¹ Bafarisi na ba sadducéens bama rughe mu yi mu manghe, no mu wivule tulasi yi limbe a yi ruli o djulu. ² Tumbe ama bawagule riè : "ave tsisighe dji ruli; duivosi vobe temu dji boti mu mbari djulu dji benghe." ³ Va kedi dui vosi riè, "na muni voba munghudi mu mbari djulu dji benghe na dji dumbiri." dui djabi ukelule yidme yi djulu, na dughe djabi ukelule bilimbe bi temu. ⁴ Dukule du bukagni na bumbembu duirombi yi limbe tumbe vagha go yilimbe, vengu a yi Jonas." na Djésu ama basile no wende. ⁵ Badukitsi bama wende o disimu dine na bama libene ubonghe mapa. ⁶ Djésu ama batsingule rie : "kebenanu mu funusulu du bafarisi naba sadducéens." ⁷ Badukitsi bama ngunguerene va gari o ghu no vose riè : "mba tughabe mapa." ⁸ Djésu ano didjabe ake vose riè : "batu bavu na yitu yi gheyi, dibandu yi duingungerini va gariénu no vose rie: mu mba tu ga bonghe mapa ? ⁹ Guge tasi vo duge rangimini mape ma ranu mu tosini yi ranu tsi batu, na ponzi kuè du ma bole ? ¹⁰ Vo yi sembuali yi mape a mu tosini djine tsi batu, na ponzi kuè du ma bole ? ¹¹ Tsiè dugelulu yiri tsi mu mape ni du vosile? Tumbe kebenanu mu dufunusu du bafarisi na ba sadducéens. ¹² Avane ba ma gulu ama mavose, tsi mu mape tumbe mu ndonzulu bafarisi na ba sadducéens. ¹³ Ave Djésu a ma ruyile mu musiéngi Césarée o dimbu di Philipp, a ma wivule ba dukitsi bandi rie tsié be vosili mu mwane mutu ? ¹⁴ Bama mawagule riè : "bana be vose riè : Jean mubatisitsi, ba mosi Elie, basusu Jérémie, u mubiyitsi umosi." ¹⁵ Jandi ama ba wagule : Tumbe djenu tsiè duivosili mu mènu ? ¹⁶ Simon Pièrre ama mukalile : "ndè la Christ mwane Nsambi mognu. ¹⁷ Djésu ama kale no mu vosile : "miule ombu gagu Simon mwane Jonas, mu mba tsi musogni na malungu ba tsi gu lase dioni, tumbe tadji ami adji vu o djulu." ¹⁸ Nyi muè gu tsingule udji dimani, va julu dimani diéni nyu runghe dibundu diami, ma ngolu ma bulungi bu mudji ma go rungule umuviolili. ¹⁹ Nyu gu vege ba sabi ba bundumbe bu djulu. Motsu ame gu tunge mu butambe buè bubu mo tungu o djulu, na motsu ama gu gnangule mu butamba mo gnangule o djulu. ²⁰ Mba Djésu ama gandise badukitsi bandi mu vose na mutu yiri djandi la Christ. ²¹ Va tmuéni, Djésu ama bande utsingule badukitsi bandi yi o wende o Jérusalem, o tsogusu puèle, na dikake dibivunde,na bivunde bi bavaghulitsi ba pagu na ba sonitsi, o boku na o rambughe mu yilumbu yi mu rièru. ²² Avana Pièrre ama mu bege va mugule na ama mubongulili riè : "diya guruyile ne pésu. ²³ Tumbe Djésu ama gelughe no vose na Pièrre : "kakene nami, muvinitsi !" Nde gudji dimani di mabaku mu menu, mu mba gu ge gnongui mambu ma Nsambi, tumbe mambu ma batu. ²⁴ Mba Djésu ama vose ombu badukitsi bandi riè : "Pa mutu érondi unduke ake libene, ananguli kurusu andi no nduke. ²⁵ Mu mba wotsu o yirondi ugobulu mognu andi o gu tsiémuse, na wotsu o gu tsiémuse mognu andi dibandu menu o gu dile. ²⁶ Ka kigni yi djiube ombu mutu odile bulongu no tsiémuse mognu andi ? Yi mutu o runguse uvege mu sopene na mognu andi.? ²⁷ Mba mwane mutu o ruge mu bu ndumbe bu taji andi na bianza biandi. Na o fute kalemutu mu bisalu biandi. ²⁸ Ni du tsinguli ngense, va dji bamosi va gariénu, bagodjabe dufu, pa bakalabe mwane mutu uruge mu bundumbe buandi.