¹ Na dikabu di Bafarisi na basonitsi bàmarunge ombu o Jérusaleme. ² Bamavosa : "mumbariyi badukitsi baghu bélévulili mughaghe ubagulu? Baghésusi makake moghu ne bakedji." ³ Djésu amabawawule na àmabatsingule: "ka djénu, mumbayi dwilévulilié dirume di Nsambi mu ugobishe mughaghe ubagulu benu? ⁴ Nsambi àmavèghe marume mémame ma bédji: ghobise tadjiaghu na gudjiaghu na wotsu o ulonghe tadjiandi vo ngudjiandi nguènse o suèkughu. ⁵ Tumba djénu dwitsingula batu: "mutu ànemusughe utsingule tadjiandi vo ngud,jiandi, duamusu adu mbenyu veghe nyidu vangane na Nsambi. ⁶ Tadwi salisi nane, dwitasi yiri dughorungule uveghe yime ombu biburu biénu. Kaboghu, dwilénsi dirume di Nsambi mughobise amebaghulu bénu bamadulonse. ⁷ Dwi kélase nane batu bàboti! Esaï àmavose ngènse mumatase maNsambi mudiabu baghulu bénu . ⁸ Batu bébabe bévosi ndéri bénkobisi. ⁹ Mu muénsili béndémbyili mumbari bélonsi matàse mabatu na béfuri ulonse àmenimarume. ¹⁰ Àmanéngile yinombu ombu ghandi na àmayitsingule: "ghuluanu adi ngadutsingule na tsiyisanu. ¹¹ Àbikoti oghari munu mutu bighémubivisi. Tumbe mbémbu djotsu adjipali omunuandi adjimubivisi." ¹² Na badukitsi bamarùghe na bàmatsingulé Djésu, widjabi yiri bafarisi batsinyoghe vobatsi ghululu ame utsivose? ¹³ Djésu àmababukile nongu édjidji: tate ami òjulu òkakane na botsu abélonsi mambu àmavu konde nyonde na malongimandi tìndi nane muvaritsi érubulili yivaru yiotsu ayi asamavare. ¹⁴ Duya ghùlulungu ba farisi. Baghéguamusi batu ugulu maruma ma Nsambi; badji bidùnge bibéyi bidunge. Ta yidunge ébéyi yidunge nandi, bobondughe djobotsu babédji o ghari yidune." ¹⁵ Pière àmawivule Djésu, "tuvéyi divindughulu dinongu édjine. ¹⁶ Djésu àmawaghule, djénu wandi dughégulu? ¹⁷ Dughélabi yiri biotsu abivioli omunu bivioyi o ghari yifundu na àbisiali bipali otsomu? Tsiri abi mutu édji bimubivisi. ¹⁸ Mumbari oghari murime matase mabive meruyili. ¹⁹ Uboke, bukali, buvuyise, udaghe, bumbédji bu mfurulu, na bisiéngu. ²⁰ Àmane amébivisi mutu. Tumbe udji nési ususe makake aghébivisi mutu. ²¹ Mba Djésu àmawende omusiéngi Tyr na Sidon. ²² Na mughétu uCanaan umatsanange omusiéngi éni umarughe ombu Djésu. Àmaghamughe no vose: ²³ nkulu nguèbe fumu, mwane David. Mwanami umughetu ékambusu na yiniuni yi bive. ²⁴ Djésu àmawaghule, "nìmatindu yike mu bindombu abitsiemughe bi ndaghu Israèl, mumbari bighé djabi nane buikotile o julu. ²⁵ Tumba àmarughe na àmakuteme va ghusu andi, Na àmavose: "Fumu nkamusi." ²⁶ Àmawaghule no vase, ": dighadiboti ombu mutu ubonge dip e di bàne no divèghe bàne babamondi. ²⁷ Àmavosa, "yiine Fumu, tumba nébane babamondi bédji bikukùku abibinduyi va tavule tsibafumu boghu." ²⁸ Djésu àmamuwaghule, "mughétu, yitu yiaghu yi néni. Dioni divaghu nana wirondili. ²⁹ Djésu àmarambughe mburéni na àmawende o yiari yimubu Galile, na àmamate mukongu na àmatsane ghune. ³⁰ Yinombu yinéni yima rughe ombughandi, na, bitsondu, bidunge, mababe, na bimbolutu na puèle bibedu bimosi. Bama bisunsanga va ghusu Djésu yiri obabéluse. ³¹ Àvane, yinombu yimalabe mababe uvose, bimbolutu ubélughe, bitsondu urèleme, na bidunge ulaba, bàmayitse Nyambi Israèle. ³² Djésu àmanéngile badukitsi bandi na àmabatsingula: "nine yingèbe ombu batu bébabe, mumbari bakivu nami vave na baghane yime yiudj. Nguérondi ubaghabuse na nsale. Bakéghambu na mangolu mu nsile." ³³ Badukitsi bamamuwagule, "uke tudilile màpe mapuèle vaghari mbure adjidjivu yighangi dji yigangui mu lisile yinombu ayiyi?" ³⁴ Djésu àmabawivule, "mape kwéni mavu nenu? Bàmawaghule, "yisambuali, na muapésu nyame tsighéyi" ³⁵ Na Djésu àmarume mughungi utsane. ³⁶ Àmabonge isambuali yiéni yimape na ba nyame. Ano ghabusile diboti, àmatabule dipe na àmavèghe badukitsi bibuku. Na badukitsi bamaghabile mughungi. ³⁷ Mumbari Djésu àma funise mape mu yimaghe, botsu bamadji na bamaghukuru. Bamabole bibuku abimasiale na bimabase isambuali yiponsi. ³⁸ Tosini djine tsibabale bamadji, ughambu utale baghétu na bàne. ³⁹ Mbanane Djésu àmaghabuse yinombu na àmanangame mu buatu no wènde o musiéngi umagadan.