¹ satɩ ɩsɩ Jəzu tra afɔ dɔ fɔfɔ fɔ ɔgbin dɔ ɩsɩ warɛ nbɔ fɔ ba, Ɔwələ nɩ kapɛrnaũm. ² onogbo dɩ ɩna ɔgɔrɔ(centenier) sanɛ aru dɔ aka ɩsi obisi paa ba, nrɔn nja ndɩ iku. ³ ɔgbɔ anfɔ afɔ dɩ Jɛzu ba,nɩ ɔna maja Juif dɔ ɩkɔba ŋan nɩ kakɔ su fɔ nɩlɛ kuwa kuwa bɔ aru dɔ yɛ ⁴ ato bisi Jezu ba nɩ asu fɔ nɩlɛ an ba fɔ nɩ ocɛ onɛ si wɔn jɛ fɔ ba. ⁵ sɩ dɩ obisi ilu duwa ba,ɩdɩ ŋu nɩ ɩsi ma ilə dɔnɔrɔ ba(sinagogue). ⁶ nɩ Jəzu lɩkpa ŋan. akusi kpasɩ ba nɩ onogbo dɩ ɩna ɔgɔrɔ(le centenier) yɛ ɔna yo dɔ ŋan bisi Jəzu nɩ kakɔ ka fɔ nɩ ala dɔwa,ma fon arɛ,kama n'ka cə ɔnɩ si wɔwələ nɩ dɔ ba. ⁷ sɩdɩ bɛ sisin nɩ ara dəm kankan nwo arəm nɩ nka sidi ɔwarə. Ama, fɔ afɔ akuco klom da aru dəm kɔ ̌ri alafiya. ⁸ amɩ sisin ncə ɔli iko nɩ,ɩdɩ maja dəm ŋan man na nɩ ba nfɔ fɔ akuco nɩ lɔ da kulɔ,wa da kuwa, fɔ aru dəm ba cə da kucə. ⁹ satɩ si Jezu gbɔ afɔ ŋan ŋan ba,nɩ ɔcə nɩ biti ba nɩ ɔkpara arɔ si ɔgbin ɩsi sa warɛ ngbɔ fɔ ŋan ba,nɩ ɔnɩ: man fɔ, ba donɩ Israël nkasɩ ri jandɩ imani ka da. ¹⁰ Atuwa nɩ kpasi ba ɔli ɩna ŋan ri aru idɩ alafiya dɔ man man. ¹¹ nan'i dɩ bɛ Jezu lɔ nɩ ilu si akon nɩ Naïn ba,da n'i dɔ ŋan ɩdɩ ɔgbin likpaw, ¹² Sati si ɔgusi ilu ba awarɛ anba ɔkrin aka balɔ riri,ɔkrin yɛ cə mani akujo dɩ iti dɔ okpo,ɔbɔ ɔgbin laku dɩ ilu wa bɩsi ɔbrin yɛ. ¹³ ala dɔw riu ba ɔgbɔ arə dɔ nɩ ɔni: ma don ¹⁴ nɔn kali adaka sati yɛ nɩ ŋinsi ŋan sa ru an balɔ ba dro. nɩ ɔnɩ: ɔmɔjɔ nƒɔ fɛ ndɩ iko,ji ¹⁵ nɩ inuku ji ojo ɔsima ƒɔƒɔ. nɩ osəw fɔ iti. ¹⁶ ojo banɩ gbugbo diŋan,ni an'in ɔnɔrɔ wari mandɔ ŋan. ¹⁷ Aƒɔ ŋanŋan afɔ sɩ Jəzu ba, gba ndɩ ilu di Judə gbugbo ndɩ kɛrɛkɛrɛ dɔŋan. ¹⁸ Dan'i(disciple) di Jean ŋan wa kan fɔ nanfɔ ŋaŋan. ¹⁹ Jan kpə dan'i dɔ ŋan miji,nɩ ɔnaŋan nɩ kakubi ala dɔa ni: «wɔnɩ ɩsɩ nwa baa?nɩmɩ kadə ɔnaka mɔka? ²⁰ Ato bisi Jəzu, ni inan ŋanŋan fɔfɔ ni: « wɔni isi nwa baa?nimɩ kadə ɔnaka mɔka?» ²¹ sati yɛ Jəzu ɔbɔ ɔrɔn ɔgbin,indi afa-ndi lɛ(infirmes) ŋan, ami kuku(mauvais esprit) ŋan,ndi afuju ɔgbin. ²² nɩ ɔjɛ fɔ ŋan nɩ: «ilɔ kikanfɔ Jan nɩ iŋusi iri ndi igbo ba: nbɔ afu juŋan, afa ndilɛ ŋan arɔŋan,aditiŋan,nji inukuŋan, afɔ rirə to arɛkɛŋan. ²³ Di dɔnfɔ nɩ, fɔ ɔnɛ isi muni nkancə cucudɔ ba.» ²⁴ sati ɩsi ɔlinan dɩ Jan ŋan lɔba, Jəzu simaƒɔ zamadɔ ƒɔƒɔ:« kə ni iri ni igbələ(desert) ni? ɔpka di iwə(roseau) isi arfɛ toto ba? ²⁵ nimɩ kəni ilɔ iki wo ni? ɔkrin isi ɔbɔ iŋan rirə ŋan ba? ngɔ inan ŋinsiŋan bɔ in'an rirə dowoŋan ba, wani bɛ ɔlaŋan ni. ²⁶ Abɛ kə ni ilɔ iku wo ni? andəbi? ɛ-in, mankan ƒɔ ŋin,okpərə andəbi. ²⁷ afɔdɔ nakɔn ni: "man-nan ɔlinan dəm kwa ŋan mamaciŋan si kpana dɛ. ²⁸ Man-kan ƒɔŋin,ninɔn di inan ŋinsiŋan fra ninɔn dɔnɔbrin ba,ɔnaka kossi ɔlɔ Jean. ama ni ilu(royaume) dɔnɔrɔ ba, isi cə mani tɔtɔbɔ ba lɔw.» ²⁹ Sati isi ɔgbin gbugbo gbɔ fɔ ba, ali ndi ɔli lampo gbigbaŋan sisin ba,ni ari aman cimi dɔnɔrɔ. ni asi wa ninon di inan ŋinsiŋan wɛ omi(baptiser) miman di Jan ba. ³⁰ aman Farisuŋan ndi ɔli mara mɩman dilu ŋan kɔ,kpana rirə isi ɔnɔrɔ caanɛ fɔŋan ba,ni asi kɔ nɩ, kɔ man wɛ fɔŋan nɩ omi mɩ man(baptiser). ³¹ Isi ni man tugo mba gɛsi ndi inan di Zamani(generation) dɔa iba ŋan ni? isi ni man baŋan bakɔ ŋan ni? ³² Ambaŋan bakɔŋan ndi mani isiŋan jo« nibi akɔco, anbi arŋan ni,fɔŋin ni ɔrin di iku, dɔn. ³³ sidi Jan, ɔli wiwɛ miman(jean le baptisseur)kan jɛ bodobodo, kan mɔn ɔti, ni ifɔni: «karakɔran(demon) aka wasiw» ³⁴ Manndi ɔnɛ wa,njɛ,nmɔn ni ini: «ɔli jijɛ,ɔli mumɔn,yo di ɔli lampoŋan ndivɔli alahaciŋan.» ³⁵ Aman maniŋan gbugbo ri mɩman(sagesse). ³⁶ Farisu aka kpəw awa jɛ ɔjɛ ni kpasi dɔ. ³⁷ Ɔbrin ɔli alahaci aka fra ninɔn dilu wa ɔba banɩ tulari dɔ,sidɩ ɔgbɔni,ɔwarɛ njɔjɛ ni kpasi di Farisu ba. ³⁸ Ni ɔdro naŋi ndi dɔdɔn,ni ɔkpidǝ itikpa di Jezuŋan nɩ imɔkɔŋan dasi sɩ itikpa di Jezu ŋan ndi. ɔnɔ itikpaŋan ndi irɔn dɔŋan nɩ ɔmɔmɔn(baiser) ŋan nɩ ɔdasɩ tulari si ŋan. ³⁹ Ni Farisu,ri bɛ ba,nɩ ɔƒɔ arɔ nɩ:«ba ɔkrin iba,bacə andəbi(prophete),ɔba mani ɔbrin isi warɛ nkaliw ba,cə ɔli alahaci ni.» ⁴⁰ Ni Jezu sima ƒufɔ ni: «Simɔn,nni kanfɛ ni aƒɔ aka.»ni Simɔn ni« ƒɔ,ɔli kɔkɔ dəm.» ⁴¹ ni Jezu ki :«ɔnɛ aka warɛ,ɔnin inan miji nɩŋin akojo ŋin ɔwo mɛrɔ bɩsin irikiji ŋin iguji ndɩ mɛwa (50). ⁴² Sidi miji diŋan kaman basi ancə daka sanƒɔ ba,ɔdaŋan.isi diŋan ni nbisiw paa-ni? ⁴³ ni Simɔn jɛfɔ ni,isi iŋindɔ kpɔ ba.ni Jəzu jɛƒɔ ni cimi(tu as bien jugé). ⁴⁴ ni Jəzu kpara owo ɔbrin yɛ,ni ɔfɔfu Simɔn: «ɔri ɔbrin iba, nwələ nidɛ ba,ɔka wɛ itikpa dəmŋan ndi ɔmi aman ɔbrin ɩyɛ wɛ itikpa dəmŋan ndi imɔkɔŋan,ni ɔnɔŋan ndi irɔn dɔŋan. ⁴⁵ Ɔka mimɔn itikpa dəm ŋan mimɔmɔn caanɩ(caresse)ɔwa. ⁴⁶ ɔka kun iri dəm ndi uri ƒɔfori,aman ɔkun tulari si itikpa dəm ŋan. ⁴⁷ Sidi bɛni man kanfɛ nɩ ,ndaw ni alahaci dɔŋan gbugbo, sidi ɔŋan bibisi dɔ ba. aman ɔnɛ isi ada fii ba,bibisi dɔ kankpɔ.» ⁴⁸ sati iyɛ Jəzu kan ƒɔ ɔbrin yɛ nɩ: «ndɛ nɩ alahaci dɛ ŋan.» ⁴⁹ Inan ŋasiŋan sa warɛ anjɛ ɔjɛ aŋandi Jəzu ba anƒɔ nɩnɔn diŋan ni: «isi ni ɔnɛ bayɛ ni nda alahaci ŋan ni?» ⁵⁰ Aman Jəzu ƒɔƒɔ ɔbrin iyɛ: «imani (foi)dɛ gbɛ,lɔ ndi idɔ tututu(paix).