1 Mu yilumbu yieni, Djesu amarambuge ô ndagu adji amalontsilange na amatsane va disimu di mubu u Galilée. 2 Yinombu yineni yimamutsienge. Amanangeme mu buatu na amatsane. Yinombu yiotsu yimaba va disimu mu mugulu. 6 3 Mbana Djesu amabatsingula puele mambu mu banongu. 4 Amavosa na yinombu mu rie: "Mukukitsi tsangu amapale mu kuka tsangu, ava amakukilanga, tsangu dji mabonduga mu mugulu nsila, batsoli bamaruga na bamajidoda. 5 Tsangu adjina djimabonduga va ilala yimamani va sa maba butamba bu puela. djimabende bisuasu, mumbari butamba busamaba bunyega. Tumba ave nyangu djimabalila, bivaru bima nengane mumbari bisamaba na ngantsi. 7 djisusu tsi mabonduga va gari matsiendi. Matsiendi mama nega na mama djitutse. 8 Tsangu mosi djima bonduga va butamba buboti no bura milunda, misusu kama, mimosi magumi masiamunu, amina magumi marieru. 9 Uotsu odjivu na matudji agulu. 10 Badukitsi bamaruga ombu Djesu no muwivula riè: dibandu yi guivosili na yinombu mu banongu? 11 Djesu amabawagule no vose riè: dJenu dumavegu yiesa yudjaba bimaghe bibufumu bu djulu, tsiri djogu. 12 Mumbari ô djivu na yima bomubuesa yiri akaba mu dufumusu, tumba ô gana yima ô patulu nè ayivu nandi. 13 La dibandu nyi bavosili mu banongu mumbari béghengili tumba baghélabi, na bégulu tumba baghétsiyisi diambu. 14 Mu djogu mbigulu Esaie djimadugusu : dugulu na matuji menu, dughéngila na misu menu tumbe dugolaba. 15 Kabogu mu djogu, mbigulu Esaie djima dugusu adji vosi riè: duigulu tumba dughé tsiyisi diambu; dui ghengili tumba dughélabi yisalu. Mumbari murima mu kuta égugu wisane monyiu, na matuji mogu madibe mu ugulu. Babila nane mumbari baghérondi udunda uvaghe masumu yiri baketase uba na nsale ami mugobulu. 16 Miula mu misu menu mumbari melabi na matuji menu mumbari megulu. 17 Dingensa nyidutsinguli riè: babiyitsi bapuela na puele batu basungeme bamaronde ulaba mambu memame and djenu duilabi tumba basama malabe, na bamaronde ugulu ame duigulu, tumbe basama magulu. 18 Kabogu guluanu divindugulu dinongu mukukitsi tsangu. 19 Pa mutu égulu mbembu bufumu bu djulu na aghé djitsiyisi, vana, diabu éruyi mudage tsangu adjima kuku mu murima andi. Yibagunu yi tsangu adji mabonduga mu mugula ntsila. 20 Tsangu adji mabonduga va yilala yimamani, djiandi ô yigulu mbembu Nsambi na edjidili mbangu mbangu na ntsangu dji neni, . 21 tumba aghana ngantsi mu uwarila itsingu yineni. Ava magughe meruyili na dikuana di bulongu, vana vana éberuyi. 22 Adji mabonduga ô gari matsiendi, djiogu abé rombi uba bisina na bétasi yike mbongu. Fute ogu, belibini mambu maNsambi na baghévayi adi Nsambi érondi buendiri bovaga. Baji nana butamba bubasa matsiendi. 23 Tsangu adji mabonduga va butamba buboti; djiogu abégulu mambu maNsambi na béma tsiyisi, djogu ngentsa abéburi milunda na bénikelisi . 24 Djesu amamue badukila nongu mosi no vosa riè: bufumu bu julu bubagunu na mutu ô amakuka tsangu a jiboti mu nungiandi. 25 Ava batu bamabila bilu, muvinitsi andi amarughe no kuka milunda amibiva va gari putu, no yienewende. 26 Ava tsangu djima bendile no bura, vana vana bilonghe wandi bimabende. 27 Musalitsi fumu nungi amarug na amavose riè: fumu usamakuke tsangu adji boti mu nungi agu? Tumbe bilonghe agu biruyisini? 28 Na amabatsingula riè: yisalu yi muvinitsi. na basalitsi bamamuwake riè, wirondi yiri tuyiébirubule ? 29 Fumu amawagule riè: nesi mumbari putu tsi kerubuga ava dubirubulile. 30 Silanu bineyi va mosi tena temu ulunde. Mu tému eni, nyiuvose na balunditsi rie : teteghe rambusanu bilonghe, bitungianu na bigukiyianu mu binientse, mbanana gukiganu putu ô yisuegulu. 31 Mbana Djesu amababukile nongu mosi : bufumu bu djulu bu bagunu na mulunde moutarde agu mutu amabonga novara mu nungi andi. 32 Mulunde eni agu viogulila ugeyi vagari milunda miotsu. Tumba ava wineyili, wikaluyi muiri agu viogulile miri miotsu mu nungi mbana batsoli beyirunge muve mogu mu matayi mandi. 33 Djesu amamue babukile nongu mosi no vosa riè: bufumu bu djulu bwibagunu na dufunusu adu mughetu ébongi no sobane na turu yirieru tsi bifufu ayinengulu (farine) mu funise dituke (pâte). 34 Djesu amalontsanga yinombu na amabatsingulanga mambu motsu mu banongu. Asamabatsingula diambu pa tsi banongu. 5 Motsu mane mutsiyisa amamavosu na babyitsi riè: nyiuvosanga mu banongu, nyiutsingulanga mu banongu mambu ama maba masuema ubanda disundulu dibulongu. 36 Djesu anogabusa yinombu, amakota ô gari ndagu, kabogu badukitsi bama bambana nandi no mutsune riè: "tuvindiyili nongu bilonge abimabende o gari nungi". 37 Amaguagula riè: "ô makuke tsangu adji boti diwendili rie, menu, mwana mutu. . 38 Nungi yibagunu yibulongu buebubu. Tsangu adji boti, batu abesingi durumu du Nsambi, baana ba bufumu. yilonge, djiogu abobévayi ama diabu ébarumi. . 39 Muvinitsi agumavare bilonge, diabu. ,Tému adji balunditsi belundili, disukesulu dibulongu. Balunditsi, diwendili rie biantse. 40 Kabogu nana bilonge bimawuguwulu no nientsu ô mudji, diuba munongu mosi va masukusulu ma bulongu. 41 Mwana mutu ôtinda biantsa biandi, na borubula mu bufumu buandi yima yiotsu yidisumu na botsu abobévayi mabi, 42 na bobabuaga ô bulungi bumudji ; avana voba yika kondu na duweriti. 43 Mbana abasungeme bokademanga nane nyiangu mu bufumu bu Tata ogu. Odjivu na matuji agulu. 44 Bufumu bu djulu buimuébagunu na busina abu suegu ô gari nungi, mutu amabubagule na amabusuega. Anobase na tsangu, amasumbisa biotsu abimaba nandi; na amasumba nungi eni. 45 Bufumu bu djulu bu muébubagunu na musumbisitsi agu wiyenerombe misange miboti. 46 Ava amadilila musanga umosi udufunu du neni, amasumbise biotsu abimaba nandi na ama usumba. 47 Bufumu bu djulu bagunu na mbusa adji bebuayi mu mubu djiboli minongu miotsu mi ba nyama, atsi gobe na tsio tsiga tsigobe. Pa mbusa djimabasa, bavubitsi bédji duti ô disimu. Béboli nyama a tsi boti mu mapontsi tumba atsi biva tsyike buagu. 49 Diuba munongu mosi va masukesulu ma bulongu. Biantsa biuruga ava Nsambi ô sosisila batu mu kakasane aba boti na babiva. 50 Biubabuaga ô bulungi bu mudji. Aguna uba yike kondu, maguga na dugueriti du minu. 51 Djenu dutsigulu mambu meni motsu mana? Badukitsi bama muwagule rie: yine tutsigulu. 52 Mbanana Djesu amabatsingula riè: "kabogu mosonitsi guotsu umigaga agukuvu mudukitsi ubufumu bu djulu ébagunu na mutu odila ndagu, agu wipalisi bima abigulu na abigona mu isuegulu yandi. 53 Ava Djesu amamanina uvosa mambu motsu mana , amabonga badukitsi bandi na ama rambuga mbure éni. 54 Anowenda ô Nazareth, Djesu amalontsanga o ndagu yibengunu. Abama mugululungu bamakambulu no vosa riè ; 55 Agugu adji mutu nana djetu. Aguni diele diandi diruyisini na tsieni érungulili uvaga munongu bimaghe bie bine? DJiandi mwana Joseph, mupakitsi ; Marie ngudji andi, Jacques, Joseph, Simon, bane bangudji bandi. 56 Bibusi biandi bitsani mu divule dietu. 57 Batu abamaba vana bama busa usinge Djesu yiri djiandi la Christ. Kabogu, Djesu amabatsingula riè: mubuyitsi agheyitsu mu bulongu buandi na mu ndagu andi. 58 Asamavaga bimaga bipuela va mbureni dibandu bumbinyi buogu.