¹ Mune témuéni, kaga Hérode a no ghulu bilumbi mù Jésus na mu bimaghe a bi jandi a ma dughusungu. ² Ake tsingule basalitsi bandi rie:" dibala dié didi tangudjii Jean mubatisitsi; amarambugha va gari a bafu. la dibandu abile na mangolu mu dughusu bimagha. ³ La ndunghe adji marombise Hérode utase nane: Hérode a ma wèle Hérodias mugatsi mwane nguandi Philippe ave djabéni Philippe mbe aki mognu. ⁴ Kaboghu, Jean ake mutsingule riè:" dio utsi vaghe didji condenionde na mugage u Nsambi !" mu rondise Hérodias, Hérode ama ruma bagore bandi mu yié ghanghe Jean. Baka mu tunghe no mu sutse ô tsugu. ⁵ Hérode ama ronde umuboka, tumba ama dumanga aduivosu na mugungi; mbari mugungi umalabanghe Jean nane mubiyitsi a wivosi mu dikabu di Nsambi. ⁶ Ilumba yi mosi yi mumengu duburu du Hérode , mwane mughetu u Hérodias ama yinange va gari jiogu abama nengulu mu mumengu éni mbana dimarondise Hérode. ⁷ Kabogu, amavangene pangini mu muvegha biotsu abi omuvonde. ^{9 8} Mbane mwane Hérodias ama wende va mughule ngudjiandi no mu wivule ayi ovonde. Ngu djiande amamurume wivule muru u Jean mubatisitsi. Ano gulu dilongui di ngudji, ama vose," mbéyili vave mu yilaku muru Jean mubatisitsi." v9 Kaga ama Kambulu mu ponduluandi,tumbe mu diambu di pangini adji mavagu ma misu mabatu, amarume yiri dioni duidugusu. ¹⁰ Ama tinde batu muru Jean o tsugu. ¹¹ Vane vana, muru Jean umabégu mu yi laku u ku vegu ombu mwane mughetu-éni. mbana ama u vèghe ngudji andi. ¹² Va djulu vane , ba dukitsi ba Jean bama rughe , bama bonghe dunyuru, na bama dutsighe. Va djulu vane baditsingule Djésu. ¹³ Yi ka Djésu é gulu dioni, ama venghema mu buatu o yari mubu Galilée. Batu na bé digulu, bama sile misiéngui miogu no mu duke mutsi mu mugule u mubu. ¹⁴ Ava Djésu amarule mu disimu di mubu oyiari yogu, amalabe mugungi uneni. Amagangu na ingebe yiogu mbana amabéluse bibédu abimabe va gariogu. ¹⁵ Ave tsisighe, badukitsi bama mu tsingula riè:" mbure edjidji dji gayime na diwéru dike vale. Gabuse mukute bakène wenda mu mimbu mu yiri boyésumbe bigudji. ¹⁶ Tumba, Jésus amabatsingule rie," baghane nsale guwè yiarisusu muyérombe bigudji bavéyianu djenu béni yime yuidji. ¹⁷ Badukitsi bama mu tsingule rie:" tumbe djetu vave tune bu mape ma ranu na nyiame béji a tsi lambu. ¹⁸ Djésu ame vosa rie bi mbeyilianu." ¹⁹ Kabogu Djésu amarume mugungi mu tsane vabisinghe. A mabonghe mape meni maranu na niame bedji na amatsune ô djulu, amavè muile no bukule dipe, na amaveghe badukitsi mu ghabile mugungi. ²⁰ Botsu bamadji na ba magukuru. Mbana bamene bégha bibuku bi mape amamasialulu, digumi na ponsi béji. ²¹ Aba madji ba ma tolise tosinyi yiranu tsi batu ugambu utale baghetu na bane. ²² Vane vane, ama nangighe badukitsi bandi mu buatu bake wende o disumu dimosi djabeni a ma siale mugabuse mugungi mu mandagu mogu. ²³ Ano mane ugabusa mugungi, ama mate pinse o mukongu mu yie sambile. Wisi u no wènde, amaba pinse va mbureni. ²⁴ Tumba, buatu bu badukitsi bandi mbe buke va gari mubu, basamamuerungule ubudughe mu mbari mibidji mi miyidemanghe na mupunghe umabakambise. ²⁵ Mbana, Djésu amasundughe ô mukongu no wende o yari yi mubu. Va mavuvungui ma wuisi ave kedi awèndanghe va djulu mambe sungingi o yari buatu. ²⁶ Ave badukitsi bama mulabila é wèndi va julu mambe, bamatasa yiri ditengu, bama ghangu na yomumu na bamagamughe. ²⁷ Sundile Djésu ama batsingule rie:" banu du ware, awu menu. Duyabe na ghome. ²⁸ Pièrre amamutsingule rie:" Fumu pa yiri ndeju nsingisi urug ombu ghawu va djulu mambe." ²⁹ Djésu ama muwake rie:" rughe". Va djulu vane,Pièrre ama pale mu buatu na ama wende va djulu mambe o yiari yi Djésu. ³⁰ Tumba Pièrre ano sutsa ditase mu mupunghe, ama gangu na ghome, na ama bande udiame, na amagamunghe na mangolu no vose rie," Fumu, kobuli." ³¹ Sundile Djésu ama sambe dikake diandi na amagaghe Pierre no mutsingule rie: "Mutu guvu na yitu yigheyi dibandi yi utsitumunine paghe yiri nuigusile udiame?" ³² Kabogu ave Djésu na Pierre ba nagmine mu buatu, mupunga umasikeme. ³³ Badukitsi bama kuteme va ghusu Djésu no vose rie," ngetse nde udji tindi Nsambi!" ³⁴ Banosabughe mubu bama tole o musiengui u Génésareth. ³⁵ Batu ba musiengi eni bama djabe Djésu mbana bama tinde bilumbi o musiengi aguvu mu mughule, na bamamubéyile bibédu biotsu. ³⁶ Bibedu bimamulende yiri ake basingise ubembe difubu di yiduaru yiandi, na botsu a bamadibembanghe bamabélughe.