¹ Mu yilumbu yisabbat , Djesu amavioga o gari nungi putu.Badukitsi bandi bano gangu na ntsala, bamadokula putu nodji milunda. ² Tumbe ave bapharisien bamalabila nana, bamavose na Djesu rie : '' Gengilati, nana badukitsi bagu bamavagila ama mugaghe etu ageve musuga yiri tuke vaga ilumbu yisabbat''. ³ Tumbe Djesu amabawaka rie : '' Djenu duskarangage amo David na batu bandi bamavaga avo bamagangulu na ntsale ? ⁴ Nana bamakotila o ndagu Nzambi no udji dipa dipagu ; adi asamaba na musuga udji djandi na batu abe bamaba nandi. Va gusu Nzambi dioni disa maba diambu dibive. ⁵ Tangudji gwuandi, dumaranga adi Moise amasona, vo avosila rie : '' Ilumbu yisabbat, mipelu amisali besumuni ilumbu yisabbat na bagebi na mbela''. Tumbe, nyidutsinguli didi rie, menu o nyimaru ombu ghenu nyiviogulila ndagu yibengunu . ⁶ Kabogu, adi nyidulontsi diviogulila mu djenu viagunu adi bagulu benu bama dutsingula mu diambu di yilumbu yisabbat. ⁷ Mbe duirangimini mame mana maNzambi mubisonu : ''nyina tsala usalila batu botsu mu durondu tsiri muvèga bapagu buandi. Mbe yiri dutsi tsigisa divindugulu va mbe duga fundisa badukitsi bami djogu bagavaga diambu adibive. ⁸ Menu nyidji mwane mutu na nyina durumu du utsingula batu adi bovaga mu yilumbu yisabbat. ⁹ Djesu amabasila na amakota o ndagu ogu ibengunu. Na vana, amalaba mutu umaba na dikaka di gurne. ¹⁰ Bapharisien bamaronda ubuela utsunda mu diambu dyilumbu yisabbat.Umosi va gari ogu amaviuvula Djesu rie : '' Nzambi etuvegi musugha ubelusa mutu yilumbu yisabbat ? Bamatasa rie Djesu ovaga disumu mumba bakemufuengilila diambu. ¹¹ Djesu amabawake rie : '' Tasa tianu, mutu umosi va gari enu ana yindombu yimosi. Yioni, yimabonduga o gari dubile yilumbu yisabbat, duyisila guna? ¹² Nge tasi! Duyipalisa na masuasu na dulaba yiri diambu diboti. Nina, mutu monyiu aviogulila indombu budumba.Kabogu, diwelimina mubelusa yibedu yilumbu yisabbat. ¹³ Jesus amavosa na mutu eni rie : " Simbula dikaka" Amadisimbula, na dioni dimabeluga no utsontsema nana dina. ¹⁴ Kabogu, bapharisien banopala o ndagu yibengunu bakenewenda. Bamamukotila fundu na bamagukema va mosi mu usitiga nana mbe bomubokila. ¹⁵ Djesu amadjaba yiri bapharisien berondi umuboka. Amabonga badukitsi bandi na bamagusuga va mbure enyi. ¹⁶ Yinombu ineni yibatu na bibedu bamamuduka na amabelusa djobotsu. Vane wuandi, amabave diruma yiri baya vosila basusu mudjiandi. ¹⁷ Amavaga momana bembili bembili mugudugusu ama mubyitsi Esaie amabiga vo avosila rie : ¹⁸ " La musatsiami agu nyitsi sola, agu nyirondi puela na agu wibasi muvumuami na ntsangu. Nyusuntsa yinyunyi yami mu djandi, na otabula bunzonsi mu djogu abe bagedjabi Nzambi " ¹⁹ Ago va misosi, ago gamuga o djulu, na vaga mutu ugulu diufi diandi mu mantsila. ²⁰ Oba abasa na durondu ombu batu abadende ; pa mutu adji beli na dufu,ago mulukula. ²¹ O tabula batu bunzonsi na dusunguwu na ago bavega mbela. Na djogu abe baga bajuif boba na yitu yineni mu djandi. ²² Bama bela Djesu mutu umaba idunga na dibaba dibandu binyunyi bibi abimabe nandi. Ama mubelusa, na mutu eni akevosa no laba. ²³ Yinombu ayi malaba dioni, imakambulu no vosa rie : " Mutu egugu djandi la Christ, mwuane kaga David agu tutsi kelisanga? ²⁴ Vo bapharisien bamagululu uvosa diambu di yimaga yieni, bama vosa rie : " Nesi! Tsi Nzambi, Belzebul, kaga binyunyi bibive eveyi mutu eguna mangolu mosiantsa binyiunyi bibive mu batu". ²⁵ Tumbe, Djesu omadjaba matase mogu, amabatsingula rie : " Bufumu buotsu abuvu na dupasu va gari djabeni buiwendisi djabeni mudubungu. Na divula diotsu vo ndagu adjivu naburandu mudjabeni djigoba itsingu. ²⁶ Munongu mosi, pa Satan esiantsi binyunyi bidjabeni, kabogu utoga etoyi na djabeni. ²⁷ Viri viri payi Satan oyi peyi mangolu mosiantsa binyunyi bibive, kabogu badukitsi benu, djogu mu mangolu yi bebisiantsili? Mu mangolu ma Satan? Nesi! Diwendili rie mposuluenu djiga na tsongu. ²⁸ Tumba, pa nyisiantsi binyunyi bibive na yinyuinyi yi Nzambi, kabogu bufumu buNzambi bumaruga ombu genu. ²⁹ Nyudutsingula dibandu adi nyurungulila usiantsa binyunyi bibive. Vaga mutu orungule ukota o ndagu mutu udjivu na mangolu maneni , pa agarele umutunga. Aki mutungi, kabogu orungula ubonga ndagu andi djiotsu. ³⁰ Abo bagetasi yiri yinyunyi yisiema yipeyi mangolu mopalise binyunyi bibive bana kueru nami, na djogu abe bagegugiyi batu yiri bakebe badukitsi bami bepensi. ³¹ Duivosi yiri tsi Yinyunyi Yisiema yipeyi mangolu mosiantsa binyunyi bibive. Kabogu, nyudutsinguli didi rie : " ³² Pa bo belensi vo usienga bambatsi, batsi kaluga diela no uvonda Nzambi kokolu dji ngetsa, bo tandu masumu mogu, tumbe ago tanda djogu absiengi na usabula yinyunyi Yisiema. Nzambi otanda djogu abo bengeli, menu mwane mutu, tumbe nyidulubusi rie Nzambi ago tanda djandi oyisabuli Yinyunyi Yisiema ubongila mutemu edjidji na djodjiruyi ³³ Muiri uotsu uboti guiburi milunda miboti, na muiri agu biva, guiburi milunda mibi.Muiri agu boti guidjabunu mu milunda miandi. ³⁴ Djenu aduvu dibure bapili, mimbinyi nane djenu, tsieni durungulila ubile na matasa maboti? Mumbari amabasa o murimagu ama munu epalisi. ³⁵ Mutu agu uboti evegi busina bu butambe buandi abu buivegi mambu ma boti. Na mutu mubi evegi busina bubive bu butamba buandi abu buivegi bima bibive. ³⁶ Na nyidutsinguli rie : " Mu yilumbu yibuzonsi utabula batu bodendula mambu motsu makulinyi amabamavosanga. ³⁷ Mu posulu tsienu devegu mbela vo ndunga. ³⁸ Mbana balonsi bamigagha na bapharisien bamavosa na Djesu rie : " Mulonsi tuirondi ulaba ilimba ayi yirugili ombu guagu". ³⁹ Tumbe Djesu amabawaka no batsingula rie : " Batu bakule djidji bavu babi na bavagitsi ba bukali berondi ulaba ilimba, tumbe vaga ilimba yisusu yubavegu vengu ilimba yimubiyitsi Jonas. ⁴⁰ Nana Jonas amaviosila bilumbu birieru na mikolu mirieru o gari modji nyama adji neni, munongu mosi mwane mutu guandi oviosila bilumbu birieru na mikolu mirieru otsi butemba. ⁴¹ Mu yilumbu yibunzonsi bu Nzambi, batu ba Ninive bo relema noba nenu mumbari djogu bamadunda uvaga masumu vo Jonas amabalubusile. Na vana, menu o nyi maru va garienu, nyiviogulila Jonas. Kabogu, Nzambi o dusosisa. ⁴³ Ava yinyuni ibive ipalili mu mutu, iwendi mu mbura tsi ighangi mu uromba mutu agu djandi o rungulila udila ivumunu. ⁴⁴ Pa yiri agadila, ekevosila rie : " Nyugabuga o ndagu adji nyimapalila, ave egabuyili o ndagu erasunu yiri ⁴⁵ Yinyunyi Yinzambi yige rumisi mutu eni na monyu mutu eni wibi nana ndagu dji gonmbulu, dji tsontsema na djiga na mutu. Mbana ewendi na egungi yisambuali yibinyunyi bisusu bibibiviogulila djabenyi na beruyi utsana djobotsu mu ndagu eni. Monyu usita u mutu eni uviogulila agu tega ubi. Diuba munongu mosi mu batu bakule edjidji bamagulu nana nyimalontsila. ⁴⁶ Djeau uvosa mbe akivosa na mugungi ava ngudji andi na banabagu andi abamamukelisa diteli o usu kana, bamatindila mutu muyi muvosila. Mutu eni amamutsingula rie : " ⁴⁷ Laba, ngudjagu na banabangudji bagu begu kelisi o usu kana. Berondi uvosa nagu. ⁴⁸ Tumbe Djesu amawaka no tsingula mutu agu mavosa nandi rie: "Anyi avu ngudji ami? Na banyi bavu banabagudji bami? ⁴⁹ Na amasimbula dikaka o yari ibadukitsi bandi no vosa rie : " Duilabi, la ngudjia ami na banabangudji bami. ⁵⁰ Djo botsu abe bevayi durumu du tadji ami adjivu o djulu, mutu eguna la mwane ngudji ami, la ibusi yami na ngudji ami.