¹ nigba yɛ ni inaa kanfuw nikpa di Galiləŋan ŋin isiŋan Pilate saa yoosi ijin ndi di sara diŋanŋan. ² Jesu jɛ fuŋan ni ɔfɔni, Nsərəni Galiləin ŋanŋan cə ɔli alahaciŋan alɔ galilən ŋanŋan sidi ajɛ wahala kəbɛ ba? ³ Aiyi,man fɔfuŋin ama bi ikacali hali, kəbɛni iŋin sisin ini kibatra. ⁴ ni mi ina mɛwa indi mɛjɔ ni siloə si ŋinsiŋan,ɔlɔ cugu siŋan nɔ kpaŋan ba,nsərə ni ŋanŋan cə ɔla alahaci ŋan paa agani inaa di Jerusalɛm ni ? ⁵ Ayi man fɔfuŋin ni aman bi ika cali hali nku gbugbo diŋin sisin. ⁶ ni jesu kpa ɔwə d'afɔ iba ɔnaka gbin kɛkɛriba(figuier) ninɔ doko di ɔgɛrɛrɛ duw,ni ɔwa wa ni kukuli iman duwŋan, nikari imaaŋan. ⁷ Ni ɔnɛ yɛ fɔfu,ɔli okocicɔ ni wori ɔcə ɔdɔn mɛta nimin ka man wani nkili ima d'ɔgɛrɛrɛ iba ni nkanri nka ikərəw,sidikə ni ijɔw nfɔn ilɛni? ⁸ ɔli okocicɔ Jɛfuw ni ɔfɔni jɔw ninɔn di ɔdɔn iba ,da nwa ni ikɔkɔ duwŋan dan nsi ilɛfufo(fumier). ⁹ Ba ɔbi ɔdɔn titɔn ni ɔsaŋan ama ba ka bi ni wɔwa kərəw. ¹⁰ jesu ncɔ ina ninɔ di ilə d'ikɔ aka ɔjɔ di sabbat(ɔjɔ iri kɛjə). ¹¹ Wori ɔbrin aka sa wabɛ ni ami kuku wa naraduw,ni kan tugo nrin,ni onɛ akaco,ni kan tugo kuduro si itikpa duw ŋan. ¹² Nigba isi jesu riw ba ɔkpəw ni ɔfɔni ni tu(soit liberer) ninɔ di ayimarin dɛ. ¹³ Ni ɔləsi ɔwɔ ŋan siw. nibɛ gbigba ni ɔdə ɔduro,nn'ɛ ɔnɔrɔ. ¹⁴ Ama ola d'ilə d'ikɔ gba awɔ sidi jesu bɔ onɛ ɔjɔ irikɛjə ba(sabbat). ¹⁵ Ni aladuwa jɛfuw ni munaviki isi ni wa naŋinrin diŋin, ni kan tu kɛtɛkɛtɛ duw nimi lala duw ku baw balɔ kɔ kɔmɔ umi ɔjɔ di sabbat ni? ¹⁶ Bɛ sisin mandi di Araham ɔbirin iba sitani diu doo ɔdɔn mɛwa ndi mɛjɔ akan tugo katuw ɔjɔ di sabbat irikɛ jə? ¹⁷ saati isi ɔwarɛ nfɔ afɔ ŋanŋan ba anɔn mu isi ŋan kasa bisi afɔ duw ba aman zaman gbugbo sajɛ haleri di icə laku si ŋan jesu sacə ba. ¹⁸ tɔ jesu fɔni: "kəni olu di ɔla jijɛ di ɔnɔrɔ jɔm? kəni man wabaw ba kuŋan ni? . ¹⁹ ɔjɔ aman d'iyərə sikə ɔnɔnka mu ni ɔsɔ ni oko du ba,ni ɔkpɔ ɔkpara idoni laku ni iyɛŋan nman ilə diŋan si ɔmon du ŋan. ²⁰ ɔkɔsi ɔfɔ ni kəni man ba olu di ɔla jijɛ di ɔnɔrɔ ba kuwan ni? ²¹ Ɔjɔ ogugu si ngu bodobodo ba ni ɔbrin aka mu ɔba ro ndi on'ufu kukuwan mɛta hali kugum. ²² jesu sawarɛ nsawo olu laku ŋan ndi ɔman oluŋan si kpannan du wa Jerusalem ni nkɔŋan. ²³ Ɔnɔka kafuni alla duwa ikubaŋan min minrin ni wowa gbani afɔ? tɔ ɔjɛ fuŋan ni. ²⁴ Abani oriŋin kiwolə ndi kpasa ciculi domi ɔgbin nwakili ni kawolə aman akantugo kawolə. ²⁵ igbasi alla kpasi nwadəwa daka suku kpasa ba nwa duro nodə kikɔti da kifɔni alla duwa alla duwa jɔwa kawolə. ²⁶ da kuwa jɛfuŋin da kuwa kafuŋin ni nkaman ŋin bisi ni ifrawa ni? ²⁷ Tɔ iwa fɔni ajɛ ni aman ni wiwarɛdɛ ni ɔkɔ inan ni kpannan duwaŋan. ²⁸ Iwari dudon ŋan ndi in'i kikiniŋan igbasi iwari Abraham,isaac,Jacob ndi andəbi ŋan ni olu di ɔla jijɛ di ɔnɔrɔ, kubɔ iŋin asunon ŋin nodə. ²⁹ Anwa wa di nunudi awurɔ,di inunu dalɛ,diwa igbiri ndi di ya isalɛ, da gbugbo diŋan kawa ni ayinnin ɔba kancɛ si təbiri dɔjɛ ni olu di ɔla jijɛ di ɔnɔrɔ. ³⁰ Iri kima ni tutubo ŋan ncə titi laŋan da titila ŋan kawa cə tutubɔŋan. ³¹ okɔsi fiba ni aFarisu ŋan wariw ni afɔni fra bini ɔlɔ domi Erode bisi kukpə. ³² Jesu fɔni "ilɔ kika fu aja dokoyɛ ni wo man gbiki karakuran ŋan ni man bɔ inan nuni ndi ala,ndi ɔjɔ irikɛta man ba nusi nbisi ba . ³³ Ni gbugbo, ɔwarɛ tilasi fum ni nba kuro nuni, ala ndi ɔjo irikɛta. ³⁴ Jerusalɛm, Jərusalɛm, wo isi kpa andə biŋan ni ntaŋan ni ikutaŋan, ŋinsiŋan ana fuŋin ba. ³⁵ Mɛlo,nin nkili nin kpiri mandɛ ŋan kə iŋusi adɛ nkpri mandɔwŋan ni ika duwŋan, aman ɔka bisi bɛ. Wori njɔ fɛ ni kpasi dɛ. man kanfɛ ɔkan rim kɔsi hali ɔwafɔni"dida ni fu ɔnɛ isi wa ndi ɔrikɔ d'aladuwa."