¹ Ave Djésu na badukitsi bandi mamane u vose mambu menyi, ama rambuge o Galilée, ama wende o musiengi Judée o tandu mujambe jourdain. ² Na imombu yi neni yima muduka na ama babelusa vane. ³ Bapharisi bamabambene nandi na bamamumange novose rie: "diwelimine mu migage yiri dibale o busa mugatsi andi mu kadi diambu ?" ⁴ Djesu amawagule no vose rie: dusamarange yiri o mabasunde vane dibandu, amabava dibaale na mughetu? ⁵ na amamue vose rie: mu dionyi dibaale o sila ngujandi na tajiandi, na ofubene na mugatsi andi na djogu babedji bobe yike mutu mosi ?. ⁶ Nane, bago muebe babeji, tumbe yike mutu mosi? Vane vane, abe Nsambi amafubene, vayabe mutu o bakakesene. ⁷ Bamamuwawulerie: mumbari yi Moise amatuveyile musuge usansile mugatsi no muvege mugande ubokile diwele? ⁸ Ama batsingule rie: dibandu ugale u mirime mienu, Moise amaduveyile musuge ubokile diwele na bagatsi benu, tumbe va dibandu disamalebe nane. ⁹ Nyidutsingule rie: uotsu o yibusi mugatsi andi, payiri tsi bumbembu na eweli mugetu susu etubi disonghe ; na dibaale adi weli mugetu agu maboke diwele , etubi bukali. ¹⁰ Badukitsi bamatsingule Djesu rie: pa yiri dioni anane divu ombu dibaale va gusu mugetu, kabogu diga diwelimine uwele. ¹¹ Tumbe Djesu amabawagule rie: tsiri batu botsu borungule usinge diambu die dine, tumbe ike vane djogu bobevegu musuge udisinge. ¹² Mba vadji mivangu mi duburu na djogu abevangulu na batu, na basusu abekevangule dibandu bufumu bu djulu. Uotsu o urungule udile dilongi die didi adidili. ¹³ Mbana baana babangebi bamosi bamamubegulu yiri akebasakige makake no sambile mu djogu, tumba badukitsi bamabanyiangile. ¹⁴ Tumba Djesu amavosa rie: veganu musuga ombu baane ba bangebi duya bagandise uruge o mbu gami.Mumbari bufumu bu djulu buidilunu na djogu abebabagunu nogu. ¹⁵ Mba amabasakiga makake na amarambuge vane. ¹⁶ Vane, dibaale dimaruge ombu Djesu na amamuwivule rie: Fumu, mambu ma boti yi nyiuvaga mudile monyu umutubu? ¹⁷ Djesu amamuwagule rié : dibandu yi wikuivulili yio yiboti ? Umosi buandi avu kabogu, tumbe pa wirondi ukote ô monyu, kelise marume. ¹⁸ Dibaale dieni amamuwivule rie: dirume yi? Djesu amamuwawule rie: uyaboke, uyatube bukali, uyadage, uyavage bumbeji bu nfurulu, ¹⁹ Gobise tadji agu na ngudji agu, na ronde mutu nagu nane ndebeni. ²⁰ Mufudu amavose rie: nyimagobise marume memotsu mane, yimosi yi nyurungule umuevage ? Djesu amavose rie: pa wirondi ube uwelimine, sumbise biotsu bivu nagu, biveyi ombu bidjage na udile busine o djulu. ²¹ Mba tsie ruyi, na nduki. ²² Tumbe vo mufudu amagululu ma Djesu amavose, amenewende na manyionyi, mumbari amabe na busine bu neni. ²³ Djesu amavose na badukitsi bandi rie: "dingetse nyidutsinguli. Uvure ombu yisina mukote o bufumu bu djulu. ²⁴ Nyidutsinguli wandi rie: diga dirange ombu samu ukote (chameau) muviole va digole di tsongi viagunu na yisina mu kote o bufumu bu julu. ²⁵ Vo badukitsi bamagululu nane bamakambulu na bamavose rie: kabogu anyi ogobulu? ²⁶ Jésus amabagengile novose rie: dionyi divure ombu batu, tumbe ombu Nsambi, motsu ma welemine. ²⁷ Pièrre amawagule no vose rie: "labati, djetu tu masile biotsu muguduke, tumba yi tudile?" ²⁸ Djesu amabatsingule rie: dingense nyidutsinguli, djenu abe dumanduke mu duburu du gone, ave mwane mutu o tsanine vo yitsige yiande yi bundumbe, djenu wandi dutsane vo yitsige yi bufumu musosise digumi na bifumbe bi bedji bi Israèl. ²⁹ Mutu uotsu omasile mandagu mandi, baane batadji bandi, bibusi biandi, tadji andi, ngudji andi, baane bandi, vo mbure djurungile ndagu dibandu dina diami, odile kame tsi kumbu na o bialile monyiu mutubu. ³⁰ Tumbe bapuele abavu va gusu na munyi, bosike ô manzime, na bapuele abavu o nzime bobe abatege.