¹ Anomana uvegha digumi na badukitsi bandi babedji malongui, Djesu amadusughe vana muyenelontsanga no samunanga mu mavula moghu. ² Jean Baptiste ó tsugu amagulu tsangu bisalu bi Christ amatinda yilumbi na badukitsi bandi. ³ Mumuwivule rié: nde la djiandi oyiruyi, vo tuvivingi ususu? ⁴ Djesu amabawagula no batsingula rié "Wendanu na tsingulanu Jean mo duilabi na mo duigulu ⁵ bidunga ike ulababelabi, bitsondu ike uwende bewendi, bibedu bi niambi bimabeluga, madiba makewulu, banfumbi bamarambugha ó dufu, mba mukuta aguvu na nsala umagulu musamu uboti. ⁶ ka mune ubuedji ombu djandi ó ngorombisa uberughe. ⁷ Batu benyi banobanda udjusugha va mbure djina, Djesu amabanda uvosa na yinombu mu diambu di Jean: "Yi dutsi yelaba o yighangi- dundubi duipupusu na mupunga?" ⁸ Tumba yi dutsi yélaba? Mutu uduara bikutu bighoba? Labanu bobeduari bikutu bi ghoba betsanini mu mandaghu ma bakage. ⁹ Tumba yi dutsie laba? Mubyitst? Nyina, nydutsinguli, aviogulila mubyitsi. ¹⁰ Mu djandi basonina yiri laba nyisindigi yilumbi va gusuagu mu utsontsigiyile ntsile." ¹¹ Nguentsa, nydutsinguli rie va gari bo baburu na mughetu, vaga umosi avioghulile Jean mubaptisiti. tumba mutu odjivu nguebi ó bufumu bu djulu amuvioghulila. ¹² Ubonguila temu Jean Baptiste kuanga na nyiangu, bufumu bu buvu nane utsotse, buidilunu na bo beghayini. ¹³ Tumba babyitsi botsu na mughagha bamabigha kuanga na va temu Jean. ¹⁴ Na pa diurondi ubudile nana, jabanu rie djandi la Elie, omagabuga. 5 Odjivu na matudji mogulu, agulu. ¹⁶ Nanyi nyubaghusunu kule edjidji? Badji nana bangebi bayenevaga kinbu ô dikasa. Batsana na baketsingusenange yiri, ¹⁷ tuma dusiyila dimbike dugayina. Tuma duwimbilile nyimbu tsi manyiony dugalile. ¹⁸ Jean amaruge asamadjangange dipa, nonu malamu, bamavosa rié ana yinyiunyi yibiva. ¹⁹ Muana mutu amarugha edji na enu na bevosi rie lanu anedjibe na adji munuitsi, mbatsi babolitsi balepu na bavayitsi bamasumu! Tumba bisalu biandi bimasungughu na diela diandi. ²⁰ Djesu amasiembe misiengi amio bimaghe biandi bimalabininanga. Mumbari basamakalughanga diela. Miloghu ombu enu chorizin! ²¹ Miloghu ombu agu wandi bethsaida! Mbe bimagha bie bina bimalibinanga ó Tyr na Sidon nana bilabinini ombu enu, mbe bamakalugha diela na ubonga sielana dibufu vane kala. ²² Tumba, yilumbu yi usosisu, misiengui mi Tyr na Sidon migo tsundusu puela nana djenu. ²³ Ndedju, Capernaüm, witasi rie bambatsi bogusighila milolu ukewenda ó djulu? Nesi, udiamusi kuanga no bulungi bumudji (mbura yiusila), mumbari mbe o Sodome bimagha bie bina bitsivaghulu, mbe amakalugha kala diela noba kuanga na yieri yiyi. Tumba nyidutsinguli rie, digho range ó musiengui Sodome mu yilumbu yi bunsonsi utabule. Tumba dughedundi uvagha masumu. ²⁴ Nzambi ó kilisa mubi aguwitsani ó Sodome. Tumba ndeju ukilusu viagunu na Sodome mu yilumbu yi musitu. ²⁵ Mu temue eni, Djesu amabonge mbémbubabiyitsi novosa yiri: "Tata, nyi udodisi, fumu djulu na butamba, mumbari umasuega bango diela na bivunde mambu memana ukematsingula bo basamawidji na bana bakali. ²⁶ Yina, Tata adine adimaba nzangu agu. ²⁷ Mambu me motsu mana Tadji ami amamapegha. Vagha mutu oyi djabi mwana vengu tadji, vaga mutu oyi djabi tadji pa tsi mwana na djandi ó muana erondi ulase. ²⁸ Rughanu ombu guami, djenu botsu abe duvola nyiuru na dutsirulu na mifune, na menu nyiuduvegha yivumu. ²⁹ Bonganu mufune ami, na widjanu mu menu, mumbari menu nina murima usunda na ny sighema na dudila yivumu yi mivumu mienu. ³⁰ Mumbari yikoghula yami yigha yiranga mba mufune ami ulenga.