¹ nɩ ɔjɔ ka ɔgbin ran Jǝsu ɔkpadǝ nɩ kugbɔ afɔ di ɔnɔrɔ. ɔwa niti di odo isi kancan ba di Gǝnǝsarɛt (Génésateth). ² ɔba kpiru miji nɩ imɔ dodo yɛ. akpa ijan: ikubaŋan ŋinsiŋan jra si kpiru yɛ ba, wabɛɛ an fɔ aŋan diŋanŋan. ³ Ogun ni akoco di kpiru ŋanŋan, isi kǝcǝ di Simon ba, ni ɔfɔfuw ni tuturu fi, ni ojoko ninɔ di kpiru yɛ, ni osima ina ni kɔ. ⁴ ɔtira fufɔ ba, ni ɔfɔ fu Simon ni: «lɔ ninɔ d'umi ninunuŋan da ɔsɔ aŋan dɛ ɔba kpidǝ ijan ŋan. ⁵ Simon jɛ fu ni: ɔlikukɔ acǝ ɔcɛ nuru gbugbo, a ka kpidǝ n'ka, aman sidi ɔfɔ ba, mansɔ aŋan dǝm ŋan. ⁶ acǝ bɛ ba ni akpidǝ ijan kukpɔ kukpɔ ni ŋan di ŋanŋan ya, ⁷ akpǝ yo diŋanŋan ŋinsiŋan wa ni kpiru irikiji ba, ndɩ ɔwɔŋan ka wa gbǝlǝ ŋan, ni ŋanŋan wa. ni kpiru miji ɔkon n'di ijanŋan, hali ani kamu ninɔ di umi. ⁸ aman, SimonvPierre ri bɛ ba nɩ ɔsɔ aruw nɩ itikpa dɩ Jésus ŋan nɩ ɔfɔ nɩ: " ibi dɛ ku jin sim domi ɔlaa lǝɲaci nɩ wa. ⁹ ɔcǝw nɩ biti ŋundɩ ɲinsiŋan wa bɛ ba, sɩ dɩ ijan kpikpidǝ d'ɔjɔ yɛ acǝ ba. ¹⁰ nɩ bɛ yɛ nɩ Jacques n'dɩ Jean mani dɩ Zébédee ŋan gbugbo dɩ ɲan n'cǝ ɔcɛ akoco yɛ aŋandɩ Simon ɔwɔ ndɩ ɔwɔ. nɩ bɛ nɩ Jesus fɔfu Simon nɩ: macǝ ojo, man kparɛ nɩ akpidǝ inaɲan fum. ¹¹ nɩ igbayɛ nɩ a jɔ gbugbo alikpaw ¹² ɔwa nɩ ilu aka nɩnɔ dɩ ilu ŋan ŋan, ŋi ɔla arɔ aka wa, arɔ bosi gbugboduw. Ori Jésus ba, nɩ odri inɔ dɔw nɩlɛ, nɩ ɔtosiw nɩ : «ala du wa, bɔ bisi wɔ tugo ɔjɔm n'ma». ¹³ nɩ Jésus na ɔwɔ duw, ɔkǝliw nɩ ɔfɔ nɩ : n'bisi, man! nɩ bɛ gbigba nɩ arɔtɛrɛ fira siw. ¹⁵ na kodo afɔ duw kukpɔ kukpɔ, ina ɔgbin kpri wa nɩ kagbɔw n'dɩ nɩ kabo ŋan n'ɔrɔn diŋan ŋan. ¹⁶ aman iyɛ fa aruw, n'lɔ nɩbi gbigbin ŋan nkutosi. ¹⁸ nigba yɛ nɩ ikubaŋan baa afadɩlɛ aka wa, abaniw n'dɩ gado du wa, nɩ ankili nɩ kabaw bawǝlǝ, kaki gbilɛw niju dɔw. ¹⁹ sɩdɩ ɔgbin aka man ya bisi ŋan baw ba wǝlǝ ba n'agun sɩ iri dɩ ilǝ nɩ abaw ba jra naŋinrin akpacɔŋan n'dɩ gado duw ŋɩ aŋinrin dɔgbin nɩ ju dɩvJésus. ²⁰ ori inan dɩŋan ba, nɩ ɔfɔ fuw ni ɔnɛ «a dɛ nɩ alaŋaci dɛ ŋan» nɩ Farisuŋan (Pharisiens) n'di Skribuŋan (les Scribes) kodo fufɔ nɩ ²¹ Farisuŋan (Pharisiens) ndɩ isi ibani? n'bu ɔnɔrɔ nɩ? isi dɩ ŋin tugo ku da ɔnɛ bi ka cǝ ɔnɔrɔ minminrik nɩ? ²² ama Jésus mesi isǝrǝ dɩ ŋan ba nɩ ɔbiŋan nɩ sidi kǝ nɩ n'sǝrǝ isǝrǝ ŋan ŋan nɩ. ²³ nɩ nɔ dɩ a dɛ nɩ alaŋaci dɛ ɲan n'dɩvdǝ ɔrin, isi nɩ cǝ arǝ nɩ. ²⁴ da kiri ki manɩ ɔman dɩ ɔnɛ, ɔnɛ iko nɩlɛ bi nɩ kuba da ɔnɛ nɩ alaŋaci duw ŋan ba, "n'fɔ fɛ, dǝ nigbiri, mu gado dɛ, ɔlɔ nɩ kpasi dɛ. ²⁵ nɩgba yɛ gbigba nɩ ɔnɛ yɛ dǝ niju diŋan ɔmu gado duw nɩ ɔyilǝ nɩ duw n'ba ŋin ɔnɔrɔ. ²⁶ gbugbo dɩ ŋan kɔn fu bi̧ti n'dɩ sisa fu ɔnɔrɔ ŋan nba ǝni ɔnɔrɔ ŋan fɔ nɩ "ari ina dɩ mamaci ŋan. ²⁷ na ŋi dɩ bɛ, ɔfra, nɩ ori ɔli lanpo gbigba aka an kpǝw nɩ Lǝvi (Lévi) ɔjoko nɩ bi dɔcǝ duw, nɩ ɔfɔfuw nɩ likpam. ²⁸ Lévi jɔ gbugbo nɩ ɔdǝ ɔlikpaw. ²⁹ Lévi cǝ jingari laku fu Jésus nɩ kpasi duw, ɔli lanpo gbigba ŋan n'dɩ ikuba ŋan wabɛ anjɛ aŋan duw. ³⁰ Farisuŋan n'dɩ scribuŋan nɩ bajɛ Jésus bisi ɔlaŋiduw ŋan: «si dɩ kǝ nɩjɛ, nɩmɔ iŋin dɩ ɔli lanpoŋan n'dɩ ɔli alaŋaciŋan? ³¹ nɩ Jésus fɔfuŋan nɩ: ka cǝ ɔli alafia ŋan nɩ kili lokotoro, asǝ akɔron ŋan. ³² n'kawa nɩ kpǝ ɔli dǝdǝŋan, ama nwa ninkpǝ ɔli alaŋaciŋan nɩ kacali ŋali. ³³ nɩ afɔfuw nɩ daŋi dɩ Jean ŋan n'dɩ anɔ, an si titosi caa, bɛni dɩ Farisu ŋan (Pharisien) sisin nɩ dɛwɔ ŋan anjɛ an mɔ. ³⁴ Jésus fɔfuŋan nɩ «n'tugo ki jɔ yo dɩ ɔkɔ abɔtɔ ŋan ka din ŋan nɩgba isi ɔkɔ abɔtɔ wa bisi ŋan ba? ³⁵ «ɔjɔ ikubaŋan n'wa nɩ ɔkɔ abɔtɔ, nɩgba yɛ nɩ an wa di anon» ³⁷ bɛ nɩ ɔnaka kansi ɔti titɔn ninɔn dɩ ɔgba wuwoŋan, ba ɔcǝ bɛ ɔti yɛ n'fɔ ɔgbaŋan, ɔti kucan, kubɔ dɩ agbǝ tira nɩ min. ³⁸ sɩ dɩ bɛ nan si ɔti ̧titɔn nɩnon dɩ agbǝ titɔnŋan nɩ. ³⁹ bɛ nɩ ɔnaka kamɔ ɔti wuwo kutira da kubisi titɔn «domi n'fɔ nɩ wuwo dǝ fuw»