¹ Jésus ama pale o ndagu Nsambi ake yenewè, badukitsi bandi, bama bambene nandi nonu tasise mudiambu duirunguise ndangu Nsambi. ² Tumbe ake bawuagule no tsingule rie: duiluli, tugu tsotsitsine? Dinguetse ni du tsinguli, vago siale vave dimani va julu dimani yiri digo kundubugue. ³ Ave ama bile atsane o julu mukongu olivier, badukitsi, bake rugu ombu gandi o mu suega no mu wuivule rie: tutsinguli témuyi bime biebine buiruyile. ⁴ Bilimbeyi durugulu duagu; na bilimba abiu tajiabise masuku sulu ma bulongu? ⁵ Jésus ama bawuagule rie: kebenanu duke diogu nabatu. Mumba bapuele boruyile mu dine diami; bovose: ni ji Christ, na puele batu botsiémuga. ⁶ Dugulu bovosele muma vite, na tsangu tsi mavite; Duyabe na mbulige mumbari mambu mémane molabene, tumbe tsiri disuku sulu. ⁷ Mba bolongu na bulongu, botogue. Bukaga bumosi. Vobe dungusu, na butambe burégueme. ⁸ Tumbe motsu mane dibandu dimi songu muibure. ⁹ Mba bodu wuakisa muma kuane, nabo duboke. Misiengui miotsu bodu duvine dibandu mu dine diami. ¹⁰ Bapuele bodunde yitu. bokéù funde, nabo vine sene vagari jiobè na jiobè. ¹¹ Puele ba biyitsi bafurulu boreleme, na duntse batu bapuele. ¹² Mumba dibi duignave puele, yirondu ombu bapuele yi déde. ¹³ Tumbe o guwarile muyitu yiandi téna disukusulu o gobulu. ¹⁴ Na yilumbi yéyine yiboti yibu ndumba yusamunu mubu longu buotsu, nane bumbé ji muna longu motsu; mba disukusulu duibe. ¹⁵ La dibandu, ave dulabile tsoruru no vure nane mubiyitsi Daniel ama réndile, vambure ji sieme (yiri oyi rangui ake gulu) ¹⁶ Yiri abobe o Judée barine ô mikongu. ¹⁷ O gube ojilu muanza aya sundugue o gari ndaguandi mube yime obo. ¹⁸ Na ojivu omanugui aya gabuga ombu andi mubo yikutuyindi. ¹⁹ Milogu ombu baguétu abobe na mimi naba bonuisanga mubilubu biebine. ²⁰ Sambilanu mumba urine nénu gukèbe mu temu yotsi vomu yilumbu yi sabbat. ²¹ Mumba magnogni mobe maneni ama ka labana ubandile va dimbu téna mugni nadi go labene kumbu. ²² Pambé bilumbu bié bisamagufusu, vaga mutu mbé o gabile tumbe mu dibandu diba solu, bilumbu biégni buigufi. ²³ Bapuele borugue nabo vose jetu layi vitse yimenu Christ vobavu babiyitsi baguentsa ba Nsambi. ²⁴ vane vane bodusitsa néjiogo aba solu. Va tému jina, pa mutu ogu tsigule yiri Christ vane, duya muvale yitu . ²⁵ Lanu nane divose va tega. ²⁶ Pabédu tsinguli, géguilanu Christ aji mukumu jigumuga. ²⁷ Duya wende vo aji o guari yibuku yindagu yimusuégue duyava yitu. Mumba mwane mutu o gabugue nane dusièmu dukaki, adui palili otandu nami siasi miédimi téno wuisi éputimini. ²⁸ Ava vavu bibindi, ave bagnugue bébégunine. ³⁰ Mba yilimbe yi mwane mutu yulabene, o julu, na bifumbe biotsu bibu tambe, biube mukuligni. Laba mwane mutu urule muma mungui majulu. Nama ngolu maneni, nabundumbe bunéni. ³¹ Ruduifi dimubanda aguneni, otinde bianza biandi, mugukigue bisolu biandi, mukodu tsiotsu tsijine tsipugue, obonguile ô kodu mosi téna kodu mosi. ³² Bonganu yibagunu yimu mumangue. Nabitayi bimognu bipalisi magaji, duijabi yiri tému yigagui jima bambene. ³³ Munongu mosi vodu labile biotsu bine, véngu dujabe yiri durungule duandi duke béli, na ake vamune ndagu. ³⁴ Dinguétse nidu tsinguli klé jine jigo viogue pamambu mémane maka labene. ³⁵ Butamba buvioga, tumbe mbémbuami jubanga mutubu na mutubu. ³⁷ Nane va bilumbu bi Noé, navane durugulu dumwane mutu. ³⁸ Mumba négnidu jikebe batu bama jiangangue nonu, bama wélennangue nowuakise bane bogu babaguétu na babale muma wéla téna Noé ama kate muwa tangue. ³⁹ Basa maba baluse nému dimosi, téna gnudu jima rugue najike bavevuse. Anane durugulu du mwane mutu dubile. ⁴⁰ Anane batu babéji bobe munugui, umosi obongu, gumosi osilu. ⁴¹ Baguétu babeji bobe oyigni gulu, gumosi obongu, gumosi osilu. ⁴² Duyia sutu mumba dugué jiabi yilumbu ayi fumuénu opalile. ⁴³ Tumba jabanu yiri mbé fumu ndagu éjiabi tému aji mudayi ékotili mundagu, nitasi mbé-ago musile ukote. ⁴⁴ Ladibandu mbé bubanga dutsotseme, mumba mwane mutu orugue mutému aji mutu ago-rague-mine. ⁴⁵ Musalitsi-gni avu asungeme, na-avu na diele,fumuandi, gubatu bandi wandi mubavè biguji mutému aji-wuelimine. ⁴⁶ Bundumbe bubi ombu musalitsi ave fumu o gabuyile nomu rasunu éva dioni. ⁴⁷ Dinguétse nidu tsinguli yiri fumu omuvé mufune gu biotsu abivu nandi. ⁴⁸ Tu-payiri aji musatsi ubi, oyiké vaga yiri fumu-muami agolé ruga; ⁴⁹ mba édimbi bantsi bamosi, akéji, na ake be munuitsi malamu, ⁵⁰ fumu orugu yilumbu oyi barangue mise, nane tému aji bague-jibi. ⁵¹ Fumuandi omu sièle na o mu gabusile munongu mosi nane bane abavu na pénde- pialu, agube milingui na- duwériti duminu.