¹ Bilumbu bisiamunu bi no vioghe, Djésu ama bongha Pièrre, Jacques, na Jean mwana nguandi, amababeghe va mughula o julu mukongu . ² Ama sundila uka lugha va gusu ogu; yinsi yiandi yi makademe nane niangu, na biduaru biandu bimalulanghe nane yidjalale. ³ Lanu, Moise na Elie bama labana, novose nandi. ⁴ Pièrre ano balaba, ama vose na Djésu rie:" Fumu, dibuedji pa tu banu vave. Pa utsi disinghe, menu niu relighe vave mirorombi miriéru, umosi a wuagu gune u Moise gususu gu Elie." ^{8 5} Ave ama vosilanghe, dimungi adimakademanghe dimabagumbe, na diufi dimaruyli odimungi, no vose rié:" Lanu mwane, ami udurondu mu djandi nyima sunsa nsangu ami. Mugululu anu." ⁶ Ava badukitsi bama gululu nane, bamagudeme binsi va butamba mbana bama basa na gome djineni. ⁷ Mbana Djésu amarugha, ama babemba no vosa rie:" relamanu, duyalabe gome. v8 Va djulu vane bama gengila o djulu tumba basamalabe mutu ike Djésu." ⁹ Ava bama vindeminanghe mukongu, Djésu ama bagandisa rié: "du yabila tsingule yiriariamu yiéni ombu mutu tena mwana mutu orambuyile odufu. ¹⁰ Badukitsi bandi bamamuwivule rie,"dibandu yi basonitsi bevosili yiri divu diwelimine yiri Elie olérele gurughe? ^{13 11} Djésu ama bawagula rie:" dingensa Nsambi ama vangene utinde Elie ukunsa durugu du Yibiatsu. ¹² Tumba ni dutsinguli:" Elie amarughe kala, na basama mudjaba; ne nana, bama mukuane nane bama rondile . Munongu mosi Mwane mutu otsoghe va makake moghu." v13 Kabogu badukitsi bama gulu yiri ama bavosile mu Jean mubatisitsi. ¹⁴ Ava ba dukitsi ba rieru bama gabuyile ombu ba mbatsi no mugungi agumbe ugukeme, dibale dimosi dimarughe ombu Djésu, no kuteme va gusuandi, ¹⁵ no vose:" Fumu; laba yingebe ombu mwane ami na mubelusi mumbari ebeli disière na etsoyi puele; dibandu buali bueni, ebéruyi o muji na eputimi mu mambe. ¹⁶ Nsi mubeghe ombu badukitsi bagu, tumba bagha rungule umubelusa." ¹⁷ Djésu ama ba wagule rie: " kule djivu na mumbini na pende, tena temu yi nuiduwarile? mumbéyilianu gunu." ¹⁸ Djésu ama niangile yinyunyi ibive a yi pale mu mwane dibale, na djandi a mabélughe mune diweru dieni. ¹⁹ Va julu vana badukitsi bama bambane na Djésu no mutsingule rie:" Dibandu yi tugharungullile u yi siatse? ²⁰ Djésu amaba wagula rie:" mu mbari dughe vayli, yitu yi puela mu mangolu ma Nsambi. Ni dutsinguli ngense, paduba na yitu yigeyi nana mulunde mutarde, durungula utsingule mukongu egugu, rambughe vave nowè vana, na mukongu ududédile. ²¹ Vagha yime ayiuduviogulile." ^{23 22} Temu adji badukitsi bama gukimina o musiengi u Galilée, Djésu ama tsingula badukitsi bandi:" mwana mutu o wakusu va makake ma batu; v23 Mbana bo muboka , yilumbu ayi murieru o rambughe o dufu." Ava badukitsi bama digululu, bamabase na manionyi. ²⁴ Banotola o Capernaüm, babala a bama yena bolanghe mbongu tsi ndagu nsambi bamarughe ombu Pierre mu mutsingule rie: " Fumu enu aghe futi mbongu atsi vondu?" ²⁵ Ama wagule, nine etsi futi." Ava Pierre ama kotile o ndagu Djésu, nè ake vose Djésu ama rele u vosa nandi rie :ombu ndeju Simon, bakaga ba butamba, banyi beba futili mbongu bane bogu vo benyi? ²⁶ Pierre ama waka rié: benyi." Djésu ama mu tsingula rie," kabogu bane bavèngutsu. ²⁷ Tumba mubuse unyioyise babolitsi ba mbongu, wènde ô mubu, putighe dilobe diagu na dute niame adjiteghe adjiurughe, ave udibulile munuandi, ulabe dubongu. Dubongi na duveyi ombu babolitsi ba mbongu mu dikabu diagu na diami.