² kosi iŋunsi adiri, nikawa fira fatima ba bɛni kosi iŋusi aduku, ni akanwa ma ba. ³ Sidi bɛ ba,gbugbo di iŋusi ifɔ ninɔ di ikuku ba n'anwagbo ninɔ di mima,bɛni iŋunsi iƒɔ ni iti dariŋin ŋan ninɔ dilə ba, anwa klɔ niri dilə ŋan. ⁴ Man fɔfuŋin,iŋin yodəm ŋan,Ima gbɔ ojo di ina ŋinsi ŋan n'kpa ara kubɔ akan tugo kacə nka kɔsi ba. ⁵ Aman, man ŋanŋin ni isi inikisa ba. Isa onɛ isi bi okpa ɔtra,n'tugo kusɔ ŋin ninɔ dɔna ba, bɛni,nfɔ fuŋin isaw. ⁶ akanta iyɛ kəkərə ŋan mɛru fu iman owo miji? ndibɛ ɔnɔrɔ kagbigbə si akoco diŋan. ⁷ Aman aradiŋan gbugbo ni akan. Ima gbɔ ojo inɛ dariza ilɔ ɔgbin di ima iyɛ ŋanŋan. ⁸ Manfɔ fuŋin,ni onɛ isi gbam niju dina ba nami sisin mangba niju d'ɔlinan d'ɔnɔrɔ ŋan, ⁹ Aman ɔnɛsi kɔm niju dina ba,ni manwako niju d'ɔlina d'ɔnɔrɔ ŋan. ¹⁰ Onɛ si fɔ kuku dɔma dɔnɛ ni anda,ama onɛ si bu ami mima ba ni akan da. ¹¹ Bawa muŋin anbalɔ niju dilə d'ikɔŋan niju dacakpanan dilu ŋan, ndi ɔli iko ŋan,ima cə isərə di basi ini kifɔ ki ba gba ariŋin ba,nimi iɲusi ini kifɔ ba. ¹² Domi ami mima ikɔ ŋin ni iŋusi ini ki fɔ ni igba yɛ ba. ¹³ Nigba yɛ ni ɔnaka naŋinrin dina ɔgbin ɔfɔw ni "ɔlikɔ,fɔfu ɔgboni dəm ni kukpin tibi duwa fu amidɔw". ¹⁴ Jezu fɔfu ni ɔnɛ isi gbilɛm ni ɔli ijɔ dida ni, ndi ɔlicicicərə ni diŋan ni? ¹⁵ Ni ɔfɔ fuŋan ni Iba ariŋin bajin fu bibisi d'owo,domi ayə donɛ kajoko si gbugbo di iŋusi onɛ n'ayə duw ba. ¹⁶ dani Jəzu wa tuku afɔ aka fuŋan ni ɔfɔni: ilɛ di ɔlowo aka obi sisaŋan. ¹⁷ Ni nƒɔ ni dɔ duw ni, basi ni mancə ni domi nka nɛ ibi n'glɛ ojɛ dəm ŋan ba? ¹⁸ Ni ɔfɔ ni, wori iŋusi nni cə ba,manfɔ aka dəm ŋan,dan nma isi ŋan cə laku ŋanba dan nsi ɔjɛ dəm ŋan ninɔ ndi dɔlɛ dəm ŋan n'nɛ ba. ¹⁹ Da n'wa fɔfu ɔya dəm ni ɔnɛ dɔlɛ kukpo fu ɔdɔn ɔgbin, mi wɔnjɛ wɔmɔn kubɔ kudɔ fɛ. ²⁰ Ni ɔnɔrɔ fɔfuw ni ɔnɛ kunɛ isərə nalɛ ba ɔnɔrɔ bisi ni nwa kpara ni? ²¹ Bɛ ni nrifu onɛ isi nkpri dɔlɛŋan faruw ni kanin dɔlɛ bisi ɔnɔrɔ ²² Jəzu fɔfu dagni duw ŋan ni,sidibɛ ni man kanfu ŋin ni,ima sərə sayə diŋin,ni kəni njɛ ni mi kəni nbo sara diŋin ŋan. ²³ Domi ami dɔnɛ kpə ɔjɛ, bɛni ara d'ɔnɛ kpə iŋan bubɔ. ²⁴ Iwo ima iyɛŋan akan gbin akan ka aka nɛ kpasi ni mɩ akaa nika gbilɛ ɔjɛ diŋan ŋan,ama ɔnɔrɔ caliŋan,inɛ dariza ilo iyɛ ŋan. ²⁵ Isi diŋin ni tugo ku kali ɔma wakati sɩ ɔjɔ dirirasi dɔŋan ni, ndi iju kikan dɔŋan ni? ²⁶ Bi ikan tugo, kicə m'ŋinrin kəkərə sidi kə ni ncə iju kikan si isi bɔba ni? ²⁷ Iwo kruko d'igbələ ŋan kə iŋusi anfun ba akan cə ɔcɛ aka akan kpa iwu aman man kan fuŋɛ ni cimi ni,bado ola Salomani ninɔ di ɔyi duw gbugbo kabɔ ignan ŋan ɔto akaco diŋan ²⁸ Ba ɔnɔrɔ nbɔ fu kruko doko ŋan ni n'an bubɔ ŋan ni, ŋinsi ŋan warɛ nuni ala anson ŋan nɔna, məlo məlo ni katugo kubɔ fu iŋin ni? oo! inaa ɔligbigba fii ŋan. ²⁹ ima sərə si iŋusi ini kijɛ ndi iŋusi ini kimon ba iju diŋin kuma kan. ³⁰ Domi ilɛ di dulignan gbugbo nin kili iŋan ŋanŋan. ni badi ŋin man iŋusi ibisi ba. ³¹ Aman ikili ɔlajijɛ duw da n'ŋusi bɔba anwa kɔsi fuŋin. ³² Macə ojo oman d'agbugbo kəkərə domi ɔdɔn fu badiŋinvni ku fuŋin ni ilu dɔla jijɛ. ³³ ita iŋan diŋin ŋan da kifu arikɛŋan. icə akpo d'owo ŋinsi ŋan kanwa ɔn ba fariŋin, dɔlɛŋan ni igbiri,isiŋan kanwatira ba ndi bisi olə kan tugo kuto ba ndi bisi ajɛ orin(rouille) kan tugo ku bajɛ ba. ³⁴ Domi bisi amana dɛ wa ba bɛni idɔ dɛ nwa. ³⁵ ijɔ in'an bibɔdiŋin ŋan kudi ni kacicina diŋinŋan, kubɔ fitila diŋinŋan kuwa nigugu ³⁶ Iri kə ina ŋinsiŋan ndə ɔlikɔ diŋan ni ba nigba isi kə ɔsan ndi ni hijə ni ɔtuku kpassa, katra tra ɔci fuw gbigba. ³⁷ didɔnfu ni fu ɔlɔcɛ ŋinsiŋan kə ɔlikɔ nsan kuwa baŋan aka warɛ ansun ba. man kanfuŋin ni cimi nfɔn aruw(ceintra) ku klifuŋan ni bi kubɔ kuwa fu ŋan n'ɔjɛ. ³⁸ Ba ɔlikɔ wa nuru di ɔjɔ irikiji, nimi nuru dɔjɔ irikɛta ni oriŋan atra da ɔlɔcɛ ŋanŋan gbɔ didɔn. ³⁹ iri kima kosi ni b'ɔlikpasi ma wakati isi olə n'waa ba kanjɛ kawa bajɛ fuw nikpasi. ⁴⁰ Ijo kidə domi ika ma wakati di wiwa dɔma dɔnɛ. ⁴¹ Ni Pierre ɔfɔni aladuwa,awa minminrin ni ɔkpa owə d'afɔ ibafu,ni mi gbugbo di inaŋan? ⁴² Aladɔa fɔni: isi ni ɔnogbo d'ɔlɔcɛ di kpasi isi nɛ cimi n'di mima,isi kə aladu gbilɛw si ɔlɔcɛ duwŋan ni kufuŋan ni oma akpala dɔjɛ diŋan ni saati rirə ni? ⁴³ Didɔ nifu ɔlocɛ isi kə aladuwa ni sisin duw n'wa biw cə bɛba. ⁴⁴ Si cimi ma kan fuŋin ni: n'wa gbilɛw si dɔlɛ duw gbugbo ⁴⁵ Aman,ba ɔlɔcɛ yɛ fɔ nidɔ duw ni "sisan d'aladəm kpərə ɔrasi" ni ɔsima ɔlɔcɛ janduw ŋan nigbə,ni n'jɛ,n'mɔ,Hali oyo. ⁴⁶ Ala dɩ ɔlɔcɛ yɛ n'wawa n'ojo ndi wakati isi kə ɔlocɛ dɔyɛ kaba si ba.da aladuw yɛ kugbinw yiriyiri da ku fu ni ibi na ŋinrin di ku nɛ cimi ŋan . ⁴⁷ ɔlɔcɛ yɛ ndi oba ma didɔ di aladuw ba ni kacə iŋusi sindi kucə kə aladuw bisi ba anluw kukpɔ kukpɔ. ⁴⁸ Ama onɛ si kamaw ni ɔcə icə ŋinsiŋan sindi kuri sanami ba , anluw nigbə fii. onɛ si afu kpukpɔ ba, ŋangba kpukpɔ bisi bɛni angba kukpɔ kukpɔ paa ba. ⁴⁹ Nwa ni si ona nilɛ ni,niman bisi ni ona iyɛ ku sima jija da. ⁵⁰ Ama n'nin wiwɛ mima aka ni n'cə, ni cicəduw kan tratra fum. ⁵¹ N'sərə ni n'wa nbawa tutu nilɛ ni? ayi wo man fɔfuŋin ama n'wa ninkpin ni. ⁵² Domi ikpəku di sinsinba, ina mɛru ninɔ di kpasi ankpin ariŋan miji ndi mɛta, nimi mɛta ndi miji. ⁵³ Ankpin ariŋan bati ndi mani ndi mani ndi bati iti ndi igira,ndi igira ndi iti,iti ɔkɔ ndi ayaman ndi ayaman ndi iti ɔkɔ. ⁵⁴ jəzu si fɔfu ɔgbin yɛ ni biri iwuləŋan də ninunu cucu ŋinfɔ gbigba ni omiti bisi kurɔ. ni n'si ribɛ. ⁵⁵ Bɛni ba arifɛ fra ya isalɛ wa,n'infɔni, ibi wa gbina da bɛ kucə. ⁵⁶ Munavikiŋan,n'man npadapada jujo di ilɛ ŋan idi ŋan ndi d'igbiti ŋan muka muka,sidi kəni ikanman ki tim saati di Sinsin ba ni? ⁵⁷ sidi kə ni ikama kin'an iŋusi cə cimi fu ariŋin kankan ni? ⁵⁸ Domi ba wɔnlɔ bisi oli ijo dida wondi onɛ si n'ja ba.ni kpana. icə kokari kigbo ariŋin, da kuma wapɛ kusə fu ɔli cicɔ da ɔlicicɔ kuma wa sɔɛ nilə di sarika. ⁵⁹ Ma fɔfɛni, okan fira bɔ kasan owo yɛ gbugbo otra.