¹ jesu warɛ ntosi ni ibi aka. otosi ɔtra ba ni akaco ninon di dan'i dɔŋan fɔ ni, dadɔwa ŋan nɩ basi antasi ba,kə iŋusi jan nŋan dan'i dɔ ŋan ba. ² ni Jesus ɔfɔ fɔŋan ni ba nkitosi, ifɔni «ba dɔwa isi wa wani igbiri ba,ɔrkɔ dɛ kɔman ɔla jijɛ dɛ kɔwa . ³ fuwa ni ɔjɛ di bɔjɔ dɔjɔsii dwa. ⁴ daa ni alahaci dwaŋan kə iŋsi awa ansi da jan dwa ŋanba. man jɛ kawələ ni didin. ⁵ jəsu fɔfɔŋan: isi diŋin nintugo, baa yo dɔ aka wariw naŋinrin diru ɔkanfɔ ni: ŋinfm ni bodobodo mɛta ⁶ domi yi dəm aka pkaman ɔfra kpana ɔwa bisim, ni nkanɛ nka ni nfu. ⁷ Da kjo ninɔn dilə kbajɛfɔ nii"man fɔnm nsuku kpasa da ɔbɔ ami ndi mandəŋan sun da nkantugo ndə nfuwɛ ni bodo bodo. ⁸ Mankan fɔŋin badoo, ka kufuŋin ni bodo bodo sidi icə yo dɔ ba ,sidi infɔnw ba nwa də kufwɛ ni bodo bodo kə iŋusi ibisi ba. ⁹ man fɔ fɔŋin kɔnsi, itosi da ka fuŋin, ikili da kiri ,ikɔti da kaci fɔŋin, ¹⁰ Domi ɔnɛ isi tosi ba niri kɔgba ɔnɛ isi kiliba ni isi ri, ni ɔnɛsi tukuba ni ancifɔ. ¹² isi diŋɛ nintugo ba mandu tosiw ni bodo bodo kufu nitra ni? nimi nibidi ijan kufu nijo ni? ¹¹ Nimi ba otosiw ni in'in kufu ni akərəkərə ni? ¹³ Ba iŋinŋinsiŋan kuku inan baa iman basi nfu man diŋin ŋan ni iŋan rirəŋan, məlo məlo ni badi ŋin isi wani igbiri ba nfɔ ami mima fɔ ŋinsiŋan tosiw ba ni? ¹⁴ Nan'i di bɛ jesu gbiki karakɔran isi kanfɔ ba. sati isi karakɔran fra ba ni ɔnɛ isi kan safɔ baɔsima fɔfɔ. ni ɔdɔnfɔ zaman. ¹⁵ Aman ikɔbaŋa fɔ ni ndi bə ɛlzebul mandi ɔla di karakɔranŋan ni nba gbiki karakɔran ŋan. ¹⁶ ikɔbaŋan dinw anba biw ni kɔŋanŋan ni yasi digbiri aka. ¹⁷ Aman jesu man ni dɔdiŋanŋan ba ni ɔfɔ fɔŋan. ilu di ɔla isi kpin arɔ si arɔ si arɔ ba nfɔ kucu. ¹⁸ ba sitani kpin arɔ si arɔ basi ni ilu di ɔla jijɛ dɔ ni kuduro ni? domi infɔni bə ɛlzebul ni man ba gbiki karakɔran. ¹⁹ Ba bə ɛlzelbul ni manba gbiki karakɔranŋan ni? sidi bɛba ɔli jɔ(juge) diŋinŋin nan wawa. ²⁰ Aman ba man gbiki karakɔranŋan ndi ikika dɔnɔrɔ abɛ ilu di ɔnɔrɔ ɔwa bisiŋin nimin. ²¹ Ba ɔlikpa isi ɔnin in'an digunŋan ba ni cɔ aradi kpasi dɔ ɔnaka kan kali in'an dɔŋan. ²² Ba ɔli ikpa isi lɔw ba ŋanw ni miman ngba iŋan di iŋun dɔŋan da kɔkpinŋan dɔlɛdɔ. ²³ ɔnɛ isi kosi bim ba ɔwarɛ sim ni bɛni ɔnɛsi kankpri fɔnba nfansi ni. ²⁴ sati isi ami kuku fra ninɔn dɔnin nlɔ ni ibi gbigbinŋan kɔkɔ kili mimi ba kari ibi nfɔni mansin ni kpasi dəm bisi nfrawa ba. ²⁵ Oto bɛ ba kpasi gbugbo man da ɔbɔ ɔwari dey-dəy. ²⁶ Ɔri bɛba ni ɔkpara ɔsin, ɔkumu ami kuku məjə ŋinsiŋan lɔw ba, ni gbugbo diŋan wa jo ni kpasi bɛ. sati yɛ ni ayə yɔtɔbɔ dɔnɛyɛ,ɔkpara olə ɔgani titla dɔ. ²⁷ sati isi jesu warɛ nfɔfɔ afɔvŋaŋan ba ni ɔbrin aka tuwa nfɔ lilə nilə nri di zaman ni dida ni fɔ inɔn isi banɛ ba ndi ɔmɔn isi ɔmɔmɔn ba. ²⁸ Ni jesu ni didɔnfɔ ni fɔ inan ŋinsiŋan gbɔ ni anlikpa afɔ di ɔnɔrɔ ba. ²⁹ Sati isi ɔgbin kpiri ba ni ɔni zamani ba ɔcə zamani kuku ni inkili yasi aka kɔnsi. ankanfu ni yasi aka asə yasi di jonas. ³⁰ Domi kə iŋusi Jonas ɔkpara yasi aka fɔ ninnir ŋan ba bɛ sisin ni ɔman dɔ nin ni kɔkpara. yasi fɔ zamani iba. ³¹ aya ɔla di isalɛ nwa ji ɔjɔ di ijɔ dida ŋundi inan di zamani yɛ da kɔcəŋan ni ijɔ domi ɔfra ni ikpəku di ilɛŋan ɔwa gbɔ mima lakɔ. ³² inan di niniv ŋan wa ji ɔjɔ di ijɔ dida aŋan di inan di zamani iyɛ da kada ŋan ni ijɔ domi acali hali sati iyɛ agbɔ afɔ di ɔnɔrɔ ni anɔn di Jonas ba ni wori ɔnaka wa bini ocə onogbo fɔ Jonas ³³ ɔnaka kangu fitila da kɔpaw kɔkɔ gblɛ ni kara cucubikuku nimin ni isalɛ di kakpɛrɛ kpɛrɛ aman si ibi di fitila da ŋinsiŋan wələ ba kari miman. ³⁴ iju dɛ ni cə fitila aradɛ ba iju dɛ ɔsaŋan , aradɛ gbugbo nri mimin. aman ba iju dɛ kasaŋan aradɛ gbugbo nwani ikuku. ³⁵ Cə lakari da miman isi wani ara dɛ ba kɔmakpra ikuku. ³⁶ si di bɛ ba ara dɛ gbugbo ɔgba miman sisanŋan ali ikuku aka kasɛ ɔbɔ ni bɔka di aradɛ, ara dɛ gbugbo nri ni kə fitila isi ntan titan dɔ gbugbo. ³⁷ sati isi ɔtra fɔfɔ ba ni farisu aka fɔfɔ ni kakɔ jɛ ɔjɛ ni kpasi dɔ bɛni Jesu owələ ojo ajɛ ɔjɛ. ³⁸ Ni ocə Farisu ni biti ni ka wɔwo da kɔjɛ ɔjɛ ³⁹ aman aladɔwa fɔfɔ ni iŋin farisuŋan, inɔn di ŋinŋan kɔn ndi bibisi lakɔ di bakə ndi kuku. ⁴⁰ Inan kɔnin isərə ikɔ baŋan kacə ɔnɛ akaco isi cə nan'i ba ŋu nisi cə ninɔn? ⁴¹ Ifu arɛkɛŋan ni iŋusi wa ninɔn ba da in'an gbugbo kɔwa man fɔ ŋin ⁴² Aman kuku ni fɔ iŋin Farisu ŋinsiŋin fu iri kɛwa di irunrun ni kpasi ndi di kpara ndi di gbugbo di kuruko ŋan aman ikanmu cimi ndi bibisi di ɔnɔrɔ nkpə afɔ aka kacə dəy- dəy, da ka bisi ɔnɔrɔ, kɔbɔ kama cu ni cicə di in'an ikɔbaŋan sisin. ⁴³ irikuku ni fɔ iŋin Farisuŋan, domi ibisi nbisi ki njoko ni iju dilə di ikɔŋan. kɔbɔ nbisi ni kanriŋin soko ndi giriman ni ibi di ɔgbin ŋan. ⁴⁴ Irikuku ni fɔŋin domi iri ni kə iri ŋinsiŋan aka dasi kɔlɔ anrin siŋan akan man ba. ⁴⁵ ni ɔnaka ni nɔn di ɔlikɔ di mara di juive ŋan jɛ fɔ ni. ⁴⁶ Ni Jesu jɛ fɔŋan ni irikuku ni fɔ iŋin ɔli ikɔ di mara ŋan domi nru inan ni aru ŋinsiŋan cə arə ruru ba aman ikan ti kali aru ŋan ndi ikika akaco di ara diŋin kankan. ⁴⁷ Iri kuku ni fɔŋin sidi iman ilə di titɔsi(memoriale) si iri di andəbiŋan kɔbɔ aya di aya diŋan ni kpaŋan. ⁴⁸ Sidibɛ icə ɔli səda ndi ŋinsiŋan jɛ ɔcɛ kuku di aya di aya diŋinŋan, domi cimi akpa andəbi ŋinsiŋan aman ilə titosi ŋan si iri diŋaŋan. ⁴⁹ Sidi bɛ sisin ni miman lakɔ dɔnɔrɔ fɔ ni man wana fɔŋan ni andəbiŋan ndi Apotr ŋan da kawa fɔn ŋan da kawa kpa ikɔ ba di ŋanŋan. ⁵⁰ Sati iyɛ zaman yɛ ni nwacə ɔli ɔfɔ di ijin di andəŋinsiŋan can, doo ni titila di dulin'an wa ba. ⁵¹ Do ni ijin di abɛl hali ni ijin di Zakari isi akpa nanŋinrin di təbri di zaka ŋan ndi ibi miman baɛin. man fɔfɔŋin zamani iyɛ ni nwacə aladi afɔ. ⁵² Irikuku ni fɔ iŋin ɔli ikɔ di mara juwiv ŋan,domi ibani safi di miman ndi bɛ aradiŋin kanwələ ninɔn, kɔbɔ indin ŋinsiŋan ni kawələ ba ni kpara. ⁵³ Sati isi jesu fra bɛ ba ni Farisuŋan ndi Scribuŋan ni anjiŋanw ni anfa anŋandɔ si in'an ɔgbin. ⁵⁴ Kɔbɔ anba dinw ndi afɔ di aradɔ kankan ŋan.