¹ Durumu du djulu dudji nana mutu odjivu na butamba buandi amapala keedi neni mu yèbonga basatsi ba nungi andi miri. ² Lusunu nogu mu funu di yi lumbu, aka ba tinda ô nungi-andi ji miri. ³ Ama pale oyari yimaweru ma riéru no labe bamosi bamabe batsane va mbure baghevayi isalu. ⁴ Ama vose riè : " djénuwandi wendanu o nungi, biotsu abi boti nyu du vega." Kabogu bama wende ogu sale. ⁵ Ama mué pale o yari yi mawuèru ma siamunu no yari yi mawuéru yifu. bake vaganga mosi. ⁶ Ama mué pale o yari yidumi na diwèru dimosi no rasunu ba mosi, ake batsingule : " yidumaviosile musu wodju duwésali" ? ⁷ Bake muwagule : " mba vage mutu atsi tubonge mu salu." Ake bawagule : "tsi wandi wendanu o nungi." ⁸ Va tsisiga, awa dile nungi ake tsingule o mu kélitsiandi mbongu, nengile basatsi ba veyi fute tsiogu, mu situ kuange na u teghe. ⁹ Ave basatsi abama bongu mu bisalu va digumi na diwéru dimosi bamarule, mwane mwane ama dile disu di mosi. ¹⁰ Ave basatsi ba tègha bama rule bake tase yiri tatudile puèle, tumbe bake dile mwane mwane disudi mosi. ¹¹ Bano mane udile fute oghu bake kine ombu fumu nungi. ¹² Bama vose, basatsi ébane bosite batsisale bu diwéru di mosi, tumbe utsi tu vega fute mosi, djétu a tu tsi tsoghe kédi kédi o tsi niangu. ¹³ Tumbe a wa dila nungi ama wagule u mosi va gari oghu, mbatsi, nga duvaghe diambu dibi. Du sa mavangene nami mu disu di mosi ? ¹⁴ Bonganu biénu mba wendanganu; diwèlimine mu menu mu veghe aghu nsisite ubonghe futulu mosi nane djénu. ¹⁵ Diga di wèlimine mu vaga adinirondi na ma boti mami ? Vo disu diènu dibiva mumbe menu nivu muboti ? ¹⁶ kaboghu aghu musitu obe aguteghe na aguteghe oba aghu musitu. ¹⁷ Nana djésu ama matile o Jérusalem; ake bonge digumi ma badukitsi babédji nandi. Ave ba mène wendilanghe ake vose rie: ¹⁸ "Labanu, o Jérusalem tuimati, mba mwane mutu o wakusu ombu bivunde bi bavayitsi bapagu na basonitsi . ¹⁹ bo mu vega mbèle dufu na bo mu wakise ombu bapai bake mu lentse, umudimbe no mugomine. tumbe yilumbu a yi muriéru, o rembuge. ²⁰ Mba ngudji bane ba Zébédée a maruge ombu Djésu na banabandi; ake kutume va ghusu Djésu na ake mutsune yime. ²¹ Djésu ake mukalile, " yi wi rondi ?" ake muwagule, " va yiri bane bami babédji babi batsane gune o ma bale magu umosi o ma gétu magu o bufumu buagu. ²² Tumbe Djésu ake waguli rie: "uwé djabi adi ndé wi tsuni. durungule gunu dimoyi a di ménu nyunu?" bake mu waguguli, "tu rungule." ake ba walili rie: "né vana dunu. ²³ Tumbe mu nsane o ma bale mami na o maghetu mami tsi ménu véyi, tumbe dinsonsugu ombu djo gu abo tate a mangunsile." ²⁴ Avu digumi di badukitsi bama digululu, bama nyoyile bane ba tadji babédji. ²⁵ Tumbe Djésu ake ba nengile ombu wandi no vose rie: "dui djabi yiri yi vunde yi bapayi é ba diamisi, batu bogu badigobe béba rumitsi. ²⁶ Tumbe diyabe nana va gariénu awè rondi ube ivunde va gariénu a bi musatsiénu; ²⁷ mba wotsu irondi ube mutu tèghe va gariénu o be musalitsiénu; ²⁸ anana mwane mutu asa maruge bake musalili, tumbe mu salili, no vega mo nyuandi nana pagu ombu botsu. ²⁹ Ave bama palili o Jéricho, yinombu yinéni yi mamu duke. ano labe bidungi bibédji bamabe ba tsane va mugule mumbambe; bano gulu yiri Djésu u vioge évioyi ba ma retse!ème no vose rie: ³⁰ "Fumu mwane David tula ngèbe." ³¹ Tumbe yinombu yima mu siembanghe, nobe batsingule volanu. Tumbe, bama muégamu odjulu :" Fumu, mwane David, tula ngèbe. ³² Va djulu vana Djésu ano sikeme, ake ba nengile no ba wivule : " yi dui rondi nga du vayile ?" ³³ Bake munsinguli riè : "Fumu, misu métu ma dibuyi" ³⁴ Djésu, ama base na yi ngèbe, ake bembe misu mogu. vana-vana, bake mué labe no muduke.