli vane usa ma vare na wui ghukighi vane usa ma sage. ²⁵ Nyi maba na gome, yika, nga wè uyié suege doli duawu otsi butamba, la doli duawu. ²⁶ Tumba fumu andi ake mu wagule: yisatsi yibi na yi tsore; u ma jabe iri nyi dokuli né avu nyi sa ma vare na nyi gukighi ne avu nyi sama sage. ²⁷ Kabugu mbe u ma rungule usundze mbongu tsiami o dimani di mbongu, mbana vo nyiu gabuyile mbe nyiu dile mbongu tsiami na bina nake va julu. ²⁸ Kabogu, mu patulianu doli na du veghianu ombu yisatsi ayivu na digumi di doli. ²⁹ Umba owovu na bioni,o buesu u vega puele. Tumba o gane bioni ne abivu nandi byiu mu patulu. ³⁰ Boganu yisatsi ayi gane tsongu otsi pisime dzi dulombili avuba milingui na duweriti du minu. ³¹ Ave mwane mutu o ruyile mu bundumbe buandi na biantse biandi biotsu nandi, kabogu oyié tsane va julu yi tsighe yiandinyi bundumba. ³² Malongu motsu mo gukume va gusu andi na o kakusne mana na ma mosi nane mubungutsi bindombu é kaksni bindombu na mipuse. ³³ O sundze bindombu o mabale mandi na mipuse o maghitu mandi. ³⁴ Kaboghu kaghe o tsingule djioghu abavu o mabale mandi iriè ruganu jenu a du ma vegu miule na tajami, bialilanu julu aji ma tsondzughu mu dziénu vane dibandu di bulongu. ³⁵ Umba nyi ma ghulu ndzale na du ma pèghe a biu ju, nyi mabe na puile na du ma pege a biu-nu, nyi maba muéni na du ma ndile. ³⁶ Nyi mabe peni na du ma nduise, nyi ma bela na du ma mbuge; ngabe o tsungu na du ma ruge ombu wami. ³⁷ kabogu a ba welmina bo ghnagule: fumu temu-yi tu ma ulabile na ndzale na tu-ke uvèghe biu-dju? Vopuile na tu ke uvèghe biu-nu? ³⁸ Na temu yi tu ma ulabile ube muéni na tuke udile? ³⁹ Vo péni na tu-ke uduise? Na temu yi tu ma ulabile ubele vo o tsughu na tu-ke rughe ombu ghaghu? ⁴⁰ Na kaghe o ba ghuagula: ngentsa nyi du tsinguli biotsu abi du ma vaghe mu mwane né umosi u ngebi mu bane ba taji bami, mu menu du ma di vaghile. ⁴¹ Mbana ake tsingule aba mabe o maghetu mandi: ghusuganu va ghusu-ami aba loghu, ⁴² wendanu o ghari mudzi mutubu na mutubu awu ma tsontsughu u diabu na biantse biandi. Umba nyi mabe na ndzale na du sa ma peghe biu dju, ⁴³ ngabe na puile, na du sa ma peghe biu nu. Ngabe muéni na du sa ma ndile, ngabe o tsughu du sa mabe na ndande mumenu. ⁴⁴ Kabughu djiweni bo ghuagule iri: Fumu, temu yi tu ma ulabile ube na ndzale, vo na puila, vo muéni, vo ube péni, vo ubela vo o tsughu mbana tu sa ma u salile? ⁴⁵ Kaboghu o ba ghuagula no ba tsingula iri: ngentse nyi du tsinguli abi du sa ma vaghe mu mwane né u mosi u ghéyi mu menu du ma di vaghe. ⁴⁶ Kaboghu bo tindu mu mukilu u mutubu na mutubu , mbana a ba wélimina o moniu u mutubu na mutubu.