¹ Ni,Jəzu nsagbəkə oko ŋan ɔjɔ akaco di ɔjɔ irikəjə ankpəni sabbat ba,ɔlan'i du ŋan ya akpo di n'inku anuti nɩ ɔwɔ di ŋan ni ama kə Inan dɩ ² Farisu ŋan fɔnɩ«sidi kə ni icə ŋusi kasində ba ɔjɔ irikəjə ankpəni sabbat ba ni ? ³ Jəsu jɛ fu ŋan ni: « ikakan iŋusi David cə tansi ibi kpaw ŋu dɩ ɔlɩn'an du ŋan ba?» ⁴ Basi nɩ owolə nɩ kpasi dɔnɔrɔ nɩ, ni omu bodobodo dɩ sara njɛ ɔbɔ nba fu ola yi dɔ ŋan kubɔ ɔnɔka kasin dɩ kucɛ bodobodo bakacə ɔlɔcɛ dɔnɔrɔ ŋan mɛmɛrin?» ⁵ Nsaka funɩ «mandɔnin nɩ onogbo di ɔjɔ irikəjə ankpə ni sabbat ba?» ⁶ ɔjɔ aka muka dɩ ɔjɔ irikəjə ankpə ni sabbat ba,Jəzu wolə nɩ kpasi di kikɔ ni kukɔ inan. Ni bɛyɛ ɔkrin aka wabɛ nɩ ɔwɔ jijɛ dɩ ku. ⁷ Scribes ŋan ndi Farisu ŋan warɛ anwo Jəzu ba mbɔ akron ŋan ɔjɔ dɩ sabbat da ka rifu nɩ tali ⁸ Aman ɔmansi wuwujɔ dɩ ŋan ba,ɔka fu ɔninsi ɔmi ɔwɔ jijɛ du ba, nɩ«dəə bɛ wana ŋinrin» ɔdə oduro. ⁹ Jəzu kafu ŋan ni «Manbi ŋin ni ɔwarɛ ni kacə kuku nɩmin kacə rirə ni,ka gba ami nɩmin ka sunon ɔjɔ dɩ sabbat nɩ? ¹⁰ Owo ŋan ni ɔkaƒu ɔnɛ yɛ ni «nan ɔwɔ dɛ wa». ɔcə bɛ ba, ɔwɔ du ri bubɔ. ¹¹ Awɔ kpərə ɔwɔ ŋan ni awarɛ anbi ariŋan ni ŋusi anikacəvba. ¹² ɔjɔ aka Jəzu lɔ ni guta ɔjasi riri soko hali ibi man . ¹³ Ibiman ba ɔkpə ɔlaŋi duŋan ni ɔn'an inan mɛwa ndi miji naŋinrin di ŋan ni okpə ŋan ni Apotres. ¹⁴ Simon isi Ofu ni ɔrukɔ di ikuta ba André kəkərə du, Jacque, Jan, filip,Barthelemi. ¹⁵ Mathieu, Thomas, Jacque, cə mandi ɔninsi ankpə ni d'Alphée ba, Simon ankpə ni zelote ba. ¹⁶ Judas mandi Jacques ni Judas Iscariote iba kpara ɔli wiwərəwərə ba ¹⁷ ɔwarɛ njira ndi alan'i mɛwa ndi miji du ŋan ba ɔduro ni ibi dədəi aka ŋudi olan'i du ŋan ɔgbin ndi zama ɔgbin di Judee gbugbo ndi Jeruzalem , ndi imon di tənku di Tyr ndi Sidon. ¹⁸ Asa wa ni kagbɔ aƒɔ du ŋan da kubɔ fu ŋan ni ɔron diŋan ŋan, ɔbɔ isi ŋan sawa ni ɔwɔ di ami kuku ŋan ba. ¹⁹ Zaman gbugbo nsa bisi ka kalu sidi ikpa aka nfra basu nasabɔ inan gbugbo. ²⁰ Tɔ, Jezu nsawo maja du ŋan kubɔ nka fu ŋan ni: «ikɛ tututu fu inin ɔlarə ŋan,iŋin ɔlarə ŋan,iŋin ni lala kpasi di ɔnɔrɔ. Ikɛ tututu fu ŋinsi ibi nkpa sisin ba, nyo. ²¹ ikɛ tututu fu iŋin ŋinsi ŋan don ba sinsin ba nranrin. ²² Ikɛ di ŋin kututu tansi inan kabisi ŋin ba, tansi ina kaŋin ba tansi anbu ŋin sidi mandi ɔnin ba. ²³ Idɔ diŋin kututu ɔjɔ yɛ domi lada diŋin kpɔ ni igbiri. kə bɛ ni badi ŋan ŋan sabani andəbi ŋan. ²⁴ Aman iri kukufu iŋin olowo ŋan. Ibani kikɛ diŋin. ²⁵ Iri kuku fu iŋinŋinsi ŋan yo ba sinsin ba, ibi wapkaŋin, iŋin olikuku siŋan ranrin sinsin ba, okuŋan wabaŋin da kiwa don. ²⁷ Aman iŋinŋinsi ŋan ngbɔ afɔ də ŋan ba, ibisi ibɛrɛ diŋin ŋan,icərirə fu isi ŋan kan bisiŋin ba. ²⁸ Ida isiŋan cəŋin ni anon ba, itosi fu ŋinsi ŋan nasi ŋin ba. ²⁹ ba ɔnaka fɔŋin ni abribara si itangbə akaco, ikpara fu ni itangbə irikəji. Ba ɔnaka gba toko laku dɛ makɔ fu ni kəkərə ³⁰ Ifu ɔnin si tosi ŋin ba, ama ima bi ɔnɩn ba pa amana(bien) di ŋin ba nɩ kusə fuŋin ni n'andi ŋin yɛ. ³¹ iŋusi ibisi jandiŋin ŋan kancə fuŋin ba icəfu aŋan sisin bɛ. ³² Ba ibisi isiŋan bisiŋin ba, irə ɩsini iri ninon ni? olikuku sisin bisi isi ŋan bisi ŋan ba. ³³ Ba incə rirə fu isiŋancə rirə fuŋin ba, irə yəsini anba sanfuŋin ni? ɔli kuku ŋan bɛ sisin nan cə. ³⁴ Ba iŋin fu inaŋin si ibadon ikɛ ba irəsi ni ani kasanfuŋin ni? bɛ ni ina kukuŋan anŋin fu arian anba don ikɛ si arian. ³⁵ Aman ibisi ibɛrɛ dɩŋin ŋan, ea kicə rirə fuŋan, iŋin fu ina ima də sisan. bɛ ba lada diŋin nkpɔ da kakpəŋin ni mandi ɔlalakou domi ɔsan ŋanfu isiŋan kan n'in ba. ³⁶ Isan ŋan kə badɩŋin sanŋan ba. ³⁹ ɔkɔsi ɔtuku fuŋan naƒɔ ni: « afuju ntugo kuba afuju balɔ buka? miji diŋan gbugbo kancu ni koto? ⁴⁰ ɔlikukɔ ka gani iba nkɔw ba, ama ɔlikukɔ yɛ isi gbɔ afɔ di iba kɔw ba, nwakpara kə ɔlikukɔ du ba . ⁴¹ sidi kəni wɔ wo bɛkɛ si wani iju di jəndɛ ba ni, ɔbɔ ɔkan ri ŋusi ɔkpa si wani oju dɛ ba ni? ⁴² Basi ni wɔ tugo ɔkafu jandɛ ni« yo jɔ nn'an bɛkɛ ni oju dɛ da aradɛ kanri ɔkpa si wa ni oju dɛ ba? munafiki n'an ɔkpa si wani ojudɛ ba, da ori sisan ŋan ɔn'an bɛkɛ si wani oju di jandɛ ba. ⁴³ idoni rirə aka kosi kə nbi ɔma kuku ba. bɛni idoni kuku aka kosi kə nbi ɔma rirə. ⁴⁴ Aman ɔma isi idoni bi ba ni anbawamau. ankanka ɔla di idoni ni iri di igu ŋan bɛ ni ankanka ɔgɛrɛrɛ si amatamata. ⁴⁶ sidi kəni ikpəŋ ni aladuw aladu ni kubɔ ikancə ŋusi man fɔ ba . ⁴⁷ Inansi ŋan gbugbon waba sun, angbɔ aƒɔ dəŋan ni anbacɔcɛ ba man ŋanŋin ni isi ɔjɔ ba. ⁴⁸ Ɔjɔ ɔninsi man kpasi du ba ɔwa onunu ki ɔkpilɛ idi di ilə du si kutala. omi kon ɔcan ɔwa lu ilə dibɛ katugo ototow sidi aman wu sisanŋan ba.