¹ nan'i di inusi ŋan cəba,aladua yan inan cgɔta n'di mƹwa ikubaŋan non nanŋan miji miji ni ijudu ni ilu gbugbo n'di naŋinrin isiŋan aradu bisi kusalɔba. ² Okan fuŋan,"kikaƹ kpɔ,aman ɔlɔcƹŋan badə.itosi aladua di kika(seigneur de la moisson) kunanfa ni ɔlɔcƹ ni kikaduwa. ³ Ilɔ! wori,man nan ŋin kə ima agbra ŋan ni ainrin di okoruko ŋan. ⁴ Ima paa akpo dɔ owo,ima kipaa akpo di ŋan,ndi bata ŋan da kima ri ɔna ka soko ni kpana diŋin ⁵ bani kpasi ikubaŋan iwələ iƒɔ dani,ikɛ tututu kuwələ ni kpasi ba. ⁶ Ba ɔnin di ikɛ tututu aka wabɛ, tututu diŋin n'josu, bakacəbɛ n'kpara ku sin siŋin. ⁷ Ijo ni kpasi akacoɛ, kin' jɛ, kin'mon iŋusi afuŋin ba.domi ɔlɔcɛ sidi kasan funi imalɔ kpasi ndi kpasi ⁸ ba iwələ ni olu aka, ni agbaŋin,ijɛ iŋusi ŋan fuŋin ba. ⁹ Daki bɔ akonron insiŋan wabɛ ba. ikan fuŋan, ilu di ɔnɔrɔ gusiŋin. ¹⁰ Aman ilu əsiŋan iwələ, ni akan gbaŋin ba,ilɔ ni kpanan duŋan daki ƒɔ. ¹¹ bado awa toto itikpadi ŋan,ɔma aradi kaburabura di ilu diŋin sinsiŋin! ama iman iba, ilu diɔnɔnrɔ gusiŋin. ¹² Man kanfuŋin ɔjɔ di ijɔ dida(jugement) dida (tolerance) aka kosi fu Sodome kakə fu iluba ba. ¹³ kukuni fuwɔ Chorazin! kukuni fuwɔ, Bethsaid bɔ ɔcɛ lilə si cə ni dɛ osa cə ni Tyr ndi Sidon, abasa su ilɛ da, abajoko abɔ akpoŋan ndi kaburabura. ¹⁴ Aman an cə Tyr ndi Sidon jɛjɛ ɔjɔ di ijɔ dida kulɔŋin. ¹⁵ Wɔ, Caparnaum,wɔsərəni wotugo odə o to igbiri ni? ayi n'ni jraɛni ali ɔjɔ məlo inuku ŋan ni ka cəba. ¹⁷ ɔgɔta ndi mɛwaŋan san ndi ikɛtututu nan fɔ" aladua ali karakuran ŋan gbugbɔ nicə fɔ ni sujada(soumis) ndi ɔrukɔ dɛ. ¹⁸ Jezu kanfu ŋan, "nsari cətani(satan) frani igbiri ocuwa kakə ocə m'anlam ba (eclair). ¹⁹ Wori n'fuŋin ni iko kibarin si ijoŋan ndi akərəkərə ŋan ndi si ikpa gbugbo di ikuya, ni n'ka kan tugo ku bajɛŋin. ²⁰ Sinsin ba kuma donfuŋin kə amiŋan cə fuŋin ba ni sujada ba, aman kudonfuɛ sidi ɔrukɔ diŋinŋan wa ni igbri ba. ²³ okpara si bataladuŋan, nin'fɔ fuŋan aŋan minminrin ni kudonfu isiŋan ri n'si iriba. ²⁴ Man kan fuŋin ni ɔgbin di andəbiŋan ndi ɔlaŋan bisi kari iŋusi ŋan n'iri ba, kubɔ akani, da kagbɔ iŋusi ŋan igbɔ ba ɔbɔ akagbɔ. ²⁵ oli kikɔ aka di mara juive duro n'cə Jəzu da kuriu ni (tester): oli ikɔ basi ni man cə da n'jɛ tibi di duliŋan esi kan tira ba ni? ²⁶ Jəzu kafu ni: kəni akon ni mara ni? kəni ikan ni? ²⁷ Ni jijɛ di oli ikɔ ni: «asə obisi ɔla dɛ ɔnɔrɔ ndi idɔ akaco, n'di ami dɛ gbugbo, ndi ikpa dɛ gbugbo ndi isərə dɛ gbugbo, dɔ bisi jandɛ kə obisi arɛ ba. ²⁸ Jezu kanfu ni: ojɛ sisanŋan cəbɛ d'owani ami. ²⁹ Ama oli ikɔ,bisi kuŋan cimi duba:kanfu Jezu ni :ni isi ni jandəm ni? ³⁰ Nijijɛ du Jezu fɔ ni: ɔnin aka frani Jərusalem n'fra ni Jəriko. ofrani aŋinrin di oləŋan ni acoləu caicai, ni alu kannnnnnnnn ali owa gusi oku. ³¹ ocə gamba ni ɔla dɔlɔcɛ dɔnɔrɔ aka n'jra si kpannan yɛ ba, ni igbasi oriu ba okəəriu. ³² Bɛni oli idi di ləvi sisin tansi ɔwa ni bɛ yɛ ba non riuba okəriuu. ³³ aman Samaratin aka kə yɛ lɔ olu ba non tobisi awaba. igbasi oriuba ocəuni arə. ³⁴ Otuturu bisiu, odi ojujuduŋan nba dasi ori ndi ɔli opau si iran dokodu, non baubalɔ ni ibisusu ɔwou. ³⁵ Ɔjɔ si ləsi ba oba miji tutubɔŋan bafra, non səfuŋan fu inojo non ni, wou da owo si gbugbɔ ɔjɛsuba ba mansan fɛ. ³⁶ isi di minta diŋan ni won sərəni jandi isi sa cuni ajinrin d'oləŋanŋan? ³⁷ oli ikɔni: ɔnin əsi gbɔ arəduba. Jəzu fɔfuni əcə bɛ. ³⁹ sisin ba kə n'lɔ oluba, ni kpannan owələ olu aka ni ɔbrin si ankpəni Marthe gbau ni inojo. ³⁸ Osanin ni kpasi du kəkərə aka ankpəni mari ba,əsi jo si itikpa di Jesus n'gbɔ afɔ dɔnɔrɔ ⁴⁰ Aman ɔwɔ di Marth sa bani n'di ojɛ cicə ba owa bisi Jesu non ni Aladua: kan cəɛ ni ŋanka kə kəkərə dəm n'jɔn mancə fɛ non cɛ ami minrinba? bɛ kafu kugbələm. ⁴¹ Aman aladua jɛ fu non fɔ ni :Marth,Marth,wocə sika fu m'inrin ɔgbin. ⁴² Aman minrin akaco sindi: Marie n'an iŋusi n'dəfu ba, kə akan ŋan fu ba.