¹ Ɔkpǝ ina mɛwa ndɩ miji ŋan nɩ anɔ akaco, da nɩ ɔfuŋan nɩ ikpa ndɩ iko sɩ kakuran ŋan kuba bɔ ɔron ŋan. ² ɔnaŋan kaku klɔ nɩ olu dɩ ɔla jijɛ du da kan bɔ akɔron ŋan. ³ nɩ ɔfɔ fuŋan nɩ "ima pa nka fu kpana iyɛ ini kirin ba, ba ɔkpa, ba akpo, ba bodo bodo, ba owo, Toko miji. ⁴ kpasi sɩ vn'wǝlǝ ba ijo bɛ ali sati sɩ ini ki fra aŋinrin yɛ ba. ⁵ da ŋinbaŋan ka gbaŋin ba. ba ifra nɩ olu yɛ igban itikpa di ŋin ŋan ki n'an kaburabura ki ba ŋan ŋan nɩ sǝda. ⁶ nɩ alɔ, nɩ olu kǝkǝrǝ n'dɩ an fɔ afɔ mima anba bɔ ina ŋin si ŋan bisi ba. ⁷ Hérode, ola dɩ ibɔran (Tétrarque), ɔgbɔ anfɔ oŋun si sa cǝ gbigbo ba sidɩ ikuba ŋan fɔ nɩ Jean ɔli ami wiwɛ ( Baptiste) oku nɩ oji wa ba. ⁸ nɩ ikuba ŋan nɩ Elie nɩ san wa, nɩ ikuba ŋan nɩ akaco dɩ andǝbi wuwo ŋan san nɩ ami wa ⁹ Hérode ɔfɔ nɩ: «n'ŋan iri dɩ Jean nɩ isi yɛ taka nɩ man gbɔ an fɔ afɔ du nɩ?» nɩ Hérode n'kili kuri Jésus. ¹⁰ sati sɩ ŋin siŋan sa ɲin siŋan sa wa ba an fɔ ŋo oŋusi bigbo a cǝ ba. ɔmu ŋindɩ ŋan, alɔ nɩ kɔkɔ dɩ ilu laku isi ankpǝ nɩ Bethsaïda. ¹¹ ama ɔgbin gbɔ bɛ ba nɩ alikpaɔ, ɔgbaŋan, nɩ ɔfɔ fuŋan nɩ afɔ dɩ ilu dɩ ɔla jijɛ dɩ ɔnɔrɔ, nɩ ɔbɔ ŋinsi ŋan bisi bibɔ ba. ¹² ɔjɔ sima titira, nɩ ina mɛwa ndɩ miji ŋanŋan basɔ nɩ afɔ nɩ "jɔ ɔgbin bɛsi kulɔ nɩ, ima ilu kǝrǝkǝrǝ ŋan aran ŋan akpadǝ ndɩ nɩ bisi ŋan sindɩ ba ka kuri ibi jijo ŋan ndɩ ojɛ. domi ansiŋan sa kosi ba. ¹³ ama ɔfɔ fu ŋan nɩ " ŋin kankan ifu ŋan ka jɛ. na jɛ fu nɩ, awa ka nin ɔgani bodo bodo mɛru ndɩ ijan miji baka cǝ ku ra ɔjɛ fu ɔgbin yɛ gbigbo. ¹⁴ (an to ka) ina ɔgɔru oguji ndɩ mɛwa aka ɔfɔ fu ɔlaŋi duŋan, "ijɔ ŋan ka joko, ina oguji ndɩ mɛmɛ mɛmɛ". ¹⁶ bɛ nɩ acǝ, nɩ gbigbo dɩ ŋan jo. ¹⁵ ɔmu bodo bodo mɛru ndi ijan miji ŋan ɔtǝbǝ, ɔkpasi ɔwo nɩ igbiri, nɩ ɔtosi siŋan ɔpitiriŋan nɩ ɔfu ɔli an'i duŋan ka kpin fu ʒama. ¹⁷ a jɛ gbigbo diŋan ayo, ali akpiri ojɛ si bɔ ba ɔkon kakɛkprɛ mɛwa ndɩ miji. ¹⁸ ɔjɔ aka sati sɩ n'wa nɩ risoko nɩ kɔkɔ ba ɔli aŋi duŋan wa ba su nɩ ɔbiŋan nɩ. isi ŋan fɔ nɩ ami nɩ ɔli ami wiwɛ (Baptiste). ¹⁹ ajɛ afɔ nɩ Jean Baptiste, ikubaŋan nɩ wɔ nɩ Elie, ikubaŋan fɔ iwarɛ dɛ nɩ, ɔcǝ ɔnɛ aka dɩ andǝbi wuwo ŋinsi ku aji ba . ²⁰ ɔjɛ fuŋan nɩ "ama iŋin isi ɔnɔrɔ na wa ba". ²¹ ama ɔkana ŋan nɩ kama kan afɔ yɛ fu onɛ aka. ²² ɔfɔ mani dɩ ɔnɛ s'ndɩ ku jɛ wahala pan, aya ɔli jiriman ŋan ndɩ ɔli kukɔn ŋan (Scrib) ankɔu, an kpau da ku san nɩ ami wa ɔjɔ irikɛta. ²³ ɔkan fu gbigbo dɩŋan nɩ "ba ɔnɛ aka diŋin bisi ku likpam, ndɩ ŋusi n'warɛ ba ku kɔ aru, ku mu ɔkpa kikasa du (croix) si ɔkpa ŋisi ankpa ina kuku ŋan ba , ²⁴ bɛ ŋisi bisi kugba ami du ba n'fɛku, ama ɔnɛ sɩ sunɔn ami du sidɩ ami ba, n'wari ku gbau. ²⁵ irǝ sɩ nɩ ɔnɛ sɩ jɛ duniya gbugbo ku bɔ titra ks wa sŋan fu? ²⁶ ŋinsɩ ŋan gbɔ anɔn dɛ'm ndɩ fufɔ dǝm ba ɔwa wa ŋiŋn dɩ ara du ndɩ bati. ndɩ ɔli ina dɩ mani dɩ ɔnɔrɔ ŋan. ²⁷ ama man fɔ fɛ ndɩ cimi, iku ba ŋan warɛ nɩ aŋɛrin diŋan a ku ba aka sɩ ri ɔla jijɛ dɩ ɔnɔrɔ. ²⁸ an'i dɩ ɔjɔ mɛjɔ ɔfɔ afɔ ŋan ŋan ba, Jésus mu Pierre, Jean ndɩ Jacques lɔ nɩ iri dɩ guta ɔnɔrɔ riri soko. wati dɩ ɔnɔrɔ riri soko yɛ. ²⁹ nɩ yasi dɩ iju du cali, nɩ ina du ŋan kpara fufun an tuna. ³⁰ gbigba yɛ nɩ ina miji wa ŋan wrɛ anfɔ asǝ Moïse ndɩ Elie nɩ. ³¹ ina dɩ oyi ŋan fɔ afɔ dɩ didǝ dɔ ɔni ku cǝ nɩ Jérusalem. ³² nɩ sati yɛ Pierre ndɩ jandu ŋan warɛ an jǝm. ama awa ji ba ari oyi du ndɩ ina miji ŋan ŋan basu. ³³ awa lɔ ba, Pierre fɔ fu Jésus nɩ oli ikɔ dɛ saŋan fa ka wabini. ankɔ abɛrɛ mɛta. an cǝ akaco fɛ, akoco fu Moïse, akoco fu Elie ka sǝ ɔma ŋusi nfɔ ba. ³⁴ dani sati isɩ nwa fɔ iŋan ŋanŋan ba iwulǝ wa bosi ŋan ogbɔ ojo ka kǝ iwulǝ yɛ ranŋan ɔkpadǝ ba. ³⁵ nɩ iwulǝ yɛ oŋudikɛ aka fɔ nɩ iba nɩ n'na nɩ mani dǝm igbɔ fu. ³⁶ sati si ikɛ yɛ cugo ba, Jésus mɛmɛrin nɩ wa bɛ acugo jɛr nɩ ɔjɔ ŋan a ka kan fu ɔnaka ndɩ bati du iŋa siŋan ariba. ³⁷ ɔjɔ sɩ lǝsi ba ,sati awaran jira nɩ igbiri dɩ guta ba ɔgbin laku dɩ ina wa kpadew. ³⁸ dani ɔnaka lasi nɩ ɔgbin yɛ, "ɔli iko duwa man tosɛ wo mani dǝm akoco dem yɛ. ³⁹ wori ami kuku nkpidǝ mani dǝwu ku bɔ n'lasi ntotow nɩ anɔn du kpa fɔfɔ. ami kuku yɛ kan bisi ku jɔw nɩ wati si n'ja ku fra ba ɔkpaw pan. ⁴⁰ nɩ nbi ɔla ŋi du ŋan ka ŋanwu ama aka tugo. ⁴¹ Jésus jɛ fu nɩ ʒamani kugbɔti, hali sati sɩ nɩ ami diŋin ya jo kosi da ntugo afɔ diŋin nɩ? ⁴² sati si mani dɩ ɔmɔcɔ n'wa bɛ ba arakuran yɛ sunon nɩ ilɛ nɩ ntotow ndi ikpa. ama Jésus nan sɩ ami kuku yɛ nɩ ɔbɔ mani ɔmɔcɔ yɛ ba nɩ ɔbaw ba lɔ fu bati, ⁴³ nɩ biti mu ŋan. laku sɩ kpukpɔ di ɔnɔrɔ yɛ da nɩ gbigbo dɩ ŋan cǝ mamaci dɩ icǝ dɩ Jésus ŋan, ɔkan fu ɔla ŋi duŋan nɩ: ⁴⁴ igbɔ afɔ dɩ ŋinba ŋan isi ŋan kama, anwa sisi mani dɩ ɔnɛ nɩ ɔwɔ dɩ ɔnɛ. ⁴⁵ ama aka gbɔ basi ɔwa da afɔ yɛ ba nɩ ku jɛ ba kubɔ oku nɩ odi oju diŋan da kama gbɔ fu. an gbɔ ojo ka biw nɩ fɔ yɛ. ⁴⁶ dani fifa wa nɩ aŋinrin dɩ ŋan da kama ɔnogbo. ⁴⁷ sati si Jésus ri ɔma ŋusi sa jɔ anjiŋan ariŋan ba omu mani kǝrǝkǝrǝ ŋan ɔgbilɛ ni infandu. ⁴⁸ nɩ ɔfɔ fun ŋan nɩ "ɔnɛ sɩ gba mani kǝrǝkǝrǝ kǝ iba ndɩ ɔrukɔ dǝm ba ɔgba ami sisin nɩ ba ɔgba ami ŋinsi ɔgba ba man wa ba .ɔnɛ sɩ cǝ kǝkǝrǝ nɩ gbigbo diŋan ba du yɛ nɩ ɔnogbo. ⁴⁹ Jean jɛ, nɩ ɔfɔ nɩ "ɔli iko duwa, ari ɔnaka ngbiki karankuran ŋan ndɩ ɔrukɔ dɛ akɔ fu kama kacǝ a awa du nɩ likpɛ. ⁵⁰ ama jésus fɔ fuŋan nɩ "ima fɔfu, ɔnɛ sɩ ka cǝ ikuya ikuya dɩ ɔkɛrin dɛ ba nɔ wa ba ma kɔwu. ⁵¹ kǝ ɔjɔ sɩ ɔsindɩ kulɔ nɩ igbiri gusi wa ba ɔmu niya dɩ kusin nɩ Jérusalem. ⁵² ɔnan ɔli inan ŋan nɩ ŋanŋan lɔ aku wǝlǝ nɩ ɔmon ilu dɩ samari kahu cicǝru fu. ⁵³ ama ɔgbin dɩ ɔmon ilu dɩ samari yɛ ka gbau sɩ dɩ mbisi nɩ kulɔ nɩ Jerisalem. ^{55 54} kǝ Jacques ndɩ Jean, ɔli ina duŋan ri bɛ ba, nɩ afɔ nɩ «ɔla laku wɔn bisi awa ka na sɩ ɔna ku djra nɩ igbiri wa da ku bajɛ ŋan. ⁵⁵ Jésus kpara aru ya bisi ŋan nɩ ɔkan fuŋan. ⁵⁶ bɛ yɛ amu kpana alɔ nɩ ilu kǝkǝrǝ aka, ⁵⁷ awarɛ an lɔ ba, nɩ kpanan diŋan, ɔnɛ aka fɔ fu Jésus man likpɛ ba bisi ɔlɔ ba . ⁵⁸ Jésus jɛ fu, «ajanko ŋan anin ibi isusu nɩ iyɛ dɩ igbiri ŋan nin idanga ŋan mani dɩ onɛ ka nin bisi ngbilɛ iri du ba . ⁵⁹ ɔfɔ fu ɔnɛ aka muka nɩ «likpa'm,nɩ iyɛ fɔ nɩ, ɔla laku jɔ'm nku rii badǝ'm da ». ⁶⁰ ama Jésus fɔ fu nɩ: «jɔ onuku ŋan kari onuku diŋan ŋan ama wɔ lɔ kuklɔ ilǝ dɩ ɔnɔrɔ ba bisi. ⁶¹ ɔnɛ aka muka fɔ fu nɩ sisin nɩ" «ɔla lakudǝm, ma likpɛ. ama jɔ'm n'sin na anï nku bula ɔli kpasi dǝ'm. ⁶² ama Jésus fɔ fu nɩ «ɔnɛ si lǝsi ɔwɔ du sɩ lɔrɛ dɩ aci ŋan n'ba wo ndɩ anï ba kan cǝ ɔnɛ sɩ anbacǝ ɔcɛ nɩ ilǝ dɩ ɔla dɩ ɔnɔrɔ.